YOHANES 8:56 - KITAB NU TUMPU ALLA LELE MA'IMAI'

⁵⁶ Tuumaum i Abraham sanang hondo kalana ia montoaje sinaa anu tinantukanmo hi beleng-Ku. Ia nontoamo ka' ia sinanangmo!”

YOHANES 8:56 ပူးပေါင်းရင်းမြစ်များ

KAJADIAN 22:18

Iwi-iwi' na bansa i dunia mongkakaseje hi belengku da Ku balakati na aha susumo Aku nombalakatimo lee' nu beleyum – kalana beleyum nontulutimo palentah-ngKu.”

MATIUS 13:17

Jaga mae, da'isan na nabi ka' mian anu tulut hi Tumpu mongkahanda'i montoa anu tinoa miu uuka aiya, panyo aha madi' montoa. Aha mongka'oho' mohongo apaa na anu i hongo miu uuka aiya, panyo aha madi'mo daagi' mohongo.”

LUKAS 10:24

Kalana inau': Manjoo' na nabi tiba Tomundo mongindi montoa anu tinoa miu tempo' uuka aiya, panyo aha madi' montoa. Aha mongindi mohongo anu i hongo miu tempo' uuka aiya, panyo aha madi' mohongo.”

YOHANES 10:25

I Yesus nontaami, “Tinaloakon-Kumo hi komiu, panyo komiu madi' palesaya. Te kalaja anu Kubau kalana sanggo nu Tuumang-Ku, mompobukuti' mongkona Aku.

YOHANES 8:37

Memang Kusumbu' komiu aiya lee' i Abraham. Panyo komiu kahanda' mompatei Aku, kalana komiu madi' montalima pokinde'-Ku.

YOHANES 8:39

Aha nontaami, “Tuuma mami aijo'mo i Abraham.” “De totu-totu'u komiu anak i Abraham,” na koo-Nyo i Yesus, “tantu komiu mombau apaa na anu binau i Abraham.

IBRANI 11:13

Iwi-iwi' na mian haha aijo' tataap bala'iman sampe silaka. Aha madi'mo mohumpak hahan anu jinanji'mo nu Tumpu, panyo ola montanggalakon ka' molabot aijo' mae jo'o-jo'on. Ka' aijo' mule' aha mongakui, saba' aijo' aha ola mian anu lengkat mae i salipu'an ka' anu ola jojoong madi' pin i dunia aiya.

IBRANI 11:39

Palias na kodaka'nyo na ka'untungan anu i humpakmo nu iwi-iwi' mian haha aijo', kalana iman nu aha! Panyo aha madi' mohumpak apaa na anu jinanji'mo nu Tumpu,