YOSUA 10:10 - KITAB NU TUMPU ALLA LELE MA'IMAI'

¹⁰ Pinotimbalimo nu Tumpu na aha mian nu Amori madi' noko ala gawe salatan nontoamo suludadu nu Israel. Manjoo' na aha mian nu Amori pinatean kiijo' i Gibeon, ka' anu daagi' tutuu' i loloi'mo nokaiyong i tengke nu bungkutnyo nu Bet-Heron kojo'onnyo tinoka-toka i Azeka ka' Makeda i sasu selatan.

YOSUA 10:10 ပူးပေါင်းရင်းမြစ်များ

2 SAMUEL 22:15

Pana'-Nyo iwi-iwi' pinana' akon-Nyomo, ka' nomposubalimo anu monsampo bali' Ia saja'mo nompojohonjit kilat sahingga aha nopalaimo.

1 TOMU-TOMUNDO' 9:17

Ka' i Salomoje na po'ule' nombau kota haha aijo'.) Ka' i Salomo mule' na nompakisa mian po'ule' nombau Bet-Horon-Hilir.

2 TAWARIKH 14:12

Lantas i Asa ka' suludadu nu aha Yehuda nontumbuhi suludadu nu aha Sudan. I hungku'anmo nu Tumpu na suludadu nu aha Sudan, sahingga aha nopalaimo.

2 TAWARIKH 25:13

Tempo'nyo aitu to sulu-suludadu nu aha Israel anu sinaimo i Amazia ninsusule', ka' madi'mo pinobee' namba hingga-hinggat nahampate, nontumbuhimo to kota-kota' nu aha Yehuda lengkat i Samaria mokiijo' i Bet-Horon. Aha nompateimo 3.000 na mian ka' nompahuhuakonmo manjoo' na balang.

MAZMUR 18:14

Lantas Tumpu notatae sumomo ahi' gohung aita' mae i langa; Anu Matangkas na Kuasa-Nyo nompohongomo mae potatae-Nyo.

MAZMUR 44:3

Posi Belentomo ahi' na nolaa' to bansa-bansa da mian anu palesayamo hi Belento tataapmo ilipu' nu aha. To bansa-bansa sangga'at sinilakanmo nu Belento panyo mian anu palesayamo hi Belento na pinoloasmo ahi' nu Belento da ko pintu-pintuangnyo.

MAZMUR 78:55

I ahop nu mian anu palesayamo hi ia, i laa'-Nyomo na mian anu jojoong i kiijo', lantas binagi-bagiakon-Nyomo na lipu' aijo' hi iwi-iwi' na tulunan nu bansa Israel mian anu palesayamo hi Ia sahingga aha nonjojoongimo iwi-iwi' na kema' nu sampobali' nu aha.

YESAYA 28:21

Tumpu totinjomo mae susumo i Bungkutnyo nu Perazim. Ia mahampatemo susumo i Bangka'nyo nu Gibeon kalana mompojadimo anu kinahanda'an-Nyomo, kahanda'anu madi' minsoop ipikilan nu manusia! Ia mopojadimo kalaja-Nyo anu mompobangang hondo.

YESAYA 30:30

Tumpu saidi' mae mompohongomo potatae-Nyo anu daka' hondo ka' toto samian molasaimo kuasa-Nyo anu opalias hondo. Tambuha'-Nyo saidi' mae mompotokamo mae ujan anu daka' hondo, ujan batu tiba antong anu makansang hondo.

YEREMIA 34:7

Salatan suludadu nu tomundo' Babel nontumbuhimo kota' aijo'. Aha suele mule' ahi' nontumbuhimo kota' Lakhis tiba Aseka, ohua' na kota' anu ko bentengnyo aijo' na daagi' nontinjohakon kiijo' i Yehuda.

ZAKHARIA 14:3

Lantas Tumpu mompahampateakonmo mongewa bansa haha aijo' susumo anu binau-Nyomo tempo'nyo naipuan mae.

