YOHANES 8:24 - KITAB NU TUMPU ALLA LELE MA'IMAI'

²⁴ Mokonyo aijo', Aku notatae hi komiu tukoong-Ku, komiu mateje i uno nu dosa-dosa' miu. Ka' memang mateje i uno nu dosa-dosa' miu, de madi' mompalesaya ‘Akumo na Ia, anu osa-osanggohi AKU DAAGI'.’ ”

YOHANES 8:24 ပူးပေါင်းရင်းမြစ်များ

NOSABATMO 3:14

Notatae na Tumpu Allah, “Aku memang AKU DAAGI'. Aiyamo na anu tionyo nu taloakon hi bansa Israel, Iamo na anu osa-osanggohi AKU DAAGI', nonsaimo mae aku toka hi belemiu.

AMSAL 8:36

Ihe na madi' montalima aku, mosi polugi butongnyo, mian anu mongka'ideki aku, mongka'ima'imo kapatean.”

MATIUS 24:5

Kalana da'isan na mian anu toka mae mongala sanggong-Ku ka' motatae, ‘Akumo na Tomundo anu Momposalamat!’ Da'isan na mian nu akali nu aha.

MARKUS 13:6

Da'isan na mian anu tokaje mae mompake sanggong-Ku ka' notatae, ‘Akumo aiya na Ia!’ lantas mongakali da'isan na mian.

MARKUS 16:16

Mian anu madi' palesaya o hukum. Panyo mian anu palesaya o palamandikan, da salamat.

LUKAS 21:8

I Yesus notatae, “Obala'ingati mae, boli komiu o akali. Da'isan na mian toka mompake sanggong-Ku, ka' motatae, ‘Akumo aiya na Ia!’ ka' ‘Tinokamo na tempo'nyo.’ Panyo boli komiu mombatuki aha.

YOHANES 13:19

Han aijo' Ku poto'i hi komiu uuka aiya da ma'isa pe'e timbali, da de han aijo' timbalimo saidi' mae, komiu palesayaje taalu' Akumo na Ia anu osa-osanggohi AKU DAAGI'.

YOHANES 3:18

Mian anu palesaya hi Ia madi' o hukum. Panyo anu madi' palesaya polo'mo i hukum nu Tumpu, kalana ia madi' palesaya hi Anak nu Tumpu anu sa'a-sa'angu'nyo.

YOHANES 3:36

Mian anu palesaya hi Anak aijo' tionyo mohumpak kantumuu'an talakana' ka' toka sidu-sidutu'. Panyo mian anu madi' montapali Anak aijo', madi' mohumpak kantumuu'an. Ia ohukum nu Tumpu sidu-sidutu'.

YOHANES 4:26

“Akumo na Ia,” koonyo i Yesus, “Akumo na anu aiya hau-haunyo motatae tiba beleyum.”

YOHANES 8:21

I Yesus notatae mule' hi aha, “Aku mambaje, ka' komiu molioje Aku, panyo komiu mateje i uno nu dosa' miu. I tampat kalambanan-Ku madi' opoko toka miu.”

YOHANES 8:25

“Ihe ahi' totu-totu'u na beleyum?” pinokilawa nu aha. I Yesus nontaami, “Te daagi' bau apaa na basisik tiba komiu!

YOHANES 8:28

Kalana aijo' i Yesus notatae hi aha, “Saidi' mae de komiu mohangkatmo tangka-tangkas Anak nu Mian, osumbu'je miu ‘Akumo aiya na Ia anu osa-osanggohi AKU DAAGI'’, ka' osumbu'je miu saba' madi' ko sa'angu' pe'e na anu Kubau lengkat i posi butong-Ku. Aku ola montaloakon apaa na anu pinogulu'mo nu Tuuma hi beleng-Ku.

YOHANES 8:58

I Yesus nontaami, “Totu'u na anu Ku taloakon hi komiu: ma'isa pe'e i hampe na i Abraham, Aku polo-polo'mo daagi'.”

SISIKON NU TO RASUL-RASUL 4:12

Ola ahi' kalana i Yesus mian oposalamat. Kalana i songko-songko nu dunia i totonga' nu mian madi' ko samian pe'e na anu nohumpakmo kakuasa'an lengkat mae hi Tumpu da momposalamat kita.”

IBRANI 12:25

Kalana aijo', balajaga-jaga da boli komiu madi' mongka'oho' mohongo Ia anu notataemo aijo'. Aha anu madi' mongka'oho' mohongo Ia anu tinokamo i dunia ka' nompotokamo lele lengkat mae hi Tumpu Allah, madi' timbali da madi' palesaya hi Ia. Apaa mule' kita aiya anu nohongomo Ia, anu notataemo lengkat mae i suluga'! De kita madi' mongka'oho' mohongo Ia, iya na kita timbali o ampuni i kasala'an!

IBRANI 2:3

Pakalaus mule' de kasalamatan anu lebe daka' na angga'nyo ka' anu molingkuduimo potuunon haha aijo'! De kita madi' saja' monginau' kasalamatan aijo', tantu kita madi' molapas i hukuman. Kalana Tumpu na momonanyomo nompoto'i kasalamatan aijo', ka' to mia-mian anu momonanyo nohongo nomponyata'mo anu totu'unyo hi kita.