YOHANES 7:48 - KITAB NU TUMPU ALLA LELE MA'IMAI'

⁴⁸ “Te daagi' ko anu mongkuasai mae kita kabai mian nu Farisi anu pinalesayamo hi Ia?

YOHANES 7:48 ပူးပေါင်းရင်းမြစ်များ

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

LUKAS 23:13

I Pilatus nolimu' kapala nu to ima-imam, to pola-polaya' ka' layat.

YOHANES 12:42

Mau mule' sumo aitu, da'isan na mian, tiba sangga'at na anu mongkuasai Yahudi pinalesayamo hi Yesus. Panyo aha aijo' palesaya nu pohowini nu aha, kalana aha mabuhuk boli-boli mian nu Farisi madi' mompobee' aha minsoop i Laigan Pogalejaan.

YOHANES 3:1

Daagi' ko samian anu pande i agama gampanyo nu aha mian Farisi, sanggonyo i Nikodemus.

YOHANES 7:26

Toamo, Ia motatae lamba-lamba i ahop nu mian da'isan, ka' madi' ko anu montaloakon apa-apaa hi Ia! Ugaat anu mongkuasai kita nonsumbu'mo saba' aiyamo na Ia Tomundo anu Momposalamat?

YOHANES 7:49

Panyo mian da'isan aiya, aha madi' monsumbu' atulan i Musa, ka' mau mule' mosia aha kinutukanmo.”

YOHANES 7:50

Sala'samian anu kiijo' i mian nu Farisi, aijo'mo i Nikodemus anu toho'mo tinoka hi Yesus. I Nikodemus notatae hi to mia-mian nu Farisi sangga'at,

SISIKON NU TO RASUL-RASUL 6:7

Sumo aitumo na lele lengkat hi Tumpu nompaka togilelemo ka' anu saja' mombatuki Yesus i Yerusalem nompaka da'isanmo. Ka' da'isan mule' na to ima-imam anu pinalesayamo hi Yesus.

1 KORINTUS 1:20

Yo, apaa na gunanyo to mia-mian anu pande haha aijo'? Apaa na gunanyo nu aha anu ko ilimu'? Apaa na gunanyo nu aha anu pande bapikin i dunia aiya? Tumpu nompotoamo saba' kapandean nu dunia aiya palasuma samata-mata.

1 KORINTUS 2:8

Madi' ko samian pe'e na anu mongkuasai tempo' uuka monsumbu' kapandean aijo'. Kalana de sinumbu'mo nu aha, tantu aha madi' nonsalib Tumpu anu ko angga'annyo aijo'.