YOHANES 7:39 - KITAB NU TUMPU ALLA LELE MA'IMAI'

³⁹ I Yesus binasisik mongkona Roh nu Tumpu, anu saidi' mae nu talimaje nu to mia-mian anu palesayamo hi Ia. Kalana tempo' aitu Roh nu Tumpu ma'isa binee'; kalana i Yesus ma'isa pinopodaka' i uno nu kasilakan-Nyo.)

YOHANES 7:39 ပူးပေါင်းရင်းမြစ်များ

MAZMUR 68:18

Pulu'an nu madala na kareta anu otaha'imano; Tumpu tinokamo hi aha, Ia nompotoamo katalasanggoan-Nyo.

AMSAL 1:23

Potombihing mae na aku de aku mompisala'imo beleyum sahingga ku poto'imo hi beleyum na isi nu kinyonyoangku ka' ku pogulu'mo na ilimu'ku.

YESAYA 12:3

Susumo uee lop momposanang kinyonyoa nu mian anu negotmo, sumo aijo'mo na belemiu lame'mo kalana nu posalamatmo nu Tumpu.”

YESAYA 32:15

Panyo daagi' ahi' minsan na Tumpu saidi' mae toka tibamo kakuasa'an-Nyo. Sahingga padang tampat anu mateges timbalimo ale' anu toto lumba-lumba' ka' ale' iwi-iwi' saidi' mae sumomo alas.

YESAYA 44:3

Kalana Ku bulokakonmo mae na ujan aiya itano' anu notismo, ka' nompojalanmo kaunyo itano' anu nategesmo. Ku bee'mo na kakuasa'an-Ku hi lee' nu beleyum, ka' mombalakatimo makumpu nu beleyum.

YOËL 2:28

“Lapas na aijo' iwi-iwi' na mian Ku bee'imo rok-Ku. Sahingga to ana-anak mo'ane, boune mompoto'imo anu Ku potuun; to tu'a-tu'anyo atina' hi belemiu mongipimo anu otoa opotoamo hi olitau ka' langkoyang.

MATIUS 16:14

Anu saja' mombatuki Ia nontaami, “Daagi' ko anu notatae i Yohanes anu Mompalamandikan. Daagi' mule' ko anu notatae i Elia. Anu sangga'at mule' notatae i Yeremia, kabai sala'sa'angu' na nabi.”

MATIUS 21:11

“Ia Nabi Yesus, lengkat mae i Nazaret i Galilea,” tinaaman nu mian da'isan anu nonsampo jalan i Yesus.

LUKAS 24:49

Ka' Akuje na monsai hi komiu apaa na anu jinanji'mo nu Tuuma. Panyo komiu tionyo tataap montanda'i i kota aiya, sampe kuasa lengkat mae hi Tumpu mompinsoopimo komiu.”

LUKAS 3:16

Mokonyo aijo', i Yohanes notatae hi aha iwi-iwi', “Aku mompalamandikan komiu nu uee, panyo tokajemae na mian anu lebe daka' molingkudui aku. Mombukai segot nu sapatu-Nyo pe'e, aku madi' pantas. Nupalamandikanje na komiu nu Roh nu Tumpu ka' apu.

LUKAS 7:16

Iwi-iwi' na mian nabuhukmo ka' nontampu'uni nompuji' Tumpu Allah. Koonyo nu aha, “Samian na nabi daka' tinokamo i totonga'to! Tumpu tinokamo da momposalamat miannyo anu palesayamo!”

YOHANES 1:21

“Desumo aitu, beleyum ihe?” pinokilawa nu aha. “Pa' beleyum i Elia?” “Misa',” na koonyo i Yohanes. “Pa' beleyum Te Nabi?” pinokilawa nu aha mule'. “Misa',” na koonyo.

YOHANES 1:25

nompokilawa, “De beleyum misa' Tomundo anu Momposalamat, misa' i Elia, misa' mule' Te Nabi, kadaka' beleyum mompalamandikan?”

YOHANES 1:33

Tempo'nyo aitu ma'isa sinumbu'ku pa' ihe na Ia. Panyo Tumpu Allah na nompokau aku mompalamandikan nu uee notataemo hi belengku, ‘De beleyum montoa Roh nu Tumpu mintatau', lantas manintengke' i buan nu sala'samian, Iamo na saidi' mae mompalamandikan nu Roh nu Tumpu.’

YOHANES 12:16

Tempo'nyo aitu anu mombatuki Yesus ma'isa nonsumbu' iwi-iwi' aijo'. Panyo salatan i Yesus pinopodaka'mo i kasilakaan-Nyo, atina'je na aha tinonginau' taalu' anu binau nu to mia-mian hi Ia, tinulismo i uno nu Kitab nu Tumpu mongkona Ia.

YOHANES 12:23

I Yesus notatae hi aha, “Tempo'nyomo Anak nu Mian opopodaka'.

YOHANES 14:13

Ka' mau mule' pa' apaa na o poita miu de momboa sanggong-Ku, aijo' tionyo Kubee' bau bagi nu belemiu, da kalana anak, Tuuma opopodaka'.

YOHANES 14:26

Panyo Roh nu Tumpu, pontulungi anu nupokauje mae nu Tuuma kalana sanggongku, iamo na anu mompogulu' komiu iwi-iwi, ka' mompotuka' komiu iwi-iwi' anu pinoto'iyakonkumo hi komiu.

YOHANES 16:14

Ia na mompopodaka' Aku, kalana apaa na anu Nu potoka hi komiu, tinalima-Nyo lengkat hi beleng-Ku.

