YOHANES 8:28 - KITAB NU TUMPU ALLA LELE MA'IMAI'

²⁸ Kalana aijo' i Yesus notatae hi aha, “Saidi' mae de komiu mohangkatmo tangka-tangkas Anak nu Mian, osumbu'je miu ‘Akumo aiya na Ia anu osa-osanggohi AKU DAAGI'’, ka' osumbu'je miu saba' madi' ko sa'angu' pe'e na anu Kubau lengkat i posi butong-Ku. Aku ola montaloakon apaa na anu pinogulu'mo nu Tuuma hi beleng-Ku.

YOHANES 8:28 ပူးပေါင်းရင်းမြစ်များ

NOSABATMO 3:14

Notatae na Tumpu Allah, “Aku memang AKU DAAGI'. Aiyamo na anu tionyo nu taloakon hi bansa Israel, Iamo na anu osa-osanggohi AKU DAAGI', nonsaimo mae aku toka hi belemiu.

MATIUS 24:5

Kalana da'isan na mian anu toka mae mongala sanggong-Ku ka' motatae, ‘Akumo na Tomundo anu Momposalamat!’ Da'isan na mian nu akali nu aha.

MARKUS 13:6

Da'isan na mian anu tokaje mae mompake sanggong-Ku ka' notatae, ‘Akumo aiya na Ia!’ lantas mongakali da'isan na mian.

LUKAS 21:8

I Yesus notatae, “Obala'ingati mae, boli komiu o akali. Da'isan na mian toka mompake sanggong-Ku, ka' motatae, ‘Akumo aiya na Ia!’ ka' ‘Tinokamo na tempo'nyo.’ Panyo boli komiu mombatuki aha.

YOHANES 11:42

Kusumbu' Kita saja' mohongo Aku, panyo Ku taloakon na aiya kona hi to mia-mian anu aiya; da aha palesaya saba' Kitamo na nonsai mae Aku.”

YOHANES 13:19

Han aijo' Ku poto'i hi komiu uuka aiya da ma'isa pe'e timbali, da de han aijo' timbalimo saidi' mae, komiu palesayaje taalu' Akumo na Ia anu osa-osanggohi AKU DAAGI'.

YOHANES 16:10

saba' Aku totu'u, kalana Aku mambamo hi Tuuma, ka' komiu madi'mo daagi' nontoa Aku mule';

YOHANES 18:32

Aiya timbali da ganapmo apaa na anu tinaloakon i Yesus mongkona bau-baunyo Ia silaka.)

YOHANES 19:18

I kiita' mae na Ia sinalib. Hingga-hinggat tiba Ia daagi' ko ua'aha na mian sangga'at sinalib; samian i sasu kowi, ka' samian i sasu koanan, ka' i Yesus i totonga'nyo.

YOHANES 3:11

Palesayamo: kami monsisik ola apaa na anu osumbu' mami, ka' kami timbali sakisi ola apaa na anu tinoamo mami; panyo komiu madi' mongka'oho' montalima anu sinakisian mami.

YOHANES 3:14

Susumo i Musa noliba'akon ulo tambaga i sangkau na kau' bololang i padang bolaa, sumo aitu mule' Anak nu Mian tionyo oliba'akon,

YOHANES 4:26

“Akumo na Ia,” koonyo i Yesus, “Akumo na anu aiya hau-haunyo motatae tiba beleyum.”

YOHANES 5:19

I Yesus nontaami mian haha aijo' sumo uuka, “Palesayamo, Anak madi' moko ala mombau apa-apaa de ola posi kuasanyo. Ia ola mombau apaa na anu tinoa-Nyomo binau nu Tuuma-Nyo. Kalana apaa na anu binaumo nu Tuuma, aijo'mo suele na nubau nu Anak.

YOHANES 5:30

“Aku madi' moko ala mombau apa-apaa de ola posi pongka'oho'-Ku. Aku ola momputusi hukuman sumo anu pinalentahkonmo nu Tumpu. Ka' kaputusan-Ku adin, kalana Aku madi' mombatuki posi pongka'oho'-Ku, panyo o ala i pongka'oho' nu Tuuma anu nonsai mae Aku.

YOHANES 6:38

Kalana Aku nintatau' mae lengkat i suluga', misa' mombau anu posi pongka'oho'ku, panyo pongka'oho'-Nyo nu anu nonsai mae Aku.

YOHANES 8:24

Mokonyo aijo', Aku notatae hi komiu tukoong-Ku, komiu mateje i uno nu dosa-dosa' miu. Ka' memang mateje i uno nu dosa-dosa' miu, de madi' mompalesaya ‘Akumo na Ia, anu osa-osanggohi AKU DAAGI'.’ ”

YOHANES 8:27

Aha madi' mangalati', saba' Ia hau-haunyomo motatae hi aha mongkona Tuuma.

YOHANES 8:58

I Yesus nontaami, “Totu'u na anu Ku taloakon hi komiu: ma'isa pe'e i hampe na i Abraham, Aku polo-polo'mo daagi'.”

SISIKON NU TO RASUL-RASUL 2:41

Manjoo' na mian palesaya i anu nu taloakon i Petrus, lantas aha pinalamandikan. Sahingga konjoo' nu mian palesaya i sinaa aitu nintuang mule' totolu' na madala na mian.

SISIKON NU TO RASUL-RASUL 4:4

Panyo to mia-mian anu nohongomo ajalan nu to rasul-rasul aijo', manjoo'mo na anu pinalesaya. Sahingga konjoo' nu aha nintuangmo sampe tinimbalimo kila-kila olima' na madala na mian.

ROMA 1:4

panyo salaku Tumpu Ia memang Anak nu Tumpu. Aijo' nyata' i kuasa anu madi' ko gampanyo kalana mau sinilakamo na Ia panyo po'ule' tinumuu'.

PO'ULE' INGULIT 18:18

Anu aijo' i posi bansa nu aha na Ku sai mamba hi aha aijo'mo samian na nabi susumo beleyum. Ku poto'ije hi ia apaa na anu tionyo ahi' nu poto'i lantas nu poto'ije i bansa aijo' iwi-iwi' na anu Ku palentahkonmo.