YOHANES 8:16 - KITAB NU TUMPU ALLA LELE MA'IMAI'

¹⁶ Panyo de Aku momputusi palakala nu mian, pomputusing-Ku aijo' adin, kalana Aku madi' ola posi sausa': Tuuma anu nonsai mae Aku mo'imboa tiba Aku.

YOHANES 8:16 ပူးပေါင်းရင်းမြစ်များ

MAZMUR 98:9

Kalana ia toka mae da momputusimo hukuman nu dunia; iwi-iwi' na bansa oputusimo na hukuman-Nyo, ka' adin ka' madi' hondo sala'.

MAZMUR 99:4

Kakuasa'an olamo samata-mata hi Belento, Tomundo' anu mongka'ima'i atulan; Belento montoongimo atulan anu totu'u, Belento mompojalanmo atulan tiba ka'adilan hi aha Israel.

YESAYA 9:7

Tumpu nonabu'akonmo hukuman hi aha kalaja'an Israel.

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

YOHANES 16:32

O'inau'! Tempo'nyo tokaje mae, aitu pe'e tinokamo, komiu oposungkehetmo. Komiu minsusule' i posi laigan ka' mompala'i Aku sausa'. Panyo Aku madi' posi sausa', kalana Tuuma na mosangalu ka' Aku.

YOHANES 8:29

Ka' Ia anu nonsai mae Aku daagi' poja-pojajalan tiba Aku. Ia madi' toho' mompojohok Aku sausa', kalana Aku saja' mombau apaa na anu momposanang kinyonyoa-Nyo.”

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

ANU PINOTO'I HI YOHANES 19:11

Lapas aijo' aku nontoamo suluga' tinabuka'mo, lantas nontoamo sa'angu' na ajahan mopute'. Anu nonsake'i sanggo-Nyo Anu Mohongo-hongo hondo ka' Anu Totu'u hondo. Ia adin na momputusi hukuman ka' i uno nu pahampatean anu binau-Nyomo.

1 SAMUEL 16:7

Panyo pinoto'i nu Tumpu hi Samuel, “Boli beleyum ola montoa kalana ia olitau ka' butongnyo mule' matangkas, misa' ia na anu Ku kahanda'i. Aku madi' mongangga'i susumo pongangga'i nu manusia. Manusia montoa ola tambongnyo nu butong, panyo aku montoa kinyonyoa.”