YOHANES 16:7

Panyo Aku montaloakon anu totu'u hi beleyum: Da bau ka'ima'an nu belemiu, lebe ma'ima' Aku mamba; kalana de Aku madi' mamba, Pontulungi aijo' madi' koko toka hi belemiu. Panyo de aku mambamo kusaije mae na Ia hi beleyum.

YOHANES 17:1

Noko potatae sumo aijo', i Yesus nontihanga langit ka' notatae, “Kita Tuuma, u'uka aiya tinokamo na tempo'nyo. Popodaka'mo na Anak-To, da Anak-To suele mompodaka' kita Tuuma.

YOHANES 17:5

Kita Tuuma! Popodaka'mo na Aku u'uka aiya hi kita Tuuma nu kadaka'an anu daagi' hi beleng-Ku, ka' hi kita Tuuma, ma'isa pe'e dunia aiya pinotimbali.

YOHANES 20:22

Lantas Ia nompuuhakon sawo-Nyo hi aha ka' notatae, “Talimamo na Roh nu Tumpu.

YOHANES 6:14

Salatan tinoa nu mian da'isan na anu okabangangi binau i Yesus, aha notataemo, “Totu'u aiyamo na Nabi anu ota-otanda'i toka i dunia!”

YOHANES 7:12

Da'isan na mian lewa'mo mongoyongakon Ia. Daagi' ko anu motatae, “Ia mian ma'ima'.” Daagi' mule' ko anu motatae, “Madi'! Ia monsaduakon pikilan nu mian da'isan timbali ponga'.”

YOHANES 8:54

I Yesus nontaami, “De Aku molio da o'adati na butong-Ku, pongadati aijo' madi' ko kaliangannyo! Anu mongadati Aku aijo'mo Tuumang-Ku anu osa-osanggohi Tumpu,

SISIKON NU TO RASUL-RASUL 19:2

Ia nompokilawa hi aha, “Nontalimamo na to Utu-utus Roh nu Tumpu, salatan komiu pinalesayamo hi Yesus?” Tinaaman nu aha, “Ma'isa. Ola o kami madi' toho' nohongo taalu' daagi' ko Roh nu Tumpu.”

SISIKON NU TO RASUL-RASUL 2:17

Tumpu notatae, ‘Tempo'nyo sinaa aiya mae imihinyo kulambe'akonje na Roh-Ku hi iwi-iwi' na mian. Ana-anakum anu to momo'ane ka' ana-anakum to bouboune mompoto'ije hi komiu hahan anu Ku poto'i hi aha. To mia-mian olitau miu montoaje hahan anu Ku poto'i hi aha. To mia-mian tu'anyo miu mongipije mongkona ipion anu Ku poto'i hi aha.

SISIKON NU TO RASUL-RASUL 2:33

Ia i hangkat ka' pinosuhang i kasuhangan anu matangkas ka' binee'an kakuasa'an nu Tumpu, lantas nontalimamo Roh nu Tumpu Allah anu noko janji'mo nu Tuuma. Ka' anu ihongomo miu uuka aiya ka' tinoamo saba' Roh'mo ai-aijo' na anu ilambe'akon-Nyo hi kami.

SISIKON NU TO RASUL-RASUL 2:38

Tinaaman i Petrus, “Balatobatmo, bolimo mombau dosa-dosa' miu. Ka' tionyo komiu toto samian opalamandikan nu sanggo i Yesus Kristus, da dosa-dosa'um o ampuni. Sahingga to Utu-utus montalimaje tambo nu Roh nu Tumpu lengkat hi Tumpu.

SISIKON NU TO RASUL-RASUL 2:4

Aha iwi-iwi' kinuasanmo nu Roh nu Tumpu, ka' nontampu'unimo notatae tiba ngangahan nu basa' sangga'at. Aha motatae nombatukimo apaa na anu pinoto'i nu Roh aijo' hi aha da otaloakon.

SISIKON NU TO RASUL-RASUL 3:13

Tumpu anu o sombah i Abraham, i Ishak, ka' i Yakub, Tumpu nu mompolee'to, Tumpu aijo' nompopodaka'mo Posaihon-Nyo aijo'mo i Yesus. I Yesus aijo'mo na anu binee' miu hi aha anu mongkuasai, ka' komiumo na sampo bali'nyo i ahop i Pilatus, tempo'nyo i Pilatus ka'oho'mo molapasakon Ia.

SISIKON NU TO RASUL-RASUL 4:31

Ilapas na aha binalado'a, tampat sinihukan nu aha aijo' tinolohenggomo. Aha iwi-iwi' kinuasanmo nu Roh nu Tumpu ka' mulaimo binaani hondo na notatae mongkona lele lengkat mae hi Tumpu.

ROMA 8:9

Panyo komiu madi' tumuu' mombatuki sipat nu mian. Komiu tumuu' mombatuki pongka'oho' nu Roh nu Tumpu – de memang, Roh nu Tumpu totu-totu'u montoongi kuasa i uno nu butongum. Mian anu madi' ko Roh i Kristus, mian aijo' misa' i Kristus na tumpunyo.

2 KORINTUS 3:8

tantu mojanji' anu nubee' nu Roh nu Tumpu lebe lonyingkaban mule' na nompokododo.

EFESUS 4:30

Boli momposusa' kinyonyoa nu Roh nu Tumpu. Komiu nohumpakmo tanda sap nu Roh da timbali anu nu Tumpu. Roh aijo' mule' salaku sa'angu' na tanda matantu saba' Sinaa Pompobebasan tokamo mae hi komiu.