YOSUA 1:2 - KITAB NU TUMPU ALLA LELE MA'IMAI'

² Tumpu notatae, “Posaihon-Ku i Musa sinilakamo. Jadi uuka aiya beleyum ka' iwi-iwi' na aha mian nu Israel pogogaumo da motaapmo mokiijo' i Kaunyo nu Yordan, ka' mompinsoopimo lipu' anu Ku bee'mo hi aha.

YOSUA 1:2 ပူးပေါင်းရင်းမြစ်များ

KAJADIAN 17:8

Ku bee'mo hi beleyum ka' hi lee' nu beleyum na tano' aiya, anu uuka aiya kajojoongan nu beleyum salaku mian anu lengkat mae i salipu'an. Songko-songko na tano' Kana'an timbalimo anu nu makumpu nu beleyum sampe toka sidu-sidutu' ka' Aku timbalimo Tumpu Allah nu aha.”

NEHEMIA 9:23

Pinotimbalimo nu Belento na lee' nu aha, susumo mandala' haha aita' i langa na konjoo'nyo. Binee'anmo nu Belento na aha tano' da bau kajojoongan nu aha, tano' anu jinanji'mo nu Belento hi mompolee' nu aha.

AYUB 1:8

Lantas pinokilawamo nu Tumpu, “Pa' totu-totu'u tinoamo nu beleyum na mianku i Ayub? I dunia aiya songko-songko madi' ko mian anu ma'ima' na kinyonyoa sumo ia. Ia monsombah Aku ka' totu-totu'u madi' lewa' mombau anu ma'idek.”

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

NOMBILANGMO 12:7

Panyo madi' sumo posaihon-Ku i Musa. Olamo aijo' ia na mian anu tulu-tulutan madi' sumo mian sangga'at anu pinalesayamo hi beleng-Ku.

PO'ULE' INGULIT 3:28

Pokinde'i ima-ima' na i Yosua, posanang na kinyonyoa, kalana iamo na molaya' bansa aijo' mokiijo' i santoanyo da monjojoongi lipu' anu tinoamo nu beleyum aijo'.’

PO'ULE' INGULIT 31:7

Lantas i Musa nolagamo i Yosua, ka' i ahop nu bansa Israel iwi-iwi' ia notataemo hi Yosua, “Tionyo ahi' opohoson na kinyonyoa nu beleyum ka' tionyo ahi' baani, Yosua! Beleyummo na molaya' bansa aiya da jojoongmo i lipu' anu jinanji'mo nu Tumpu hi mompolee' nu aha.

PO'ULE' INGULIT 34:5

Lantas sinilakamo na i Musa posaihon nu Tumpu i tano' nu Moab, susumo anu pinoto'imo nu Tumpu momonanyo.

YOSUA 1:1

Salatan i Musa sinilakamo, posaihon nu Tumpu aijo', Tumpu nompoto'imo hi wakin i Musa, aijo'mo i Yosua, anak i Nun.

YOSUA 1:11

da mamba i songko-songko na kemah nu aha mian Israel ka' nombee'i palentah sumo uuka, “Potoukai na mantu kalana daagi' tolun sinaa belemiu tionyo ahi' motaapmo i Kaunyo nu Yordan da jojoongmo i lipu' anu binee'mo nu Tumpu Allah nu belemiu hi belemiu.”