YOHANES 8:20 - KITAB NU TUMPU ALLA LELE MA'IMAI'

²⁰ Iwi-iwi' aijo' tinaloakon i Yesus tempo'nyo aitu Ia hau-haunyo nompogulu' i Laigan nu Tumpu, koko tampat nu doi anu o sombahkon. Panyo madi' ko samian pe'e na anu mohakop Ia, kalana misa' pe'e toka na tempo'nyo.

YOHANES 8:20 ပူးပေါင်းရင်းမြစ်များ

1 TAWARIKH 9:26

Panyo kapala ponjaga anu aha opat aijo' na tataap ahi'. Aha na mompangakui montoa salipi' i Laigan nu Tumpu ka' montoa pakakas anu opo'una' i kiijo'.

MATIUS 26:55

Lantas i Yesus notatae hi mian da'isan aijo', “Te Aku mian ma'idek, sampe komiu toka momboa mae bajak, ka' amangkun mohakop Aku? Toka sansina-sinaa Aku mongajan i Laigan nu Tumpu, kadaka' komiu madi' mohakop Aku!

MATIUS 27:6

Kapala nu to Ima-imam nontoluk doi aijo' ka' notatae, “Doi aiya, doi nu baso'. Koonyo nu atulan nu agama, doi aiya madi' timbali oposoop i uno nu tampat ponguna'an doi i Laigan nu Tumpu.”

MARKUS 12:41

Tempo'nyo sinumuhang mompaha ahop tiba peti' palasombahan i Laigan nu Tumpu, i Yesus nompalahatikan to mia-mian momposoop doi nu aha i uno nu peti' aijo'. Da'isan na mian kaya nomposoop manjoo' na doi;

MARKUS 12:43

Sahingga i Yesus nolaga anu saja' mombatuki Ia ka' notatae, “Palahatikan na aiya: Balu anu kasiasi aijo' nomposoop i uno nu peti' aijo' lebe manjoo' tiba anu pinosoop nu iwi-iwi' na mian sangga'at.

LUKAS 20:19

To gulu-gulu' agama, ka' Kapala nu to ima-imam monsumbu' saba' kantuangan aijo' nu patuakon i Yesus hi aha. Mokonyo aitu aha kahanda'mo mohakop Ia tempo'nyo aitu, panyo aha mabuhuk hi mian da'isan.

LUKAS 21:1

I Laigan nu Tumpu, i Yesus nontoa to mia-mian kaya nompo'isi doi i uno nu tampat ponsombahkonan.

YOHANES 10:39

Aha po'ule' mule' batanga' mohakop i Yesus, panyo Ia ma'isa pinoko hakop nu aha.

YOHANES 2:4

I Yesus nontaami, “Kita tina boli mompokau Aku. Ma'isa toka na tempo'nyo Aku momponyata' butong-Ku.”

YOHANES 7:14

Hau-haunyo lamean, i Yesus ninsoopmo i uno nu Laigan nu Tumpu, lantas nontampu'uni nompogulu'.

YOHANES 7:30

Tempo'nyo aitu aha kahanda'mo mohakop i Yesus, panyo madi' ko anu baani montongi Ia, kalana ma'isa pe'e tinoka na tempo'nyo.

YOHANES 7:44

Daagi' ko anu mompai hakopmo Ia, panyo madi' ko samian pe'e na moko toongi Ia.

YOHANES 7:8

Posi lako'mo na komiu i lamean aijo'. Aku madi' mamba kalana misa' pe'e tempo'nyo kona hi beleng-Ku.”

YOHANES 8:2

Dodododopnyo subu-subu Ia namba mule' i Laigan nu Tumpu, ka' da'isan na mian tinokamo hi Ia. I Yesus sinumuhang, lantas nontampu'unimo nompogulu' aha.

YOHANES 8:59

Lantas to mia-mian nu Yahudi aijo' nontoluk batu bau pombunu'-Nyo; panyo i Yesus naninsulukmo, lantas nambamo nompala'i Laigan nu Tumpu.