YOHANES 8:17 - KITAB NU TUMPU ALLA LELE MA'IMAI'

¹⁷ I uno nu Atulan i Musa tinulis sumo uuka: Katalangan anu totu'u aijo'mo katalangan anu ua'aha na mian.

YOHANES 8:17 ပူးပေါင်းရင်းမြစ်များ

1 TOMU-TOMUNDO' 21:10

Pokau na mian anu uwesan Ua'aha sumuhang mompaha ahop tiba ia ka' montuuk i Nabot au' aitu ia nontotobi'akonmo Tumpu Allah tiba tomundo'. Lantas boa na aha i sambiha' nu kota' ka' pahambunu'akon nu batu sampe mate!”

NOMBILANGMO 35:30

Palakala mompatei, mian anu osangka nompateimo timbali otantukan sinala'mo ka' hukumannyo opatei de palabuatan aijo' timbali opototu'u na ua'aha na mian sakisi kabai molabi. Samian na sakisi ma'isa sukup na mompototu'u pa' anu sinangkanyo aijo' totu'umo.

MATIUS 18:16

Panyo de madi', boa na samian, kabai ua'aha na mian mule'. Kalana i uno nu Kitab nu Tumpu tinulis, ‘Tahahumo sangkiding ohua' kabai totolu' na sakisi anu opalalu da momponyata' samian na anu osangka ko sala'nyo.’

YOHANES 10:34

Lantas i Yesus nontaami, “Te misa' i uno nu Kitab nu Atulanum tinulis: Tumpu notatae, ‘Te beleyum tumpu?’

YOHANES 15:25

Panyo memang sumo aitumo, da timbali apaa na anu tinulis i uno nu Kitab nu Atulan nu aha, aijo'mo: ‘Aha mongka'ideki Aku, mau madi' ko sababnyo.’

2 KORINTUS 13:1

Aiyamo na ko pintolunnyo aku toka molenga komiu. I uno nu Kitab nu Tumpu tinulismo, “Batu-batu palakala tionyo nu tinjohi nu sakisi ua'aha kabai totolu' na mian monsakisi, atina'je ka' palakala aijo' opototu'u.”

GALATIA 3:24

Tiba jalan anu sumo aijo', atulan nu agama timbalimo sumo ponjagai kita sampe i Kristus toka da mombau kita mompo'ule'mo ma'ima' tiba Tumpu kalana kita palesayamo hi Kristus.

GALATIA 4:21

To Utu-utus anu kahanda' tumuu' da nu kuasai nu to atu-atulan nu agama, soba hongo mae na aku! Ku poto'ije hi komiu apaa na anu totu'u tinulismo i uno nu Kitab Atulan i Musa.

PO'ULE' INGULIT 17:6

Panyo ola ia obee'i hukuman mate de daagi' ko sakisi ua'aha kabai molabi; batu-batu mian madi' timbali o hukum mate de ola katalangan nu samian na sakisi.

PO'ULE' INGULIT 19:15

“De ola samian na sakisi madi' opongala na mompoto'i samian anu osangka sinala'mo; opai-pai lio ua'aha na sakisi anu opongala i han aijo'.

IBRANI 10:28

Mian anu madi' nontuluti atulan anu binee'mo i Musa, o hukum mate madi' ko ampunnyo, de ko sakisimo ohua' kabai totolu' na mian anu mompoto'i tukoonyo ia sinala'mo.

1 YOHANES 5:9

Kita palesaya hi anu sinakisianmo nu mian, panyo anu sinakisianmo nu Tumpu na lebe totu'u. Ka' aijo'mo na anu sinakisianmo nu Tumpu mongkona Anak-Nyo.

ANU PINOTO'I HI YOHANES 11:3

Aku monsaije ua'aha na sakising-Ku anu mompusok baju' monsusa'akon anu silakamo, ka' aha mompoto'ije lele nu Tumpu Allah kopinnyo 1.260 na sinaa.”