YOHANES 8:6 - KITAB NU TUMPU ALLA LELE MA'IMAI'

⁶ Aha nompokilawa sumo aijo' da monsobai Ia, da timbali na aha mompisala'i Ia. Panyo i Yesus ola dinumuku ka' lima-Nyo nontulis i tano'.

YOHANES 8:6 ပူးပေါင်းရင်းမြစ်များ

KAJADIAN 49:9

I Yehuda sumo singa anu daagi' bata'nyo; ia mompatei gampanyo binatang da nu kaan, lantas po'ule' minsusule' jojoong i liangnyo; ia uminyohatmo lantas lumukutmo, ka' madi' ko samian pe'e na baani mohenggo ia.

MAZMUR 39:1

Anu mongkapalai panyanyi. Mazmur i Daud. Anu i Yedutun.

AMSAL 26:17

Mian anu maninggalo' ipainggagan anu misa' ulusannyo; sumomo mian anu mohakop dedeng maela ibihingnyo.

ANU MOMPOLELE POTATAE NU TUMPU 3:7

tempo'nyo da mombeak, ka' tempo'nyo mongka'ut, tempo'nyo ola momohokot, ka' tempo'nyo motatae.

YEREMIA 17:13

O Tumpu, Belentomo na bau kataha'imanan nu Israel, mian anu palesayamo hi Belento; iwi-iwi' na anu nompala'imo Belento saidi' mae ma ambangmo. Aha saidi' mae mingkotmo madi'mo ko anu idunia aiya ka' mambamo idunia nu mian anu sinilakamo. Kalana, Belento pipinolengkatan mae nu uee anu bau kantumuu'an pinala'ianmo nu aha, o Tumpu.

DANIEL 5:5

Monti-montiik nontoamo lima nu mian nontulis apa-apaa i pimpi nu laigan anu kajo-kajojoongan nu tomundo' i tampat anu talalo hondo kantoan de nu pense'mo mae nu sulu' sahingga i tomundo' nontoamo mana-manasa.

AMOS 5:10

Belemiu mongka'ideki mian anu molawan mian anu madi' koka'adinan ka anu motatae madi' tageo' i uno nu pomputusian palakala.

AMOS 5:13

Kalana kalakuan nu belemiu aijo', sahingga to mia-mian anu pande mongoa'i lebe ma'ima' ola momohokot i tempo' anu ma'idek susumo aijo'.

NOMBILANGMO 14:22

saba' mian haha aiya madi'mo daagi' ko samian pe'e na anu daagi' tumuu' minsoop i lipu' anu jinanji'-Kumo hi mompolee' nu aha. Kalana aha madi' mongka'oho' tulu-tulutan hi beleng-Ku ka' saja' monsoba-soba Aku. Padahan aha nontoamo jingkang-Ku anu jongkilaban ka' anu okabangangi, anu binaung-Kumo i Mesir ka' i padang bola.

MATIUS 10:16

“Palahatikan na aiya: Aku monsai komiu sumo domba anu madi' moko ala mokiijo' i totonga' nu pojek anu buhingison. Komiu tionyo balajaga-jaga sumo ulo ka' hodi' na kinyonyoa sumo tomonsi' malapati'.

MATIUS 15:23

I Yesus madi' nontaami mau pe'e apaa hi boune aijo'. Lantas anu saja' mombatuki Yesus tinoka hi Ia ka' nompoita, “Kita Tuuma, sai na boune aijo' mamba. Ia ola saja' hengge' i hikunto!”

MATIUS 16:1

Daagi' kino pia-piangkuka na mian nu Farisi ka' mian nu Saduki tinoka hi Yesus nonsobai Ia. Aha nompoita Ia mombau anu okabangangi da mompototu'u taalu' Ia tinoka lengkat mae hi Tumpu Allah.

MATIUS 19:3

Lantas to mia-mian Farisi tinoka kahanda' monsobai Ia. Aha nompokilawa, “Koonyo nu atulan nu agamanto, apaa timbali na mian mongga'atakon bengkele'nyo maumo sabab anu madi' mingkona?”

MATIUS 22:18

I Yesus monsumbu' tanga'an nu aha anu ma'idek aijo', jadi Ia notatae, “He to mia-mian anu geguan! Kadaka' komiu molio-lio kasala'an-Ku?

MATIUS 22:35

Samian anu kiijo' hi aha, aijo'mo samian na gulu' agama saja' mompokilawa i Yesus, mompagala molio da ohumpak na kasala'an.

MATIUS 26:63

Panyo i Yesus ola nomohokot. Po'ule' mule' Imam Daka' notatae hi Ia, “Tiba sanggo nu Tumpu anu tumuu', taeakon mae hi kami, apaa Beleyum Tomundo anu Momposalamat, Anak nu Tumpu?”

MARKUS 10:2

To pia-piangkuka na mian nu Farisi tinoka mule' da molio-lio kasala'an i Yesus. Aha nompokilawa, “Koonyo nu hukum nu agamanto, pa' timbali na mian mongga'atakon bengkele'nyo?”

MARKUS 12:15

I Yesus monsumbu' kabaleko'an nu aha. Ia nontaami, “Apaa na sababnyo komiu kahanda' monsobai, molio kasala'an-Ku? Soba potoamae hi beleng-Ku sa'angu' na doi salaka.”

MARKUS 3:2

I kiijo' daagi' ko to mia-mian anu mongka'oho' molio kasala'an i Yesus, da Ia timbali o kalaak. Jadi aha saja' mompotomatakon Ia, pa' Ia mompa'alin mian i sinaa nu Sabat.

MARKUS 8:11

To pia-piangkuka na mian nu Farisi tinoka hi Yesus, ka'nontampu'uni pinainggaga tiba Ia da timbali pomposala'an Ia. Aha momoita hi Yesus da mombau anu okabangangi da bau pongoosian kalu Ia tinoka lengkat mae hi Tumpu.

LUKAS 10:25

Lapas aijo' samian na gulu' agama tinokamo da monsobai Yesus. Ia nompokilawa, “Tuumangku Gulu', apaa na tionyo kubau da montalima kantumuu'an anu mingkaliangan ka' toka sidu-sidutu'?”

LUKAS 11:16

Daagi' mule' ko to mia-mian sangga'at anu kahanda' molio kasala'an i Yesus, jadi, aha momoita Ia mombau sa'angu' na anu okabangangi salaku tanda, saba' Ia nolengkat mae hi Tumpu.

YOHANES 8:2

Dodododopnyo subu-subu Ia namba mule' i Laigan nu Tumpu, ka' da'isan na mian tinokamo hi Ia. I Yesus sinumuhang, lantas nontampu'unimo nompogulu' aha.

1 KORINTUS 10:9

Kita madi' timbali monsoba-soba Tumpu, sumo anu binau nu sambagian aijo' hi aha naipuan mae, sahingga aha i nate binahe' nu ulo anu ko bisa'nyo.