YOSUA 1:6 - KITAB NU TUMPU ALLA LELE MA'IMAI'

⁶ Tionyo ahi' beleyum palesaya totu-totu'u ka' baani kalana beleyumo na molaya' bansa aiya de aha jojoongmo i lipu' anu jinanji'-Kumo hi mompolee' nu aha.

YOSUA 1:6 ပူးပေါင်းရင်းမြစ်များ

KAJADIAN 12:7

Tumpu nanintoamo hi Abram ka' notatae hi ia, “Aiyamo na lipu' anu Ku bee'mo hi lee' nu beleyum.” Lantas i Abram nompotinjomo sa'angu' na mezbah ikiijo' bau ponsomban Tumpu anu nanintoamo hi ia.

KAJADIAN 26:3

Ku jagaije na beleyum ka' ku balakati. Songko-songko na da'erah aiya Ku bee'mo hi beleyum ka' hi lee' nu beleyum. Ku ganapije na janji' anu binee'-Kumo hi Abraham tuuma nu beleyum.

2 SAMUEL 10:12

Pohoson na kinyonyoa ima-ima'! Imbo' babaani mae na kita mahampate montinjohakon bansanto tiba to kota-kota' nu Tumpu Allah. O'amalakon da Tumpu mombaumo apa-apaa na anu nu kahanda'i.”

1 TOMU-TOMUNDO' 2:2

“Aiyamo na tempo'nyo aku silakamo. Tionyo ahi' beleyum baani ka' palesaya totu-totu'u hi Tumpu Allah.

1 TAWARIKH 22:13

De beleyum montuluti iwi-iwi' palentah anu binee'mo nu Tumpu hi Musa anu ogunakon hi bansa Israel, beleyum moko ala mompotimbali laigan aijo'. Beleyum tionyo ahi' totu-totu'u na kinyonyoa ka' baani. Boli mabuhuk na mongahopi maumo pa'apaa.

1 TAWARIKH 28:10

Potutugakon ima-ima' saba' Tumpu nompile'imo beleyum da mombau laigan anu samata-mata opake ponsomban Ia. Jadi uuka aiya baumo na aijo' ka' okinyonyoai ahi' totu-totu'u.”

1 TAWARIKH 28:20

Lapas aijo' i Tomundo' Daud notatae mule' hi Salomo anaknyo momo'ane, “Beleyum tionyo ahi' totu-totu'u na kinyonyoa ka' baani. Tampuunimo na kalaja ka' boli bata-bata maumo pa'apaa na o ahopi. Tumpu Allah anu ku ku sombah na montulungi beleyum. Ia madi' mompojohok beleyum. Ia saja' montoa kapalaluan nu beleyum sahingga iwi-iwi' na kalaja aijo' timbalimo, ka' madi'mo ko anu obau.

2 TAWARIKH 15:7

Panyo belemiu tionyo ahi' saban na kinyonyoa ka' baani ahi'. Apaa na anu nu usahakon aijo' mingkaliangan.”

2 TAWARIKH 20:11

Uuka aiya sumo aijo'mo na bansa haha aijo' mombau kami. Aha kahanda'mo molaa' kami da madi'mo jojoong i lipu' aiya anu binee'mo nu Belento hi kami.

2 TAWARIKH 20:7

Belentomo na Tumpu Allah mami. Tempo'nyo mian anu palesayamo hi belento, bansa Israel tinokamo i lipu' aiya, i laa'mo nu Belento na to mia-mian anu tempo'nyo aitu jojoong i aiya. Lantas binee'mo nu Belento na lipu' aiya hi lee' i Abram, bela' nu Belento, da ahamo na tumpunyo sampe toka sidu-sidutu'.

MAZMUR 27:14

Sabole-bole ahi' taha'iman hi Tumpu, pohoson ka' bolimo mongabali' na kinyonyoa nu beleyum; ingat, sabole-bole ahi' taha'iman hi Tumpu.

DANIEL 10:19

Ia notatae, “Tumpu mongkalibosi beleyum kalana aijo' boli bata-bata kabai mabuhuk, donganmo pahoson!” Hau-haunyo ia nontaloakon han aijo' ingoa'anku nompaka pahosonmo mule' ka' notataemo, “Soba potataemo mae o, Tumpu, belento Tuan nompaka tuangimo mae kahosonanku.”

HAGAI 2:4

Maumo sumo aijo' boli ahi' hente na kinyonyoa nu belemiu iwi-iwi'! Lausakonmo na kalaja aijo' kalana Aku tataap montulungi belemiu.

ZAKHARIA 8:9

Tumpu notataemo hi mian anu palesayamo hi Ia, “Pohoson na kinyonyoa nu belemiu! Uuka aiya belemiu mohongomo potatae anu toho'mo tinaloakon nu to nabi-nabi tempo'nyo pundasi binaumo da bau pompotinjoan Laigan-Ku.

NOMBILANGMO 26:53

“Bagiakon na tano' aijo' hi aha tulunan nu bansa Israel obatukakon i konjoo'nyo nu aha tulunan nu bansa.

