YOHANES 8:48 - KITAB NU TUMPU ALLA LELE MA'IMAI'

⁴⁸ To mia-mian nu Yahudi aijo' nontaami, i Yesus, “Te misa' totu'u na potatae mami, Beleyum mian nu Samaria anu pininsoopanmo nu setan?”

YOHANES 8:48 ပူးပေါင်းရင်းမြစ်များ

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YESAYA 53:3

O, aluntomo ka' opatikojo'oni mo na ia, mian anu saja' sansala ka' biasa mongoa' sakit. Madi' ko samian pe'e na ka'oho' montoa ia, ka' kita suele madi' mompalahatikan ia.

MATIUS 10:25

Sukupmo de samian na mulit timbali sumo gulu'nyo, ka' samian na posaihon sumo tuannyo. De kapala nu auwan osanggohimo Beelzebul, sumo aitu mule' iwi-iwi' na isi nu salaigan. Aha tionyo obee'i sanggo anu lebe ma'idek mule'!”

MATIUS 10:5

Sampu-sampulu' ka' ohua' na rasul aijo' pinokaumo Yesus ka' pinokinde'anmo sumo uuka, “Boli mamba i tano' nu to mia-mian misa' Yahudi. Boli mule' mamba i to kota-kota' nu Samaria.

MATIUS 11:18

I Yohanes tinoka – ia bapuasa' ka' madi' monginum anggur; ka' to mia-mian notatae, ‘Ia sinoku'onmo nu setan!’

MATIUS 12:24

Salatan to mia-mian Farisi nohongomo aijo', aha nontaami, “Mian aiya timbali molaa' roh anu ma'idek, kalana i Beelzebul kapala nu to roh-roh ma'idek, nombee'mo kuasa aijo' hi aha.”

MATIUS 12:31

Kalana aijo' osumbu'mo, de mian anu mombau dosa' montaeakon anu moko pa'ambang, ia timbali o ampuni. Panyo de ia mongambangi Roh nu Tumpu, ia madi' daagi' o ampuni!

MATIUS 15:7

Komiu mian baleko'! Kona hondo apaa na anu tinaeakonmo i Yesaya mongkona komiu, aitumo,

YOHANES 1:19

To mia-mian Yahudi anu ko kuasa i Yerusalem nompokau to ima-imam ka' to mia-mian nu Lewi namba hi Yohanes, ka' nompokilawa hi ia, “Beleyum aiya ihe?”

YOHANES 10:20

Da'isan na anu notatae, “Ia pininsoopanmo nu setan! Ia motutuang! Bau apaa na komiu mohongo Ia?”

YOHANES 13:13

Komiu molaga Aku Gulu' ka' Tumpu. Memang ahi' sumo aijo'.

YOHANES 4:9

Boune nu Samaria aijo' nontaami, “Kita Tuan mian nu Yahudi, aku mian nu Samaria; kadaka' kita Tuan mompoita monginum hi belengku?” (Kalana to mia-mian nu Yahudi madi' mompahasumbu' tiba mian nu Samaria.)

YOHANES 7:20

Mian da'isan aijo' nontaami, “Beleyum motutuang! Ihe na kahanda'mo mompatei Beleyum?”

YOHANES 8:22

Saba' anu mongkuasai Yahudi notatae, “Ugaat Ia mongka'oho'mo minoo', kalana Ia nontaloakonmo, ‘I tampat kalambanan-Ku madi' opoko toka miu.’ ”

YOHANES 8:52

Lantas to mia-mian nu Yahudi aijo' notatae hi Yesus, “Uuka sinumbu'mo mami, Beleyum aiya totu-totu'u pininsoopanmo nu setan! I Abraham pe'e natemo, sumo aitu na nabi iwi-iwi'. Panyo Beleyum motatae, ‘Mian anu mombatuki potataeng-Ku, sidu-sidutu' madi' mate.’

ROMA 15:3

Kalana i Kristus suele madi' ola mompopikilakon kasanangan nu posi butong-Nyo. I uno nu Kitab nu Tumpu tinulismo sumo uuka, “Iwi-iwi' na alu anu opanjolongakon hi komiu pinotudunmo hi belengku.”

IBRANI 13:13

Kalana aijo' imbo' da kita mamba hi Ia i sambiha'nyo nu kemah da suele opopo'ambang susumo Ia.

YAKOBUS 2:19

Te madi' opalesaya miu Tumpu ola sa'angu'? Jadi to roh-roh ma'idek suele palesaya ka' nulakat nu kabuhukan na aha!