YOHANES 8:32 - KITAB NU TUMPU ALLA LELE MA'IMAI'

³² Sahingga komiu monsumbu' Tumpu anu totu'u, ka' kalana aijo' komiu o pobebasje.”

YOHANES 8:32 ပူးပေါင်းရင်းမြစ်များ

MAZMUR 119:45

Sahingga aku tumuu' bebasmo kalana binala'usahamo montuluti pangajalan nu Belento.

MAZMUR 25:5

Pokinde'i mae ka' potinganakon mae na aku da tumuu' mombatuki pongka'oho' nu Belento, kalana Belentomo na Tumpu anu momposalamat aku, aku saja' montaha'imani Belento.

AMSAL 1:23

Potombihing mae na aku de aku mompisala'imo beleyum sahingga ku poto'imo hi beleyum na isi nu kinyonyoangku ka' ku pogulu'mo na ilimu'ku.

AMSAL 1:29

Belemiu sumomo mian anu madi' toho' nongka' ima'i da mohumpak ilimu' ka' madi' montuluti Tumpu.

AMSAL 4:18

Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.

YESAYA 2:3

aha iwi-iwi' motatae, “Imbo' da kita mokiita' mindako i ‘Bungkutnyo nu Tumpu,’ ilaigan nu Tumpu Israel. Laje na mongajan mae kita apaa na anu tionyo ahi' obaunto. Kita mombatukimo kajalanan-Nyo kalana ajalan nu Tumpu molengkat mae i Yerusalem, Ia motatae lengkat mae i Sion.”

YESAYA 30:21

De belemiu madi'mo montulu ijalan anu memang ahi' ojalani, aitu mae ihiku nu belemiu ohongomo na potatae-Nyo montaloakon, “Aiya ahi' mae na jalan; tuusakon na jalan aiya.”

YESAYA 35:8

Ikiijo' mae ko jalanmo anu daka', “Jalan anu mompanjolongi kasalamatan” na sanggonyo. Mian anu baladosa' madi' montulu ikiijo', mian anu ponga' madi' mompotalas mian anu montulu ikiijo'.

YESAYA 54:13

Iwi-iwi' na mian anu jojoong hi beleyum timbalimo to muli-mulid-Ku, aha sanangmo ka' bilahimo na kantumuu'an nu aha.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YEREMIA 6:16

Tumpu notatae hi mian anu palesayamo hi Ia, “Tinjo' ipopanga'an-popanga'an nu jalan ka' palahatikan ima-ima'! Pokilawa na jalan anu naipuan mae, ka' iya na anu ma'ima'an hondo na jalan haha aijo'. Tuusakonmo na jalan aijo' da belemiu tumuu' madi' ko anu mompoposia.” Panyo aha notatae, “Madi', kami madi' mongka'oho' montuusakon jalan aijo'!”

HOSEA 6:3

Kalana aijo' imbo' mo da kita mompagala ahi' totu-totu'u palesaya hi Tumpu. Ia totu-totu'u tokamo mae hi kita susumo sinaa kahandamo mae bete', ka' susumo mule' ujan mohomeimo tano' salatan ohanimo mingkot na lonu nu ujan.”

IMAMAT 25:41

Tempo'nyo aitu ia ka' to ana-anaknyo timbalimo mompala'i laigan nu belemiu ka' minsusule'mo hi to utu-utusnyo ka' i tano' nu mompolee'nyo.

MALEAKHI 4:2

Panyo kona hi belemiu anu tulu-tulutan hi beleng-Ku, kuasang-Ku na momposalamat anu bete'mo mae susumo batu nu sinaa ka' jingkanyo momboa mae kahosonan nu mian anu masakit. Belemiu bebasmo ka' mule' lame'mo susumo anak nu sapi' anu salaje' mosabat mae i pangkunnyo.

MATIUS 11:29

Batuki na palentang-Ku, ka' balajan pe'e hi beleng-Ku. Sabab Aku aiya madi' bohipusaon, ka' madi' ko kinti-kinti, sahingga komiu tompilawe.

YOHANES 1:14

Potatae nu Tumpu tinimbalimo mian, Ia jinojoongmo aiya hi kita, ka' kita nontoamo katalasanggoan-Nyo. Katalasanggoan-Nyo tinalimanyomo salaku anak sa'a-sa'angu'nyo nu Tuuma. Kalana Ia, sahingga kita nontoamo Tumpu ka' kalibosan-Nyo hi kita.

YOHANES 1:17

Atulan nu Tumpu otalimanto hi Musa. Panyo liibos ka' kanonongan nu Tumpu pinonyata'-Nyomo hi Yesus Kristus.

