YOHANES 8:33 - KITAB NU TUMPU ALLA LELE MA'IMAI'

³³ “Kami aiya lee' i Abraham,” na koonyo nu aha, “Ma'isa toho' kami binotuanan pa' ihe! Apaa na poso'nyo nu potatae-Um, ‘Komiu o pobebasje’?”

YOHANES 8:33 ပူးပေါင်းရင်းမြစ်များ

KAJADIAN 15:13

Tumpu notataemo hi ia, “Inau' lee' nu beleyum saidi' mae timbalimo mian anu jojoong i lipu' nu mian sangga'at; aha timbalimo posaihon ikiijo' mae ka' osansalamo pato atu' na taun na kopinnyo.

EZRA 9:9

Tempo'nyo kami daagi' binotuanan, belento madi' nompojohok kami. Belentomo na nontulungi kami da kinalibosanmo nu to tomu-tomundo Persia ka' pinobee'mo tumuu' ka' po'ule'mo mombau Laigan nu belento anu ohunyo na daagi' aijo'. Belento nonjagaimo kami aiya i Yehuda ka' i Yerusalem.

IMAMAT 25:42

Mian nu Israel to posa-posaihon nu Tumpu; Iamo na anu nomboa mae aha nosabat lengkat mae i Mesir kalana aijo' aha madi' timbali opobaluk salaku botuan,

MATIUS 3:9

Boli montaha'imani komiu timbali molapas lengkat i hukuman ka' motatae kalana i Abraham mompolee' miu. Tutugi, batu-batu pe'e aiya, Tumpu timbali mombau lee' i Abraham!

LUKAS 3:8

Potoa'i kalakuanum, de komiu binala tobatmo, madi'mo mombau dosa-dosa' miu! Boli montampu'uni motatae, tukoo miu i Abraham aijo' mompolee' miu! Inau': Te batu pe'e aiya, Tumpu moko ala mombau lee' i Abraham!

YOHANES 19:25

Koko salib i Yesus, tinuminjomo na tina i Yesus, utus boune nu tina-Nyo, ka' i Maria bengkele' i Klopas, tiba i Maria Magdalena.

YOHANES 8:37

Memang Kusumbu' komiu aiya lee' i Abraham. Panyo komiu kahanda' mompatei Aku, kalana komiu madi' montalima pokinde'-Ku.

YOHANES 8:39

Aha nontaami, “Tuuma mami aijo'mo i Abraham.” “De totu-totu'u komiu anak i Abraham,” na koo-Nyo i Yesus, “tantu komiu mombau apaa na anu binau i Abraham.

YOHANES 8:43

Apaa na sababnyo komiu madi' mangalati' hi anu Ku taloakon? Kalana komiu madi' moko ala mombatuki ajalan-Ku.

ROMA 9:7

Madi' iwi-iwi' na lee' i Abraham, osanggohimo to ana-anakmo nu Tumpu “Ola lee' i Ishak na osanggohi lee' nu beleyum”.

TO MIA-MIAN KOPIAN 2:18

De Tumpu mombee'imo samian na polaya' hi bansa Israel, Tumpu saja' montulungi polaya' aijo'. Ka' de polaya' aijo' daagi' tutuu' Tumpu saja' montoa aha da boli opoposia nu sampobali' nu aha. Ia molibos hi aha de ia mohongo aha susa'mo kalana osansalamo ka' sakisamo.

TO MIA-MIAN KOPIAN 3:8

Sahingga Tumpu nontambuha'imo aha mian nu Israel, ka' nompojohokmo aha pinatundu' i Tomundo Kusyan-Risyataim anu nolengkat mae i Mesopotamia. Ualu' na taun na kinopinnyo na tomundo aijo' nompalentah aha.

TO MIA-MIAN KOPIAN 4:3

I Yabin daagi' ko kareta 900 anu opake mahampate besak na binau. Inguampulu' na taun na kinopinnyo ia nompalentah aha mian nu Israel ka' talalo hondo masigo. Lapas aijo' aha nomoitamo tulung hi Tumpu.