YOHANES 8:52 - KITAB NU TUMPU ALLA LELE MA'IMAI'

⁵² Lantas to mia-mian nu Yahudi aijo' notatae hi Yesus, “Uuka sinumbu'mo mami, Beleyum aiya totu-totu'u pininsoopanmo nu setan! I Abraham pe'e natemo, sumo aitu na nabi iwi-iwi'. Panyo Beleyum motatae, ‘Mian anu mombatuki potataeng-Ku, sidu-sidutu' madi' mate.’

YOHANES 8:52 ပူးပေါင်းရင်းမြစ်များ

MATIUS 11:18

I Yohanes tinoka – ia bapuasa' ka' madi' monginum anggur; ka' to mia-mian notatae, ‘Ia sinoku'onmo nu setan!’

YOHANES 1:19

To mia-mian Yahudi anu ko kuasa i Yerusalem nompokau to ima-imam ka' to mia-mian nu Lewi namba hi Yohanes, ka' nompokilawa hi ia, “Beleyum aiya ihe?”

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

YOHANES 15:20

O'inau' apaa na anu tinaloakonKumo hi komiu, ‘Botuan madi' lebee daka' molingkudui tuannyo.’ De aha monsakisamo Aku, aha mule' monsakisa suele komiu. De aha mombatuki pangajalan-Ku, aha suele mombatuki pangajalanum.

YOHANES 17:6

Aku nomposumbu'mo kita Tuuma hi to mia-mian i dunia aiya anu binee'mo nu kita Tuuma hi beleng-Ku. Aha, kita Tuuma na tumpunyo, ka' kita Tuuma nombee'mo aha hi beleng-Ku. Aha nohongo-hongomo potatae nu kita Tuuma.

YOHANES 7:20

Mian da'isan aijo' nontaami, “Beleyum motutuang! Ihe na kahanda'mo mompatei Beleyum?”

YOHANES 8:22

Saba' anu mongkuasai Yahudi notatae, “Ugaat Ia mongka'oho'mo minoo', kalana Ia nontaloakonmo, ‘I tampat kalambanan-Ku madi' opoko toka miu.’ ”

YOHANES 8:48

To mia-mian nu Yahudi aijo' nontaami, i Yesus, “Te misa' totu'u na potatae mami, Beleyum mian nu Samaria anu pininsoopanmo nu setan?”

YOHANES 8:51

Totu'u hondo na potataeng-Ku aiya, mian anu mombatuki potataeng-Ku, sidu-sidutu' madi' mate.”

YOHANES 8:55

padahan komiu madi' monsumbu' Ia. Panyo Aku monsumbu' Ia. De Aku motatae Aku madi' monsumbu' Ia, tantu Aku samian na anu baleko' pokakana sumo komiu. Aku monsumbu' Ia ka' mohongo-hongo potatae-Nyo.

YOHANES 9:24

Lantas aha po'ule' nolaga mian anu u'ukanyo mapisok aijo' ka' notatae hi ia, “Basumpa' da beleyum motatae anu sahondo-hondonyo. Osumbu' mami mian aijo' mian baladosa'.”

IBRANI 11:13

Iwi-iwi' na mian haha aijo' tataap bala'iman sampe silaka. Aha madi'mo mohumpak hahan anu jinanji'mo nu Tumpu, panyo ola montanggalakon ka' molabot aijo' mae jo'o-jo'on. Ka' aijo' mule' aha mongakui, saba' aijo' aha ola mian anu lengkat mae i salipu'an ka' anu ola jojoong madi' pin i dunia aiya.

IBRANI 2:9

Panyo kita nontoamo i Yesus ko kuasa! Ia pinotimbalimo gagana' i aluknyo nu malaikat ola i tempo' anu sasaingoni', da kalana kanonongan nu kinyonyoa nu Tumpu Ia timbali silaka bau pontokong mian iwi-iwi'. Kita nontoamo uuka aiya Ia binee'anmo pangkat anu talasanggo ka' o'adati kalana Ia nongoa'imo kasansala'an sampe sinilaka.