YOSUA 1:7 - KITAB NU TUMPU ALLA LELE MA'IMAI'

⁷ Ola, tionyo ahi' beleyum totu-totu'u na kinyonyoa ka' baani. Beleyum tionyo ahi' sabole-bole monginau' ka' beleyum sabole-bole ahi' montuluti atulan iwi-iwi' anu binee'mo i Musa posaihon-Ku hi beleyum, boli nu kolilimi mau ola pa' to sangkuka, da apaa na anu nu kahanda'i tionyo ahi' nu humpak.

YOSUA 1:7 ပူးပေါင်းရင်းမြစ်များ

1 TOMU-TOMUNDO' 2:2

“Aiyamo na tempo'nyo aku silakamo. Tionyo ahi' beleyum baani ka' palesaya totu-totu'u hi Tumpu Allah.

1 TOMU-TOMUNDO' 2:3

Ka' obau apaa na anu nu palentahkon nu Tumpu Allah nu beleyum hi beleyum. O tuluti na to atu-atulan ka' to pale-palentahNyo anu tinulismo i uno nu Kitab i Musa, da momoya na kalambanan nu beleyum mingkaliangan na anu nu bau.

2 TOMU-TOMUNDO' 22:2

I Yosia nombaumo hahan anu momposanang kinyonyoa nu Tumpu. Ia nontihomo kalakuan i Tomundo' Daud mompolee'nyo ka' tinulutannyomo totu-totu'u na atulan nu Tumpu Allah.

1 TAWARIKH 22:13

De beleyum montuluti iwi-iwi' palentah anu binee'mo nu Tumpu hi Musa anu ogunakon hi bansa Israel, beleyum moko ala mompotimbali laigan aijo'. Beleyum tionyo ahi' totu-totu'u na kinyonyoa ka' baani. Boli mabuhuk na mongahopi maumo pa'apaa.

2 TAWARIKH 15:7

Panyo belemiu tionyo ahi' saban na kinyonyoa ka' baani ahi'. Apaa na anu nu usahakon aijo' mingkaliangan.”

2 TAWARIKH 26:5

I Zakharia na saja' mompokinde'i de mongkona hahan agama. Tempo'nyo i Zakharia daagi' tutuu'. I Uzia daagi' saja' tulu-tulutan monsombah Tumpu, sahingga daagi' saja' nubalakati nu Tumpu.

AYUB 1:8

Lantas pinokilawamo nu Tumpu, “Pa' totu-totu'u tinoamo nu beleyum na mianku i Ayub? I dunia aiya songko-songko madi' ko mian anu ma'ima' na kinyonyoa sumo ia. Ia monsombah Aku ka' totu-totu'u madi' lewa' mombau anu ma'idek.”

MAZMUR 80:19

Sahingga kami madi'mo daagi' mompala'i Belento; jagaiakon mae na kantumuu'an mami, sahingga kami mompuji'mo Belento.

AMSAL 4:27

Opimpali na palabuatan anu ma'idek ka' tumuu' hodi' na kinyonyoa. Boli hondo-hondo mosele mompala'imo jalan anu totu'u.

AMSAL 8:20

Aku mombatuki jalan anu adin, aku malalangkas i jalan anu madi' tageo' na kinyonyoa.

DANIEL 10:19

Ia notatae, “Tumpu mongkalibosi beleyum kalana aijo' boli bata-bata kabai mabuhuk, donganmo pahoson!” Hau-haunyo ia nontaloakon han aijo' ingoa'anku nompaka pahosonmo mule' ka' notataemo, “Soba potataemo mae o, Tumpu, belento Tuan nompaka tuangimo mae kahosonanku.”

NOMBILANGMO 27:23

Lantas pinotiiknyomo na limanyo aita' i buan nu ubak i Yosua ka' nompoto'imo tukoonyo i Yosuamo na bau pombolosi ia, susumo anu pinalentahkonmo nu Tumpu hi ia.

PO'ULE' INGULIT 11:8

“Otuluti iwi-iwi' na atulan anu ku potokakon hi belemiu sinaa aiya, da belemiu timbali moko ala motaap i kaunyo, ka' minsoop i lipu' anu madi'mo pin ojojoongimo miu.

PO'ULE' INGULIT 12:32

Obau iwi-iwi' apaa na anu pinalentahkonkumo hi belemiu boli otuangi kabai oga'ai.

PO'ULE' INGULIT 28:14

Panyo boli hondo-hondo mongkolilimi palentah haha aijo' mau mule' pa' mosiamo. Ka' boli mule' monsombah ka' mompalesaya to pilo-pilogot sangga'at.”

PO'ULE' INGULIT 29:8

Tano' nu aha ingalantomo ka' binee'tomo bau bagi nu aha tulunan nu bansa Ruben, Gad ka' sambahagian anu nu tulunan nu bansa Manasye.

PO'ULE' INGULIT 29:9

Jadi tionyo ahi' belemiu saja' montuluti ka' mombau iwi-iwi' na palajanjian aijo' da apaa na anu obau nu belemiu iwi-iwi' mingkaliangan.

PO'ULE' INGULIT 31:7

Lantas i Musa nolagamo i Yosua, ka' i ahop nu bansa Israel iwi-iwi' ia notataemo hi Yosua, “Tionyo ahi' opohoson na kinyonyoa nu beleyum ka' tionyo ahi' baani, Yosua! Beleyummo na molaya' bansa aiya da jojoongmo i lipu' anu jinanji'mo nu Tumpu hi mompolee' nu aha.

PO'ULE' INGULIT 4:2

Apaa na anu ku palentahkon, boli otuangi kabai oga'ai mau ola sangkiding. Tuluti na palentah nu Tumpu Allah nu belemiu iwi-iwi' anu binee'kumo hi belemiu.

PO'ULE' INGULIT 5:32

To utu-utus tuluti ima-ima', iwi-iwi' na anu pinalentahkonmo nu Tumpu nu belemiu hi belemiu. Boli molanggai mau pe'e ola sa'angu' na palentah haha aijo'.

YOSUA 1:1

Salatan i Musa sinilakamo, posaihon nu Tumpu aijo', Tumpu nompoto'imo hi wakin i Musa, aijo'mo i Yosua, anak i Nun.

YOSUA 1:8

Kitab nu atulan aijo' tionyo ahi' saja' nu basa'akon hi mian anu pinalesayamo hi beleng-Ku. Ogulu'i na kitab aijo' sinaa ka' malom, da saja' nu bau iwi-iwi' apaa na anu tuli-tulis kiijo' i unonyo. De nu baumo na aijo' iwi-iwi' kantumuu'an nu beleyum mohumpakmo kasanangan ka' apaa na anu nulio nu beleyum ohumpakmo.

YOSUA 1:9

O inau', Aku nompalentahmo beleyum da beleyum totu-totu'u na kinyonyoa ka' baani! Boli beleyum mabuhuk kabai hente na kinyonyoa, kalana Aku na Tumpu Allah nu beleyum saja' monsangalui beleyum maumo pa' moya na kalambanan nu beleyum.”

YOSUA 11:15

Iwi-iwi' na anu pinalentahkonmo nu Tumpu hi Musa, posaihon-Nyo, pinotokakonmo i Musa hi Yosua; mau pe'e ola sa'angu' madi' ko anu kinolilimannyo.

YOSUA 23:6

Kalana aijo', opokopiani da belemiu saja' montuluti ka' mombau iwi-iwi' apaa na anu tinulismo i uno nu Kitab Atulan i Musa. Mau ola sa'angu' madi' timbali olanggai na atulan haha aijo'.