YOHANES 8:34 - KITAB NU TUMPU ALLA LELE MA'IMAI'

³⁴ “Totu'u hondo na potataeng-Ku aiya,” koonyo i Yesus hi aha, “Mian anu mombau dosa', atina' botuan nu dosa'.

YOHANES 8:34 ပူးပေါင်းရင်းမြစ်များ

1 TOMU-TOMUNDO' 21:25

Madi' toho' ko mian anu totu-totu'umo na kinyonyoanyo mombau anu ma'idek i mata nu Tumpu susumo anu binaumo i Ahab. Iwi-iwi' na anu ma'idek aijo' bibinaunyomo aijo' pokinde' i Izebel bengkele'nyo.

AMSAL 5:22

Dosa' nu mian ma'idek susumo totumban anu nongkonamo posi mian aijo'.

MATIUS 5:18

O inau'! Sapinnyo langit ka' dunia daagi', sa'angu' na hulup kabai titik anu talalo ise' pe'e i uno nu atulan aijo' madi' o hapusakon, de iwi-iwi' ma'isa jadi!

YOHANES 3:3

I Yesus nontaami, “Palesayamo, madi' ko samian pe'e timbali minsoop anu palesayamo hi Tumpu, de madi' ia po'ule' ohampeakon.”

SISIKON NU TO RASUL-RASUL 8:23

Kalana ku sumbu' na beleyum saja' madi' sanang hi sangko sangalu ka' nu tobotuani nu ka'idekan.”

ROMA 6:12

Bolimo daagi' mompobee' dosa' mongkuasai kantumuu'an anu madi' toka sidu-sidutu' aiya, da kita Utus bolimo mombatuki pongka'oho'um anu ma'idek.

ROMA 6:16

Osumbu'mo miu, de komiu mombee' butong miu pa' hi he da mombau pongka'oho'nyo, saba' komiu botuanmo nu mian anu ohongo-hongo miu aijo' – ugaat botuan nu dosa' anu momboa komiu i kapatean, kabai posaihon anu mohongo-hongo Tumpu, ka' tiba jalan aitu mompo'ule' ma'ima' tiba Tumpu.

ROMA 6:6

Osumbu'to na kalakuanto anu piniinmo salaku mian sinilakanmo hingga-hinggat tiba i Kristus i kau' salib da kuasa nu kalakuanto anu baladosa' aijo' madi'mo ko kaliangan-Nyo; tiba jalan aijo' kita madi'mo daagi' nubotuani nu dosa'.

ROMA 7:14

Osumbu'to atulan nu agama Yahudi nolengkat mae i Roh nu Tumpu, panyo aku aiya mian ponga'! Aku pinobalukmo da timbali botuan nu dosa'.

ROMA 8:21

daagi' ko sa'angu' na tempo' dunia aiya opobebas i kakuasa'an anu mongidei, ka' hingga-hinggat opomaladekamo tiba to ana-anak nu Tumpu.

EFESUS 2:2

Tempo'nyo aitu komiu nombatukimo kabiasa'an-kabiasa'an nu dunia aiya; bala alati' komiu nontulutimo anu mongkuasai langa, aijo'mo roh anu tempo' uuka nongkuasaimo kinyonyoa nu to mia-mian anu madi'mo nontuluti Tumpu.

TITUS 3:3

Kalana naipuan mae kita suele ponga', sala' na jalan, ka' madi' tulu-tulutan. Kita binotuananmo nu ngangahan na napisu tiba anu o ka'ima'i; kita tumuu' ko makisut ma'idek ka' madi' sanang hi sangalu, tiba mule' mompaha ka'i-ka'ideki.

2 PETRUS 2:19

To gulu-gulu' anu madi' totu'u haha aijo' binajanji'mo hi to mia-mian tukoonyo saidi' mae madi' mohumpak hukuman, padahan posi aha binotuananmo nu anu saja' nubau nu aha anu nongideimo mian. Kalana de mian i hungku'anmo nu apa-apaa, saba' ia binotuananmo nu anu nohungku'imo aijo'.