YOHANES 9:41 - KITAB NU TUMPU ALLA LELE MA'IMAI'

⁴¹ I Yesus nontaami, “De komiu mapisok, komiu madi' baladosa'. Panyo kalana komiu notataemo, ‘Kami nontoamo,’ aijo' alati'nyo, komiu daagi' baladosa'.”

YOHANES 9:41 ပူးပေါင်းရင်းမြစ်များ

AMSAL 26:12

Mian anu ponga' hondo daagi' lebe ma'ima' nulingkudui na mian anu monsangka butongnyo pande.

YESAYA 5:21

Silakamo na belemiu anu mongakui butongnyo mapaham ka' mule' pande!

YEREMIA 2:35

belemiu notatae koonyo nu belemiu, belemiu madi' kosala'nyo, koonyo nu belemiu Aku madi'mo daagi' montambuha'i belemiu. Panyo Aku, Tumpu mohukumo belemiu kalana belemiu madi'mo mongakui taalu' belemiu sinala'mo.

LUKAS 12:47

Posaihon anu monsumbu' pongka'oho' nu tuannyo, panyo madi' mosadia ka' madi' mombau kahanda' nu tuannyo aijo', o doke maho-mahoson.

LUKAS 18:14

“Palesayamo” na koonyo i Yesus, “salatan ninsusule'mo i laigan, topo tage hasin aijo' na tinalima nu Tumpu, misa' mian nu Farisi aijo'. Kalana batu-batu mian anu mohangkat butongnyo otau'akon, ka' batu-batu mian anu montau'akon butongnyo, o hangkat.”

IBRANI 10:26

Kalana de lele anu totu'u lengkat mae hi Tumpu pinotokamo hi kita, panyo saja' kita mombau dosa' ototonggolakon, saba' madi'mo daagi' ko koloban anu bau pongalini dosa'to.

YAKOBUS 4:17

Kalana aijo', mian anu monsumbu' apaa na anu ma'ima', anu tionyo obau panyo madi' obau, aijo' baladosa'.