YOHANES 9:24 - KITAB NU TUMPU ALLA LELE MA'IMAI'

²⁴ Lantas aha po'ule' nolaga mian anu u'ukanyo mapisok aijo' ka' notatae hi ia, “Basumpa' da beleyum motatae anu sahondo-hondonyo. Osumbu' mami mian aijo' mian baladosa'.”

YOHANES 9:24 ပူးပေါင်းရင်းမြစ်များ

EZRA 10:11

Kalana aijo' akuimo na dosa' nu belemiu hi Tumpu, Tumpu Allah anu nusombah nu mompolee' to ka' obau apaa na anu momposanang kinyonyoa nu Tumpu. Opimpali na mian nu aha salipu'an anu jojoong i lipu'to, ka' laa'mo na to bengke-bengkele' nu belemiu haha atina' anu ingosoan nu belemiu hi bansa sangga'at.”

YESAYA 66:5

Potombihing apaa na anu nutaloakon nu Tumpu, o, belemiu anu mabuhuk ka' montuluti Ia, “Kalana belemiu tulu-tulutan hi beleng-Ku, daagi' ko anu atina' hi bangsa nu belemiu na anu mongka'ideki belemiu, ka' madi' mongka'oho' mosangalu tiba belemiu. Aha ola mompopo'ambang belemiu ka' potatae, ‘Bakas da Tumpu mompotoa katalasanggoan-Nyo, da kami montoa belemiu lame'mo.’ Panyo posi ahamo ahi' na na'ambang.

MARKUS 15:27

Nohingga-hinggat tiba i Yesus aha nonsalibkan mule' ua'aha na anu lewa' batololang; samian i sasu koanan ka' samian mule' i sasu kowi-Nyo. [

LUKAS 15:2

To mia-mian Farisi ka' to gulu-gulu' agama mulaimo nompisala'i. Aha notatae, “Se', na mian aiya montalima to mia-mian anu madi' ma'ima', ka' aijo' mongkaanmo hingga-hinggat tiba aha!”

LUKAS 19:7

Iwi-iwi' na mian anu nontoa aijo' nontampu'unimo nongo-nguyung. Aha notatae, “Se'! Ia mamba sonso' i laigan nu mian anu madi' ma'ima'!”

LUKAS 7:39

Salatan mian nu Farisi anu nolaga i Yesus nontoa han aijo', ia notataemo i kinyonyoanyo, “De mian aiya nabi, tantu nusumbu' ihe na boune aijo' anu nongkanyang Ia, apaa mule' boune aijo' tumuu' i uno nu dosa'!”

YOHANES 14:30

Aku madi'mo daagi' basisik lebe manjoo' tiba komiu, kalana tempo'nyomo na kuasa nu dunia aiya toka. Panyo ia madi' mongkuasai butong-Ku.

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

YOHANES 18:30

Aha nontaami, “De Ia madi' ko sala'nyo, kami madi' nomboa mae Ia hi kita Tuumangku Gubernur.”

YOHANES 19:6

Salatan to kapa-kapala nu imam, ka' ponjaga-ponjaga aijo' nontoa i Yesus, aha noloboo'mo, “Salibmo na Ia! Salibmo na Ia!” I Pilatus notatae hi aha, “Ala na Ia, ka' komiumo na mosi salib, aku madi' nohumpak sa'angu' pe'e na kasala'an hi Ia.”

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

YOHANES 8:46

Ihe na anu atina' hi komiu moko ponyata' daagi' ko dosa' hi beleng-Ku? De Aku montaeakon kahondoan, kadaka' komiu madi' palesaya hi beleng-Ku?

YOHANES 8:49

I Yesus nontaami, “Aku madi' pininsoopan nu setan. Aku mongadati Tuumang-Ku, panyo komiu mompopo'ise' Aku.

YOHANES 9:16

To pia-pingkuka na mian nu Farisi haha aijo' notatae, “Madi' bisa mian anu nombau aiya nolengkat mae hi Tumpu, kalana Ia madi' mompajuli sinaa nu Sabat.” Panyo mian sangga'at notatae, “Iya na timbali mian anu baladosa' mombau anu okabangangi sumo aiya?” Lantas tinimbali painggagaan hi posi-posi aha.

YOHANES 9:25

“Pa' Ia baladosa' kabai madi',” tinaaman nu mian aijo', “aku madi' monsumbu'. Panyo sa'angu' na han kusumbu'; u'utu mae aku mapisok, uuka aiya aku nontoamo.”

ROMA 8:3

Apaa na anu madi' opoko bau nu atulan nu agama, kalana kita mian madi' moko ala mombau, aijo' binaumo nu Tumpu. Tumpu nohungku'imo kuasa nu dosa' anu i uno nu sipat nu mian, aijo'mo nonsai posi Anak-Nyo na tinoka nimbalu-balu sumo mian anu baladosa' da mongalini dosa'.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

YOSUA 7:19

I Yosua notataemo hi Akhan, “Anaku, pangakumo ka' poto'imo totu-totu'u aiya i ahop nu Tumpu, Tumpu Allah nu Israel, apaa na anu binaumo nu beleyum. Poto'imo mae hi belengku boli oposuluk.”

ANU PINOTO'I HI YOHANES 11:13

Sahingga tempo'nyo aijo' jinadimo na luulu' daka' hondo. O bagi sampulu' sambahagian na kota aijo' i hansun, ka' popitu' na madala na mian i natemo nu luulu' aijo'. To mia-mian sangga'atannyo aijo' nabuhukmo hondo, lantas aha nompuji'mo katalasanggoan nu Tumpu i suluga'.