YOHANES 9:22 - KITAB NU TUMPU ALLA LELE MA'IMAI'

²² Tina Tuuma nu mian aijo' notatae sumo aijo', kalana aha mabuhuk hi to pola-polaya' nu Yahudi; kalana aha aijo' sinambukumo, tukoonyo mian anu mongakui Yesus Tomundo anu Momposalamat, madi'mo daagi' timbali minsoop i laigan pogalejaan.

YOHANES 9:22 ပူးပေါင်းရင်းမြစ်များ

AMSAL 29:25

Mabuhuk hi pongka'oho' nu mian, monsaduakon kasusa'an. Palesayamo hi Tumpu, sahingga beleyum madi'mo ko anu mompoposia.

YESAYA 51:12

Tumpu notatae, “Akumo na mohase' belemiu. Kadaka' beleyum mabuhukmo hi manusia anu madi' tumuu' batu, hi manusia anu ingalinmo susumo hemput?

YESAYA 51:7

Potombihing mae na Aku, o, bansang-Ku, sinumbu'mo nu belemiu apaa na anu memang ahi' totu'u; pangajalan-Ku tinonguna'mo i uno nu kinyonyoa nu beleyum. Boli mabuhuk de belemiu nu kokojoi nu manusia boli bata-bata de belemiu nu alu nu aha.

YESAYA 57:11

Tumpu notatae, “Ihe na pilogot haha aijo' anu nombaumo belemiu da nabuhuk, sahingga belemiu binalekomo ka' madi'mo nonginau' mae Aku? Pa' belemiu madi'mo monsombah Aku, kalana Aku pininmo hondo na madi'mo kino lewo-lewo'?

LUKAS 6:22

Bila-bilahi de komiu oka'ideki, madi' otalima, o alu, ka' opitana'i kalana Anak nu Mian!

YOHANES 1:19

To mia-mian Yahudi anu ko kuasa i Yerusalem nompokau to ima-imam ka' to mia-mian nu Lewi namba hi Yohanes, ka' nompokilawa hi ia, “Beleyum aiya ihe?”

YOHANES 16:2

Komiu osabatakon i laigan anu saja-saja' pogalejaan. Ka' tokaje na tempo'nyo saba' mian anu mompatei komiu tukoonyo ia mombau anu nu palentahkon nu Tumpu.

YOHANES 19:38

Lapas aijo' i Yusuf lengkat mae i Arimatea nomoita de timbali hi Pilatus, da mongala bangke' i Yesus. (I Yusuf anu aja' mombatuki Yesus, panyo matikohowini kalana ia mabuhuk hi anu mongkuasai Yahudi.) I Pilatus nompobee' ia, jadi ia namba nongala bangke' i Yesus.

YOHANES 20:19

Sinaa nu duminggu suele aijo' salatan i nalomo, anu saja' mombatuki Yesus sinilimu'mo i sa'angu' na laigan, panyo tumban kaho kinunsi, kalana aha mabuhuk hi anu mongkuasai Yahudi. Monti-montiik i Yesus tinokamo ka' tinuminjo i pohintonga'an nu aha ka' notatae, “Tabea', kasalamatan tinokamo hi komiu.”

YOHANES 7:13

Panyo madi' ko samian pe'e na baani motatae i aho-ahop mongkona Ia, kalana aha mabuhuk hi anu mongkuasai Yahudi.

YOHANES 9:18

Panyo to pola-polaya' nu Yahudi aijo' madi' mongka'oho' palesaya, de mian aijo' salatan pe'e imoonanyo memang mapisok, ka' uuka timbalimo noko ala nontoa. Kalana aijo' aha nolaga tu'anyonyo,

YOHANES 9:21

Panyo nosia na ia ka' noko alamo nontoa uuka aiya, kami madi' monsumbu'. Ka' ihe na nompotimbali ia noko alamo nontoa aijo', kami mule' madi' monsumbu'. Pokilawamo hi ia, ia tu'amo; nu posi taamije.”

YOHANES 9:34

Tinaaman nu aha, “Apaa? Beleyum anu nobuke'mo nu dosa' salatanmo pe'e i hampe, beleyumo na mongka'oho' mompogulu' kami?” Sahingga lengkat i aitu ia tinewa'mo minsoop i laigan pogalejaan.

YOHANES 9:35

I Yesus nohongo aha nonsabatakonmo mian aijo' i laigan pogalejaan. I lionyo na mian aijo' ka' notatae hi ia, “Pa' nu palesaya na Anak nu Mian?”

SISIKON NU TO RASUL-RASUL 4:18

Sahingga i laga nu aha na ua-ua'aha na rasul aijo' po'ule' ninsoop, ka' nompoto'i tukoonyo nu aha madi'mo timbali monsanggo kabai mongajan tiba sanggo i Yesus.

SISIKON NU TO RASUL-RASUL 5:13

Ka' mian anu i sambiha'nyo madi' ko anu baani toka sihuk tiba to mia-mian anu palesayamo aijo'. Panyo to mia-mian anu palesayamo aijo' o'adati hondo nu mian da'isan.

SISIKON NU TO RASUL-RASUL 5:40

Sahingga to rasul-rasul aijo' i laga, lantas pinohos, lapas aijo' pinoliwa'mo na mongajan mule' mongkona i Yesus. Lapas aitu, i lapasakonmo na aha.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”