YOHANES 7:42 - KITAB NU TUMPU ALLA LELE MA'IMAI'

⁴² I uno nu Kitab nu Tumpu tinulis, ‘Tomundo anu Momposalamat te lee' mae i Daud, ka' anu toka lengkat mae i Betlehem, aijo'mo kampung kajojoongan i Daud.’ ”

YOHANES 7:42 ပူးပေါင်းရင်းမြစ်များ

1 TAWARIKH 2:51

I Salma anaknyo anu ko ohua'nyo, iamo aijo' na nombau kota' Betlehem; ka' i Haref anaknyo anu ko totolu'nyo, iamo aijo' na nombau kota' Bet-Gader.

MAZMUR 132:11

Tumpu binasumpa'mo hi Daud; Ia madi'mo mompojalo anu jinanji'-Nyomo. Ia notatae, “Samian na anak nu beleyum Ku potimbalimo tomundo', da mompalentah mombolosakon beleyum.

MAZMUR 89:4

Belento notataemo, “Aku nombaumo palajanjian tiba mian anu pinile'anKumo; Aku binasumpa'mo hi Daud, posaihon-Ku:

YESAYA 11:1

Lee' mae i Tomundo' Daud pokakana susumo kau' anu tinaa'mo. Panyo susumo lapangnyo tu'o daagi' ahi' tumuu' mae na sumpenyo sumo aitumo na lee' mae i Daud daagi' ahi' ko samian na tomundo' na nu lee'akon mae.

YEREMIA 23:5

Tumpu notatae, “Tokaje mae na tempo'nyo, Ku hangkatje na tomundo' samian anu adil lee' mae i Daud. Tomundo' aijo' saidi' mae pande na mompalentah ka' apa-apaa na obau saja' adin ka' saja' totu'u isongko-songko na lipu'.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

MATIUS 1:1

Aiyamo na daputan nu mompolee' i Yesus Kristus, tulunan i Daud, tulunan i Abraham. Lengkat mae hi Abraham tinoka hi Daud, sanggo-sanggo nu mompolee' i Yesus Kristus sumo uuka:

MATIUS 2:5

Aha nontaami, “I kota Betlehem i tano' Yudea. Kalana sumo uuka na tinulis nu samian na nabi,

MATIUS 2:6

‘Beleyum Betlehem, i tano' nu Yehuda, beleyum misa' anu talalo ise' i to kota-kota anu penting i Yehuda. Kalana lengkat hi beleyum tokaje na samian anu bau polaya' anu molaya' mian-Ku Israel anu palesayamo.’ ”

LUKAS 2:11

Sinaa aiya i kota Daud i hampemo na Tomundo anu Momposalamat komiu, aijo'mo i Kristus, Tumpu.

LUKAS 2:4

I Yusuf mule' namba lengkat i Nazaret i Galilea, namba i Betlehem i Yudea, tampat kinahampean i Tomundo Daud; kalana i Yusuf lee' i Daud.

YOHANES 7:27

Panyo de Tomundo anu Momposalamat aijo' toka, madi' ko samian pe'e monsumbu' pa' iyamae na pinolengkatan-Nyo! Padahan osumbu'to iyamae na pinolengkatan nu mian aiya.”

1 SAMUEL 16:1

Madi' pinin lapas aijo' pinoto'imo nu Tumpu hi Samuel, “Tedaagi sangkuka na kopinnyo na beleyum susa' na kinyonyoa kalana monginau' i Saul? Temisa'ia madi'mo ingakuan salaku tomundo' nu aha mian Israel? Uuka aiya ala na lanya' nu zaitun ka' lako'mo i Betlehem, hi mian sanggonyo i Isai kalana sala'samian na anaknyo pinile'an-Kumo da bau tomundo.”

1 SAMUEL 16:18

Nohongo aijo' samian na posaihonnyo notataemo, “I Isai mian anu jojoong i kota' Betlehem ko anak mo'ane samian anu pande na mahaik musik. Ia mian anu baani hondo salaku suludadu anu timbali otaha'imani. Ka' mule' ia mahoson ka' pande na babisala, ka' Tumpu saja' montulungi ia.”

1 SAMUEL 16:4

I Samuel nombaumo susumo anu pinoto'imo nu Tumpu. Salatan ia tinokamo i Betlehem, to pola-polaya' kiijo' i kota' kinobanga-bangangmo na nolabot ia, ka' nompokilawa, “Pa' katokaan nu belento Tuuma aiya momboa mae kasalamatan?”

1 SAMUEL 17:58

Lantas i Saul nompokilawamo hi ia, “O olitau! anak ihe na beleyum?” Tinaaman i Daud, “Aku aiya anak i Isai lengkat mae i Betlehem.”