YOHANES 9:39 - KITAB NU TUMPU ALLA LELE MA'IMAI'

³⁹ I Yesus notatae, “Aku toka i dunia aiya kahanda' momputusimo da mian anu mapisok timbali montoa, ka' anu moko ala montoa timbalimo mapisok.”

YOHANES 9:39 ပူးပေါင်းရင်းမြစ်များ

YESAYA 29:10

Nu pojadimo nu Tumpu matatundu' na belemiu ka' hoyot bobogonmo. Nu kukubimo na mata nu to nabi-nabi ka' mule' nongkukumbungimo mata nu aha anu saja montoa apa-apaa.

YESAYA 44:18

Memang ponga' ahi' na to mia-mian anu susumo aijo'! Aha nongkukubimo mata tiba kinyonyoa nu aha sahingga madi'mo daagi' nompangalati'i apa-apaa.

YESAYA 6:9

Lantas sinai-Nyomo na aku da mamba momboa potuunon aiya hi aha mian: “Belemiu saja' sahongo-hongonyo panyo madi' mangalati'. Belemiu sapala-palahatikannyo panyo madi' osumbu' nu belemiu pa' apaa na anu saidi' mae jadi.”

YEHEZKIEL 12:2

“O, manusia anu madi' tumuu' batu, beleyum jinojoongmo hi aha mian anu saja' motomuhuk. Aha ko mata, panyo madi' montoa, ko bihing panyo madi' mohongo, kalana aha mongka'ima' i saja' motomuhuk.

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

MATIUS 15:14

Madi' timbali opalahatikan na to mia-mian Farisi aijo'. Aha aijo' mapisok montaka' anu mapisok; jadi, de mian mapisok montaka' mian mapisok ua-ua'aha timbali manabu' i uno nu bolo'.”

MATIUS 6:23

Panyo de mataum paha, songko-songko na butongum pikat. Jadi de sulu' i uno nu butongum pintung, ebeh na kopintungnyo aijo'!”

LUKAS 1:79

sumo aitumo na Ia mombee'i jingka-Nyo hi iwi-iwi' na mian anu tumuu' i uno nu kapintungan ka' i kabuhukan. Ia montaka' kita i jalan anu mokiijo' i kadamean.”

LUKAS 13:30

Totu-totu'u daagi' ko anu tongkoimihi anu timbalije mian tongkoimoona, ka' daagi' ko mian anu tongkoimoona timbalije mian anu tongkoimihi.”

LUKAS 2:34

I Simeon nombalakati aha, ka' notatae hi Maria tina nu Anak aijo', “Anak aiya pinile'anmo nu Tumpu da mombahayai ka' momposalamat manjoo' na mian nu Israel. Ia timbalije tanda lengkat mae hi Tumpu, anu nugagakon nu mian da'isan,

LUKAS 4:18

“Roh nu Tumpu daagi' hi beleng-Ku, kalana Ia nohangkatmo Aku da mompolele Lele Ma'ima' hi mian kasiasi. Ia nompokau Aku da mompoto'iakon opobebasmo na mian anu i hakop ka' kapa'alinan nu mian mapisok; da bau pompobebas mian anu o sansala

LUKAS 7:21

Tempo'nyo aitu i Yesus nompa'alin da'isan na mian, ka' nolaa' manjoo' na roh ma'idek tiba mule' nompotimbali da'isan na mian mapisok timbali nontoa.

YOHANES 12:31

Uuka aiya tempo'nyomo na dunia oputusi na palakalanyo; uuka aiya anu mongkuasai dunia aiya otua'akonmo.

YOHANES 12:46

Aku toka i dunia aiya sumo jingka, da iwi-iwi' na mian anu palesaya hi beleng-Ku boli jojoong i uno nu pintung.

YOHANES 3:17

Kalana Tumpu nompokau mae Anak-Nyo misa' da mohukum dunia aiya, panyo da momposalamat.

YOHANES 3:19

Ia otuntut kalana han aiya: Jingka aijo' tinokamo i dunia, panyo mian madi' mongka'ima'i jingka, ola lebe mongka'ima'i pintung kalana apaa na anu nubau nu aha ma'idek.

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

YOHANES 8:15

Komiu momputusi palakala nu mian sumo baunyo nu mian momputusi; Aku madi' momputusi palakala nu samian pe'e.

YOHANES 9:25

“Pa' Ia baladosa' kabai madi',” tinaaman nu mian aijo', “aku madi' monsumbu'. Panyo sa'angu' na han kusumbu'; u'utu mae aku mapisok, uuka aiya aku nontoamo.”

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

EFESUS 5:14

Kalana iwi-iwi' anu manasamo na otoa, aijo' majingka. Mokonyo aijo' tinaloakonmo, “Hee pobulamo na beleyum anu hoyot, ka' anu sinilakamo, po'ule'mo tumuu'! I Kristus monjingkaimo beleyum.”

2 TESALONIKA 2:10

Ia mompake iwi-iwi' na kapandean anu ma'idek bau pompobingong to mia-mian anu opateimo. Aha tionyo ahi' opateimo sabab madi' montalima ka' madi' mongka'ima'i lele anu totu'u lengkat mae hi Tumpu anu timbali momposalamat aha.

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.

1 YOHANES 2:11

Panyo mian anu mongka'ideki utusnyo, daagi' i uno nu kapintungan. Ia lumajang i uno nu kapintungan, ka' madi' nu sumbu' pa' moya na kalambanannyo, kalana kapintungan aijo' sahingga ia madi' moko ala montoa.