YOHANES 7:35 - KITAB NU TUMPU ALLA LELE MA'IMAI'

³⁵ Lantas anu mongkuasai Yahudi notataemo samian ka' samian, “Mian aiya kahanda'mo mamba moya sahingga madi' opoko humpakto na Ia? Te Ia kahanda'mo mamba hi to mia-mian Yahudi anu jojoong i sambiha' nu lipu' santano'an i totonga' nu mian Yunani ka' mompogulu' mian nu Yunani?

YOHANES 7:35 ပူးပေါင်းရင်းမြစ်များ

MAZMUR 147:2

Tumpu po'ule'mo mompotinjo Yerusalem; to mia-mian anu i hakop ka' binoamo, po'ule'mo Nu sule'akon mae.

YESAYA 11:10

Tempo'nyo saidi' mae tokamo samian na tomundo' lee' mae i Daud baumo lewa' palahatian nu to bansa-bansa. Aha tokamo mae hi ia, ka' tampat kajojoongannyo saja' lewa' opuji-puji'.

YESAYA 11:12

Tumpu mompotinjomo sa'angu' na bandela' bau pontoan nu to bansa-bansa. Aijo'mo na tandanyo taalu' Ia po ule'mo nomposihuk bansa Israel, tiba bansa Yehuda anu noga'a-ga'atmo iyaya mae i dunia aiya ka' monsule'akonmo mae aha.

YESAYA 49:6

Tumpu notataemo hi belengku, “Pakalaja'an anu lebe daka' hondo montanda'imo beleyum, o, posaihon-Ku; beleyum misa' ola monsule'akon mae tuha' nu lee' i Yakub, ka' mompo ule' mompojadi kaholomatan nu to tulu-tulunan nu bansa Israel, panyo Ku pojadimo mule' ahi' jingka nu to bansa-bansa, da songko-songko na dunia oposalamatmo.”

YESAYA 56:8

Sumo uukamo na potatae nu Tumpu Anu Matangkas na Kuasanyo anu nolaya'mo Israel ninsusule' mae lengkat i tampat pinompojongan aha, “Aku momboamo aha to mia-mian sangga'at da mogalumo hi aha anu sinuhukmo mae.”

ZEFANYA 3:10

Ka' mule' lengkat mae i Sudan anu majo'on mian-Ku anu pinalesayamo anu noga'a-ga'atmo saidi' mae tokamo ka' monsombahkonmo koloban hi beleng-Ku.

MATIUS 12:21

iwi-iwi na bansa montaha'imanije Ia.”

LUKAS 2:32

Sumo jingka anu monjingkai jalan bagi nu to bansa-bansa sangga'at, da toka hi Belento; aijo'mo jingka anu mompotoka mae kadaka'an bagi nu mian-To anu palesayamo Israel.”

YOHANES 12:20

To mia-mian anu namba nokiijo' i Yerusalem mogaleja tempo'nyo nu lamean aijo', daagi' ko to pia-piangkuka mian nu Yunani.

YOHANES 7:1

Lapas aijo' i Yesus nambamo noyaya i Galilea. Ia madi' mongka'oho' mamba i tano' nu Yudea kalana anu mongkuasai Yahudi i kiijo' mae kahanda'mo mompatei Ia.

YOHANES 8:22

Saba' anu mongkuasai Yahudi notatae, “Ugaat Ia mongka'oho'mo minoo', kalana Ia nontaloakonmo, ‘I tampat kalambanan-Ku madi' opoko toka miu.’ ”

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

SISIKON NU TO RASUL-RASUL 11:20

Panyo daagi' ko anu hi aha to mia-mian anu palesayamo aijo', anu nolengkat mae i Siprus ka' i Kirene, daagi' mule' ko to mia-mian anu namba nokiijo' i Antiokhia ka' nompolele Lele Ma'ima' mongkona i Yesus aijo' hi to mia-mian anu madi' bala agama Yahudi.

SISIKON NU TO RASUL-RASUL 14:1

I Paulus ka' i Barnabas nongoa'i mule' han anu pokakana i Ikonium. Aha namba mule' nokiijo' i laigan pogalejaan nu mian Yahudi ka' notatae i kiijo' na'ima' hondo sahingga da'isan na mian nu Yahudi ka' mian misa' Yahudi pinalesayamo hi Yesus.

SISIKON NU TO RASUL-RASUL 17:4

To pia-piangkuka na mian pinalesayamo lantas mombatukimo i Paulus ka' i Silas; sumo aitu mule' manjoo' hondo na to mia-mian Yunani anu mabuhuk hi Tumpu, ka' da'isan suele na to bouboune anu talasanggo.

SISIKON NU TO RASUL-RASUL 18:4

Panyo toka i sinaa nu Sabat i Paulus mamba basisik i laigan pogalejaan da to mia-mian nu Yahudi mau pe'e to mia-mian nu Yunani palesaya hi Yesus.

SISIKON NU TO RASUL-RASUL 21:21

Ka' uuka aha nohongomo taalu' kita Utus nongajanmo iwi-iwi' mian nu Yahudi anu jojoong hi aha i bansa sangga'at, da madi'mo mohongo atulan i Musa. Kita Utus nompokinde'imo aha, da aha madi'mo monsunat te to ana-anak nu aha kabai mombatuki adat kabiasa'an nu Yahudi.

SISIKON NU TO RASUL-RASUL 22:21

Panyo Tumpu po'ule' notatae hi belengku, ‘Sampamo lako', kalana Aku monsaimo beleyum mamba mokiijo' i tampat anu majo'on hi aha to mia-mian anu misa' Yahudi.’ ”

ROMA 1:16

Ku palesaya hondo na Lele Ma'ima' aijo', kalana lele aijo' kahosonan nu Tumpu momposalamat iwi-iwi' na mian palesaya; momonanyo hi mian Yahudi, ka' bansa suele sangga'at.

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

1 TIMOTIUS 2:7

Ka' aijo'mo na sababnyo aku pinokau namba hi to mia-mian anu misa' Yahudi da mompolele hi aha lele mongkona kapalesaya'an anu totu'u. Anu pinotoingkumo aiya, memang totu'u, aku madi' baleko'.

2 TIMOTIUS 1:11

Da Lele Ma'ima' aijo' opolele Tumpu nohangkatmo aku da tinimbali rasul ka' gulu'.

YAKOBUS 1:1

To utu-utus mian anu palesayamo hi Tumpu iwi-iwi', anu nobagi-bagimo i songko-songko na dunia! Salam do'a lengkat hi belengku, i Yakobus, posaihon nu Tumpu ka' posaihon i Tumpu Yesus Kristus.

1 PETRUS 1:1

To Utu-utus mian anu pinile'anmo nu Tumpu, anu nobagi-bagimo i tano' nu mian i da'erah Pontus, Galatia, Kapadokia, Asia, ka' Bitinia! Aku, i Petrus, anu tinimbalimo posaihon i Yesus Kristus, mongamanakon bisa-bisa' Tumpu mombee'i balakat ka' ka'ima'an hi belemiu molabi-labi. Komiu pinile'anmo tinimbalimo mian anu pinalesayamo hi Tumpu Allah nompotimbalimo komiu mian anu pinalesayamo ka' susi' da baumo samata-mata anu nu Tumpu, da komiu mohongo-hongo i Yesus Kristus ka' pinobelesi'mo nu baso'-Nyo.