YOHANES 9:16 - KITAB NU TUMPU ALLA LELE MA'IMAI'

¹⁶ To pia-pingkuka na mian nu Farisi haha aijo' notatae, “Madi' bisa mian anu nombau aiya nolengkat mae hi Tumpu, kalana Ia madi' mompajuli sinaa nu Sabat.” Panyo mian sangga'at notatae, “Iya na timbali mian anu baladosa' mombau anu okabangangi sumo aiya?” Lantas tinimbali painggagaan hi posi-posi aha.

YOHANES 9:16 ပူးပေါင်းရင်းမြစ်များ

MATIUS 12:10

I kiijo' daagi' ko mian anu limanyo kapi' na sambiha'. To pia-piangkuka na mian anu kahanda' molio-lio kasala'an i Yesus, nompokilawa hi Ia, “Pa' timbali mompa'alin mian i sinaa nu Sabat?”

MATIUS 12:2

Salatan to mia-mian Farisi nontoamo aijo', aha notataemo hi Yesus, “Toa! Anu saja' mombatuki Beleyum nolanggaimo atulan nu agamanto, ka' nombaumo anu o tewa' nu sinaa nu Sabat.”

LUKAS 13:14

Kapala nu laigan pogalejaan aitu notambuha'mo, kalana i Yesus nompa'alinmo mian i sinaa nu Sabat, kalana aijo' ia notatae hi to mia-mian, “Daagi' anom na sinaa na mokalaja; toka mae i sinaa aijo' da opa'alin boli i sinaa nu Sabat!”

YOHANES 10:19

Kalana i Yesus notatae sumo aijo', to mia-mian nu Yahudi nontampu'unimo pinainggaga.

YOHANES 14:11

Palesayamo hi beleng-Ku, saba' Aku mosa'angu' tiba Tuuma, ka' Tuuma mosa'angu' tiba Aku. Kabai mau mule' mosia, palesayamo kalana apaa na anu tinaloakon-Kumo.

YOHANES 15:24

De aijo' hi aha, Aku madi' nombau hahan anu ma'isa toho' binau nu mian sangga'at, aha madi' baladosa'. Panyo u'uka aha nontoamo apaa na anu binaung-Ku, ka' aha nongka'idekimo Aku tiba Tuumang-Ku.

YOHANES 2:11

Aijo'mo na anu okabangangi momonanyo binau i Yesus. Binaunyo na aijo' i Kana i tano' nu Galilea. Tiba tanda aijo' Ia nompotoamo katalasanggoan-Nyo. Sahingga anu saja' mombatuki Ia, pinalesayamo hi Ia.

YOHANES 3:2

Ia tinoka pihi-pihi hi Yesus ka' notatae, “Tuumangku Gulu', osumbu' mami na Kita Tuuma sinai mae nu Tumpu. Kalana madi' ko samian anu moko ala mombau anu okabangangi susumo anu binau nu Kita Tuuma, de Tumpu madi' montombaya'i ia.”

YOHANES 5:10

Kalana aijo' anu mongkuasai Yahudi notatae hi mian anu sala'je na'alin aijo'. “Sinaa aiya sinaa nu Sabat. Beleyum madi' timbalimo hangkat ampasum.”

YOHANES 5:36

Panyo anu tinalangkan-Ku lebe daka' molingkudui anu tinalangkan i Yohanes. Apaa na anu Kubau uuka aiya, aijo'mo na kalaja anu pinokauhakon nu Tuuma hi beleng-Ku, bau pomponyata' saba' Tuuma nompokaumo mae Aku.

YOHANES 6:52

Nohongo aijo', to mia-mian nu Yahudi pinainggagamo samian ka' samian. “Mosia na mian aiya timbali mombee' butong-Nyo hi kita da okaan?” tukoonyo nu aha.

YOHANES 7:12

Da'isan na mian lewa'mo mongoyongakon Ia. Daagi' ko anu motatae, “Ia mian ma'ima'.” Daagi' mule' ko anu motatae, “Madi'! Ia monsaduakon pikilan nu mian da'isan timbali ponga'.”

YOHANES 7:23

De komiu mombau anu sumo aijo' da boli molanggai atulan i Musa mongkona sunat, kadaka' komiu motambuha' hi beleng-Ku kalana nompa'alin butong nu mian songko-songko i sinaa nu Sabat?

YOHANES 7:43

Ahennyo to mia-mian montampu'unimo pinainggaga mongkona i Yesus.

YOHANES 9:24

Lantas aha po'ule' nolaga mian anu u'ukanyo mapisok aijo' ka' notatae hi ia, “Basumpa' da beleyum motatae anu sahondo-hondonyo. Osumbu' mami mian aijo' mian baladosa'.”

SISIKON NU TO RASUL-RASUL 14:4

Panyo to mia-mian anu jojoong i kota aijo' madi' pokakana na pikilan nu samian ka' sangga'at; daagi' ko anu mosambiha' hi to mia-mian Yahudi ka' daagi' ko anu mosambiha' hi to rasul-rasul aijo'.