YOHANES 7:31 - KITAB NU TUMPU ALLA LELE MA'IMAI'

³¹ Da'isan na mian anu i kiijo' montampu'unimo palesaya hi Ia, ka' notatae, “De Tomundo anu Momposalamat aijo' tokamo, ugaat Ia na timbali mombau lebe manjoo' na anu okabangangi molingkudui mian aiya?”

YOHANES 7:31 ပူးပေါင်းရင်းမြစ်များ

MATIUS 12:23

Iwi-iwi' na mian binangangmo ka' notatae, “Ugaat aijo'mo Ia na Anak i Daud anu jinanji'mo aijo'?”

LUKAS 8:13

Bine' anu nanabu' i tampat anu ko batunyo sumomo mian anu mohongo lele aijo', kinyonyoanyo sanang na montalima. Panyo lele aijo' madi' nimbakat i kinyonyoa nu aha. Aha palesaya ola sasaingoni', ka' de soba'an toka, aha madi'mo mule' palesaya.

YOHANES 11:45

Da'isan na to mia-mian nu Yahudi anu toka mompaha pia i Maria, pinalesayamo hi Yesus salatan aha nontoa apaa na anu tinimbali aijo'.

YOHANES 12:11

Kalana ia na nonsabapi da'isan na mian nu Yahudi nosabatmo hi aha ka' nompalesaya i Yesus.

YOHANES 12:42

Mau mule' sumo aitu, da'isan na mian, tiba sangga'at na anu mongkuasai Yahudi pinalesayamo hi Yesus. Panyo aha aijo' palesaya nu pohowini nu aha, kalana aha mabuhuk boli-boli mian nu Farisi madi' mompobee' aha minsoop i Laigan Pogalejaan.

YOHANES 2:11

Aijo'mo na anu okabangangi momonanyo binau i Yesus. Binaunyo na aijo' i Kana i tano' nu Galilea. Tiba tanda aijo' Ia nompotoamo katalasanggoan-Nyo. Sahingga anu saja' mombatuki Ia, pinalesayamo hi Ia.

YOHANES 3:2

Ia tinoka pihi-pihi hi Yesus ka' notatae, “Tuumangku Gulu', osumbu' mami na Kita Tuuma sinai mae nu Tumpu. Kalana madi' ko samian anu moko ala mombau anu okabangangi susumo anu binau nu Kita Tuuma, de Tumpu madi' montombaya'i ia.”

YOHANES 4:29

“Imbo', mamba toa na mian anu nompoto'i hi belengku iwi-iwi' na anu toho'mo binaungku. Ugaat Iamo ai-aijo' na Tomundo anu Momposalamat?”

YOHANES 4:39

Da'isan na mian nu Samaria anu jojoong i kota aijo' pinalesayamo hi Yesus, kalana boune aijo' notatae, “Ia nontaloakonmo hi belengku iwi-iwi' na anu toho'mo binaungku.”

YOHANES 6:2

Salatan tinokamo i kiijo' da'isan na mian nombatukimo Ia, kalana aha nontoamo anu okabangangi binau-Nyo, i nompa'alin to mia-mian masakit.

YOHANES 7:26

Toamo, Ia motatae lamba-lamba i ahop nu mian da'isan, ka' madi' ko anu montaloakon apa-apaa hi Ia! Ugaat anu mongkuasai kita nonsumbu'mo saba' aiyamo na Ia Tomundo anu Momposalamat?

YOHANES 9:16

To pia-pingkuka na mian nu Farisi haha aijo' notatae, “Madi' bisa mian anu nombau aiya nolengkat mae hi Tumpu, kalana Ia madi' mompajuli sinaa nu Sabat.” Panyo mian sangga'at notatae, “Iya na timbali mian anu baladosa' mombau anu okabangangi sumo aiya?” Lantas tinimbali painggagaan hi posi-posi aha.

SISIKON NU TO RASUL-RASUL 8:13

Posi i Simon pe'e suele pinalesayamo. Ka' ilapas pinalamandikan, ia lau-laus nombatukimo Filipus. Hahan anu okabangangi tini-tinimbali aijo' nombau i Simon kino banga-bangang.

YAKOBUS 2:26

Yo, susumo butong madi'mo ko rohnyo atina' butong anu i sinilakamo, sumo aitumo suele na iman de madi' ko bukuti'nyo i han anu ma'ima', atina' iman anu sinilakamo.