YOHANES 7:4 - KITAB NU TUMPU ALLA LELE MA'IMAI'

⁴ Madi' ko mian anu mompohowini apaa na anu binaunyo, de ia mongka'oho' da talasanggo. De Beleyum mombau hahan anu sumo aijo', songko-songko na dunia tantu tionyo monsumbu'!” (

YOHANES 7:4 ပူးပေါင်းရင်းမြစ်များ

1 TOMU-TOMUNDO' 22:13

Tempo'nyo aitu mian anu sinai mamba mompoboa i Mikha, nompoto'imo hi Mikha, “Iwi-iwi' na nabi sangga'at nompoto'imo ka'untungan mahampate anu jadi hi tomundo' aiya mae i ahop. De timbali belento Tuuma suele mompoto'i anu ma'ima' na jadi aiya mae i ahop susumo hi aha.”

MATIUS 23:5

Iwi-iwi' anu nu bau nu aha ola da nu toa nu mian. Aha sangaja' mompake kahohon anu opake balado'a opobolaa ka' opo uli-ulit ka' mompomantan na jambu-jambu nu juba' nu aha!

MATIUS 4:6

Lantas aijo' Ibilis notataemo hi Ia, “Te Beleyum misa' Anak nu Tumpu? Desumo aijo' pingkanabu' mokaiyong; kalana i uno nu Kitab nu Tumpu tinulis sumo uuka, ‘Tumpu monsaije to mala-malaikat-Nyo monjagai Beleyum, aha molabotje Beleyum nu lima nu aha da Tengkeum madi' tonsumpun i batu.’ ”

MATIUS 6:16

“De komiu bapuasa', boli mompotoa ohup susa', sumo mian anu mimpula-pula. Aha mombali'i lupa nu ohupnyo da iwi-iwi' na mian monsumbu' au'aitu aha bapuasa'. O inau' aijo'mo na tamboonyo anu tinalimamo nu aha.

MATIUS 6:5

“De komiu balado'a, boli sumo to mia-mian anu mongka' oho' bapula-pula. Aha mongka'oho' balado'a tinjo-tinjo i laigan pogalejaan ka' i popanga'an nu jalan da nu toa nu mian. O inau', aijo'mo na tamboonyo anu tinalimamo nu aha.

LUKAS 6:45

Mian anu ma'ima' montaeakon hahan anu ma'ima', kalana kinyonyoanyo buke' nu ka'ima'an. Mian anu ma'idek montaeakon hahan anu ma'idek, kalana kinyonyoanyo buke' nu ka'idekan. Kalana apaa na anu otaeakon nu nganga', aijo' mosabat lengkat i kinyonyoa.”

YOHANES 18:20

I Yesus nontaami, “Aku saja' basisik sahondo-hondonyo i ahop nu mian da'isan. Aku saja' mompogulu' i to lai-laigan Pogalejaan ka' i Laigan nu Tumpu, tampat nu mian Yahudi biasanyo silimu'. Madi' toho' Aku montaloakon apa-apaa maninsuluk.

YOHANES 7:3

Sahingga to utu-utus i Yesus notatae hi Ia, “Pala'imo na tampat aiya ka' lako'mo i Yudea, da anu saja' mombatuki Beleyum timbali ahi' montoa kalajaum.

YOHANES 7:5

Kalana posi to Utu-utus-Nyo pe'e madi' palesaya hi Ia.)