YOHANES 7:30 - KITAB NU TUMPU ALLA LELE MA'IMAI'

³⁰ Tempo'nyo aitu aha kahanda'mo mohakop i Yesus, panyo madi' ko anu baani montongi Ia, kalana ma'isa pe'e tinoka na tempo'nyo.

YOHANES 7:30 ပူးပေါင်းရင်းမြစ်များ

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

YESAYA 46:10

Salatamo pe'e momonanyo mae pinoto'ing-Kumo na hahan anu imihinyo mae jadi, naipuan pe'e mae kinila-kilang-Kumo apaa na anu jadi aiya mae i ahop. Aku notataemo: Anu tinantukan-Kumo tinyo ahi' jadimo, anu kinahanda'an-Kumo tionyo ahi' Ku baumo!

MATIUS 12:14

Panyo to mia-mian nu Farisi nompala'i laigan pogalejaan aijo', lantas binasale' da opateimo na i Yesus.

MATIUS 21:46

Jadi aha binala usahamo mohakop Ia. Panyo aha mabuhuk hi mian da'isan aijo', kalana mian da'isan aijo' monsangka i Yesus samian na nabi.

MARKUS 11:18

To Kapa-kapala nu imam ka' to gulu-gulu' agama nohongo potatae aijo'. Sahingga aha nontampu'unimo nolio jalan da mompatei Yesus. Aha nabuhuk hi Ia, kalana iwi-iwi' na mian bangang na mohongo ajalan-Nyo.

LUKAS 20:19

To gulu-gulu' agama, ka' Kapala nu to ima-imam monsumbu' saba' kantuangan aijo' nu patuakon i Yesus hi aha. Mokonyo aitu aha kahanda'mo mohakop Ia tempo'nyo aitu, panyo aha mabuhuk hi mian da'isan.

LUKAS 22:53

Sansina-sinaa Aku tiba komiu kiijo' i Laigan nu Tumpu, komiu madi' mohakop Aku. Panyo aiyamo na tempo'nyo komiu mohakop, tempo'nyomo kuasa nu pintung montoongimo pamalentahannyo.”

YOHANES 10:31

Lantas to mia-mian nu Yahudi po'ule'mo nongala batu bau pombunu' i Yesus.

YOHANES 10:39

Aha po'ule' mule' batanga' mohakop i Yesus, panyo Ia ma'isa pinoko hakop nu aha.

YOHANES 11:57

Aha nontaloakon sumo aijo' kalana to kapala-kapala nu imam tiba to mia-mian nu Farisi nompalentahkonmo da ihe na mian anu monsumbu' iyana kajojoongan i Yesus, tionyo mompoto'i mae da Ia o hakopmo.

YOHANES 7:19

Te misa' i Musa nombee'imo pale-palentah nu Tumpu hi beleyum? Panyo itina' hi komiu madi' ko anu mombatuki pale-palentah haha aijo'. Ka' kadaka' komiu kahanda'mo mompatei Aku?”

YOHANES 7:32

To mia-mian nu Farisi nohongomo mosia na mian da'isan haha aijo' mompaha oyo-oyong mongkona i Yesus. Kalana aitu, hingga-hinggat tiba to kapa-kapala nu imam, aha nonsaimo to pia-piangkuka ponjagai Laigan nu Tumpu mamba mohakop i Yesus.

YOHANES 7:6

“Ma'isa pe'e tempo'nyo kona hi beleng-Ku,” koo-Nyo i Yesus hi aha, “panyo komiu, yaya na tempo' timbali.

YOHANES 7:8

Posi lako'mo na komiu i lamean aijo'. Aku madi' mamba kalana misa' pe'e tempo'nyo kona hi beleng-Ku.”

YOHANES 8:20

Iwi-iwi' aijo' tinaloakon i Yesus tempo'nyo aitu Ia hau-haunyo nompogulu' i Laigan nu Tumpu, koko tampat nu doi anu o sombahkon. Panyo madi' ko samian pe'e na anu mohakop Ia, kalana misa' pe'e toka na tempo'nyo.

YOHANES 8:37

Memang Kusumbu' komiu aiya lee' i Abraham. Panyo komiu kahanda' mompatei Aku, kalana komiu madi' montalima pokinde'-Ku.

YOHANES 8:59

Lantas to mia-mian nu Yahudi aijo' nontoluk batu bau pombunu'-Nyo; panyo i Yesus naninsulukmo, lantas nambamo nompala'i Laigan nu Tumpu.

YOHANES 9:4

De daagi' ko sinaa, kita tionyo mombau hia-Nyo nu anu nonsai mae Aku. De malom tokamo, samian pe'e madi'mo moko ala mokalaja.