YOHANES 7:27 - KITAB NU TUMPU ALLA LELE MA'IMAI'

²⁷ Panyo de Tomundo anu Momposalamat aijo' toka, madi' ko samian pe'e monsumbu' pa' iyamae na pinolengkatan-Nyo! Padahan osumbu'to iyamae na pinolengkatan nu mian aiya.”

YOHANES 7:27 ပူးပေါင်းရင်းမြစ်များ

YESAYA 11:1

Lee' mae i Tomundo' Daud pokakana susumo kau' anu tinaa'mo. Panyo susumo lapangnyo tu'o daagi' ahi' tumuu' mae na sumpenyo sumo aitumo na lee' mae i Daud daagi' ahi' ko samian na tomundo' na nu lee'akon mae.

YESAYA 53:8

Ia tinahanmo ka' pinutusanmo na palakalanyo lantas i hela'mo ka' i hukumo nu hukuman mate. Madi'mo ko anu nompajuli nasibnyo; ia i nate kalana dosa' nu bansanto.

YEREMIA 23:5

Tumpu notatae, “Tokaje mae na tempo'nyo, Ku hangkatje na tomundo' samian anu adil lee' mae i Daud. Tomundo' aijo' saidi' mae pande na mompalentah ka' apa-apaa na obau saja' adin ka' saja' totu'u isongko-songko na lipu'.

YEREMIA 30:21

Tomundo' anu mompalentah belemiu ohangkat anu atina posi bansa nu belemiu Bebas na ia mompaha sumbu' mae tiba Aku de maluanyo ia Ku lagamo, mangadap mae hi beleng-Ku Kalana ihe na baani moko ala mangadap mae hi beleng-Ku de ola posi pongka'oho'nyo? Belemiu timbalimo mian anu palesayamo hi beleng-Ku ka' Aku timbalimo Tumpu Allah nu belemiu. Aku, Tumpu na anu nontaeakonmo aijo'.”

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

MARKUS 6:3

Te misa' Ia aiya tukang anu saja' mombau pakakas nu laigan, Anak i Maria, ka' utus i Yakobus, i Yoses, i Yudas ka' i Simon? Memang to utu-utus-Nyo boune pe'e jojoong i aiya suele.” Kalana aijo' aha madi' nontalima Ia.

LUKAS 4:22

Potatae anu tinaloakon-Nyo ma'ima' hondo, sahingga aha binangangmo ka' nompototu'umo Ia. Aha notatae, “Te misa' Ia anak i Yusuf?”

YOHANES 6:42

Aha notatae, “Te misa' aiya i Yesus, anak i Yusuf? Osumbu' mami na tina ka' tuuma-Nyo! Te mosia ka' Ia timbali motatae tukoonyo, Ia nintatau' mae lengkat i suluga'?”

YOHANES 7:15

Anu mongkuasai Yahudi binangang hondo ka' notatae, “Mosia na mian aiya ka' manjoo' na anu nusumbu', padahan Ia madi' toho' nosikolah?”

YOHANES 9:29

Osumbu' mami saba' Tumpu notataemo hi Musa. Panyo mongkona mian aijo', madi' osumbu' mami pa' iyamae na pinoleng katan-Nyo.”

SISIKON NU TO RASUL-RASUL 8:33

Ia pinopo ambang ka' binee'an hukuman madi' adin. Napas-Nyo binubut i dunia aiya, sahingga samian pe'e madi' ko anu moko ala monsisikakon ihe na lee'-Nyo.”