YOHANES 14:6

I Yesus nontaami, “Akumo na jalan da osumbu' na Tumpu Allah, ka' pohumpakan kantumuu'an. Madi' ko samian pe'e moko ala toka hi Tuuma, de madi' montului Aku.

YOHANES 16:13

Panyo de Roh aijo' tokamo, aijo'mo Ia na momponyata' katotu'uan mongkona Tumpu, komiu nu potiju'je da monsumbu' iwi-iwi' anu totu'u. Ia madi' monsisik posi butong-Nyo, panyo montaeakon apaa na anu i hongo-Nyomo, ka' nu poto'ije hi komiu apaa na anu timbali i sinaimihi mae.

YOHANES 17:17

Potimbali na aha matungka' kita Tuuma na tumpunyo, aijo' nyata' i kahondoan; potatae nu kita Tuuma aijo'mo na kahondoan.

YOHANES 6:45

I Uno nu Kitab nu to Nabi-nabi tinulis sumo uuka, ‘Iwi-iwi' na mian nu pogulu' nu Tumpu.’ Jadi iwi-iwi' na mian anu mohongo Tuuma ka' balagulu' hi Ia, toka mae hi beleng-Ku.

YOHANES 7:17

Mian anu montuluti pongka'oho' nu Tumpu, monsumbu' pa' pangajalan-Ku lengkat mae hi Tumpu kabai posi lengkat mae hi beleng-Ku.

YOHANES 8:36

Kalana aijo', de Anak mompobebas komiu, komiu totu-totu'u bebas.

ROMA 6:22

Panyo uuka aiya komiu pinobebasmo i dosa', ka' tinimbalimo posaihon nu Tumpu. Ka'untunganum aijo'mo kita Utus tumuu' matungka' bagi nu Tumpu ka' han aijo' mohasinakon tumuu' kopian ka' toka sidu-sidutu'.

ROMA 8:15

Kalana Roh nu nubee' nu Tumpu hi komiu, madi' monsaduakon komiu timbali botuan, sahingga komiu tumuu' i uno nu kabuhukan. Ola o, Roh nu Tumpu aijo' mompotimbali komiu to ana-anak nu Tumpu. Ka' kalana kuasa nu Roh nu Tumpu aijo', kita molaga Tumpu aijo', “Tuuma, o Tuumangku!”

ROMA 8:2

Kalana atulan nu Roh nu Tumpu na mombau kita tumuu' mosa'angu' tiba i Kristus Yesus nompobebasmo aku lengkat i atulan anu monsaduakon dosa' ka' kapatean.

1 KORINTUS 7:22

Kalana samian na posaihon anu palesayamo hi Tumpu, aijo' mian nu Tumpu anu bebas. Ka' samian anu bebasmo anu palesayamo hi Tumpu, aijo'mo posaihon i Kristus.

GALATIA 5:1

Kita uuka aiya binebasmo kalana i Kristus nompobebasmo kita! Kalana aijo' otoongi dodo-dodo na kabebasan miu, ka' bolimo mongka'oho' obotuani mule'.

GALATIA 5:13

Kita Utus ilagamo da timbali mian anu bebas. Panyo boli mompake kabebasan miu aijo' da saja' mombau mau mule' pa' apaa na anu oka'oho' obau miu. Ola ahi' komiu tionyo mompaha kali-kalibosi ka' mompaha toa-toa anu kakulangan.

2 TIMOTIUS 3:7

To bou-boune haha aijo' sapoi-poitanyo da o ajan, panyo madi' moko ala monsumbu' ajalan anu totu'u, anu lengkat mae hi Tumpu.

YAKOBUS 1:25

Atulan nu Tumpu na'ima'mo hondo ka' ko kuasa mompobebas mian. Ka' mian anu monggulu'i ka' mongintomakon ima-ima' tiba mule' montuluti atulan aijo', ka' misa' ola mohongo lantas okolilimimo, mian anu aijo' apaa na anu nubau nu aha nu balakati nu Tumpu.

YAKOBUS 2:12

Potatae ka' pombaumo anu obau, sumo mian anu oputusimo nu atulan nu Tumpu anu nompobebasmo mian.

1 PETRUS 2:16

Komiu tionyo ahi' tumuu' sumo mian anu bebas, panyo boli mompake kabebasan nu belemiu aijo' da bau pongkulubi anu ma'idek, panyo tumuu'mo ahi' susumo posaihon nu Tumpu.

2 YOHANES 1:1

Toka hi Pontina'on anu pinile'anmo nu Tumpu, ka' toka hi to ana-anak nu Pontina'on. Sulat aiya lengkat mae hi belengku, polaya' nu jama'at anu totu-totu'u mongkanonongi komiu. Misa' ola aku, panyo iwi-iwi' na mian anu nonsumbu'mo Tumpu anu totu'u, suele ahi' mongkanonongi komiu.