NOMBILANGMO 33:53

Tano' aijo' tionyo ahi' o ala nu belemiu ka' o jojoongi nu belemiu, kalana Ku bee'mo hi belemiu.

1 KORINTUS 16:13

O jaga mae ahi' na komiu ka' opohoson na kapalesaya'an i uno nu kantumuu'an salaku mian Kristen. Obau babaani ka' boli mabuhuk na palesaya.

EFESUS 6:10

Ahennyo, pahoson ahi' na komiu nu kahosonan anu i humpak miu lengkat hi kuasa nu Tumpu, kalana komiu nosa'angu'mo tiba Ia.

PO'ULE' INGULIT 1:21

Belengku notatae: Uka komiu timokamo i da'erah bungkut nu mian Amori, tano anu bine'mo hi kita i Tumpu-Allahnto ka Allah mompole'to. Toa i ahop miu tala-tala na tano' aijo. Lako'mo patundui susumo anu pinalentah nu Tumpu. Bolimo bata-bata kabai mabuhuk.

PO'ULE' INGULIT 1:8

Aku Tumpu; no janji'mo iwi-iwi na tano aijo toka hi mompolee' miu Abraham, Ishak ka'i Yakub ka' lee'nu aha. Jadi lokenmo jojongi na tano' aijo.’ ”

PO'ULE' INGULIT 11:8

“Otuluti iwi-iwi' na atulan anu ku potokakon hi belemiu sinaa aiya, da belemiu timbali moko ala motaap i kaunyo, ka' minsoop i lipu' anu madi'mo pin ojojoongimo miu.

PO'ULE' INGULIT 31:23

Lapas aijo' Tumpu notataemo hi Yosua anak i Nun, Ia notatae, “Tionyo ahi' beleyum mompohoson kinyonyoa ka' baani, Yosua! Beleyummo na molaya' bansa Israel mompinsoopi lipu' anu jinanji'-Kumo hi aha ka' Ku tulungije na aha.”

2 TIMOTIUS 2:1

O Timotius, anakku! Pahosonmo ahi' na beleyum nu balakat anu binee'mo hi kita, kalana kita nosa'angu'mo tiba i Kristus Yesus.

YOSUA 1:18

Batu-batu mian anu madi' mongka'oho' ta'aluk i kakuasa'an nu beleyum kabai madi' montuluti palentah nu beleyum, mohumpak hukuman mate. Tionyo ahi' beleyum totu-totu'u na kinyonyoa ka' baani!”

YOSUA 1:7

Ola, tionyo ahi' beleyum totu-totu'u na kinyonyoa ka' baani. Beleyum tionyo ahi' sabole-bole monginau' ka' beleyum sabole-bole ahi' montuluti atulan iwi-iwi' anu binee'mo i Musa posaihon-Ku hi beleyum, boli nu kolilimi mau ola pa' to sangkuka, da apaa na anu nu kahanda'i tionyo ahi' nu humpak.

YOSUA 1:9

O inau', Aku nompalentahmo beleyum da beleyum totu-totu'u na kinyonyoa ka' baani! Boli beleyum mabuhuk kabai hente na kinyonyoa, kalana Aku na Tumpu Allah nu beleyum saja' monsangalui beleyum maumo pa' moya na kalambanan nu beleyum.”

YOSUA 10:25

Lapas aijo' i Yosua notataemo hi to kapa-kapala nu suludadunyo, “Boli bata-bata ka' boli mabuhuk. Tionyo ahi' belemiu palesaya totu-totu'u ka' baani' kalana sumo aiya na Tumpu mombau sampobali' miu iwi-iwi'.”

YOSUA 13:6

Tibamo suele iwi-iwi' na da'erah nu aha mian Sidon, anu jojoong i da'erah nu bungkutnyo olotnyo nu to bungku-bungkutnyo nu Libanon ka' Misferot-Maim.” “Iwi-iwi' na bansa haha aijo' ku laa'mo saidi' mae salatan aha mian nu Israel mahampatemo tiba aha,” sumo aijo' na koonyo nu Tumpu hi Yosua. “Tano haha aijo' tionyo ahi' nu bagi-bagiakonmo hi aha mian nu Israel da timbalimo anu nu aha na tano' aijo', susumo anu pinalentahkon-Kumo hi belemiu.

YOSUA 18:3

Jadi, i Yosua notataemo hi mian nu Israel, “Belemiu daagi' montada'i hipianje, lantas mambaje monjojoongi da'erah anu binee'mo nu Tumpu, Tumpu Allah nu mompolee' miu hi belemiu?

YOSUA 21:43

Sumo aijo' na Tumpu nombee' hi aha mian nu Israel songko-songko na tano' anu sinumpa'akonmo na jinanji' hi mompolee' nu aha. Salatan aha jinojoongmo i lipu' aijo' aha mian nu Israel tinataapmo ikiijo'.

1 SAMUEL 4:9

Pa'baani ahi' na kinyonyoa nu belemiu mian Filistin! Pahampate ka' pimo'anemo de madi', belemiu nu botuanimo nu aha mian Ibrani haha aijo', susumo aha naipuan mae binotuananmo nu belemiu. Kalana aijo' pahampatemo totu-totu'u!”