PO'ULE' INGULIT 7:23

Sumo aijo' na Tumpu Allah nu belemiu mombee' iwi-iwi' na sampobali' miu hi belemiu. Ia momposubalimo aha sampe aha silakamo.

YOSUA 10:11

Tempo'nyo aha mian nu Amori nokaiyongmo i tengke nu bungkutnyo aijo' kalana nopalaimo da boli nukabot nu aha suludadu nu Israel, Tumpu nontudunakonmo mae ujan eis anu toto daka-daka' lengkat mae i langit nongkona aha tutuus jalan kojo'onnyo tinoka-toka i Azeka. Anu sinilaka kinona nu ujan eis aijo' lebe manjoo' molingkudui anu pinatean nu aha mian nu Israel.

YOSUA 10:28

Sinaa aijo' i Yosua nontumbuhimo Makeda, ka' nompatundu'mo kota aijo' tiba tomundo'nyo. Iwi-iwi' na anu jojoong i kota aijo' pinateannyomo; mau pe'e ola samian madi' pinotumuu'. Pinombau i Yosua tomundo nu Makeda sumomo ia nombau tomundo nu Yerikho.

YOSUA 10:9

Sinampahu na i Yosua tiba gombuan nu suludadunyo lengkat mae i Gilgal nokiijo' i Gibeon lantas nontumbuhimo aha mian nu Amori pinotolokengkeng nu aha.

YOSUA 11:8

Ka' pino'untungmo nu Tumpu na Israel nongewa aha. Aha mian nu Israel nontumbuhimo ka' nololoi'mo aha kojo'onnyo tinoka-toka i Misrefot-Maim tiba Sidon sasu utara, ka' kojo'onnyo toka-toka i Bangka'nyo nu Mizpa sasu kabete'an. Sabole-bole saja'mo nahampate sahingga sampobali' madi'mo ko anu tinontuha', iwi-iwi' i natemo.

YOSUA 16:3

Lengkat mae ikiijo' potempasannyo aijo' mokiijo'mo mompanjolongi kinsoban i da'erah nu aha mian nu Yaflet toka-toka mokiijo' i Bet-Horon-sasu Poiliannyo, lau-laus mokiijo' i Gezer, lantas puusnyomo i Ambai anu Totonga'nyo.

YOSUA 16:5

Ka' mule' aiya na potempasan nu tano' anu binee'mo hi to utu-utus tulunan nu bansa Efraim. Sasu kabete'an potempasan nu tano' nu aha otampu'uni lengkat mae i Atarot-Adar toka-toka i Bet-Horon-Sasu Matanyo.

TO MIA-MIAN KOPIAN 4:15

Lapas aijo' nontumbuhimo i Sisera. Ka' Tumpu nomposungkehetmo iwi-iwi' na gombuan nu suludadu i Sisera ka' to kare-kareta anu bau pahampatenyo sahingga i Sisera nintatau'mo madi'mo naninsake' i karetanyo, lantas nopalaimo i lumajang tengke.

TO MIA-MIAN KOPIAN 4:16

I Barak nololoi'mo to kare-kareta anu bau pahampate tiba suludadu nu sampobali'nyo haha aijo' tinoka-toka i Haroset-Hogayim lantas iwi-iwi' na suludadu i Sisera aijo' pinateannyomo; maupe'e ola samian madi' ko anu pinotumuu'.

TO MIA-MIAN KOPIAN 5:20

to manda-mandala' suele nahampatemo nongewa Sisera, lengkat mae aita' i langa.

1 SAMUEL 13:18

gombuan ko ohua'nyo namba i Bet-Horon, ka' gombuan sa'angu' mule' namba i potempasan anu mo ahop mokiijo' i Bangka'nyo Zeboim ka' i padang anu mateges.

1 SAMUEL 17:1

Daagi kino sansinaan mian nu aha Filistin nosangaja'mo mae molambani mahampate. Aha nomposihukmo suludadu nu aha kiijo' ikota' Sokho, i daerah Yehuda ka' nombaumo kemah nu aha i olot nu Sukho tiba Azeka koko Efes-Damim.