YOHANES 7:15 - KITAB NU TUMPU ALLA LELE MA'IMAI'

¹⁵ Anu mongkuasai Yahudi binangang hondo ka' notatae, “Mosia na mian aiya ka' manjoo' na anu nusumbu', padahan Ia madi' toho' nosikolah?”

YOHANES 7:15 ပူးပေါင်းရင်းမြစ်များ

YESAYA 29:12

De oboa hi mian anu madi' nonsikolai hulup, ia aijo' saidi' mae motataeje tukoonyo ia madi' monsumbu' mombasa'.

MATIUS 13:54

lantas ninsusule'mo i kampung-Nyo. I kiijo' mae Ia namba nongajan i laigan pogalejaan, ka' to mia-mian anu nohongo Ia i kiijo' binangangmo hondo. Aha notatae, “Lengkat iyamae na mian aiya nohumpak kapandean sumo aijo'? Ka' lengkat mae iya na Ia nohumpak kuasa mombau anu okabangangi?

MATIUS 22:22

Salatan aha nohongomo katalangan aijo', aha binangangmo. Sahingga aha nambamo nompala'i i Yesus.

MATIUS 22:33

Salatan mian da'isan aijo' nohongo katalangan i Yesus, aha binangang hondo i pangajalan-Nyo.

LUKAS 2:47

Iwi-iwi' na anu nohongo Ia binangang kalana pontaami-Nyo minsoop i akan.

LUKAS 4:22

Potatae anu tinaloakon-Nyo ma'ima' hondo, sahingga aha binangangmo ka' nompototu'umo Ia. Aha notatae, “Te misa' Ia anak i Yusuf?”

YOHANES 1:19

To mia-mian Yahudi anu ko kuasa i Yerusalem nompokau to ima-imam ka' to mia-mian nu Lewi namba hi Yohanes, ka' nompokilawa hi ia, “Beleyum aiya ihe?”

YOHANES 7:11

Tempo'nyo nu lamean aijo', anu mongkuasai Yahudi saja' molio Ia ka' saja' moleleki, “Iyamae na Ia?”

YOHANES 7:13

Panyo madi' ko samian pe'e na baani motatae i aho-ahop mongkona Ia, kalana aha mabuhuk hi anu mongkuasai Yahudi.

YOHANES 7:46

Anu monja-monjagai aijo' nontaami, “Bee', ma'isa toho' ko mian anu notatae sumo Ia!”

SISIKON NU TO RASUL-RASUL 26:24

Hau-haunyo i Paulus montutuhakon pompototu'u butongnyo aijo', i Festus nonsegaimo, “Beleyum notutuangmo Paulus! Ilimuu'um anu manjoo' atina' nompotimbalimo beleyum notutuang!”

SISIKON NU TO RASUL-RASUL 4:13

To mia-mian anu Mongulus Palakala aijo' binangang na montoa kabaanian i Petrus ka' i Yohanes, apaa mule' nusumbu' nu aha saba' ua'aha na rasul aijo' to mia-mian biasa anu madi' ko sikolahnyo. Lantas aha sininsumbu' saba' ua'aha na rasul aijo' to mia-mian anu nombatuki Yesus.

1 SAMUEL 10:11

Mian anu monsumbu' ia u'utu mae, nontoamo kalakuannyo aijo' lantas nompaha lele-lelekimo hi samian ka' samian, “Nosiamo na anak i Kish aijo'? Ugaat i Saul suele tinimbalimo nabi?”