YOHANES 6:70 - KITAB NU TUMPU ALLA LELE MA'IMAI'

⁷⁰ I Yesus nontaami, “Te misa' Aku na nompile'i komiu sampulu' ohua' na mian aiya? Panyo samian anu aiya hi komiu te roh anu ma'idek!”

YOHANES 6:70 ပူးပေါင်းရင်းမြစ်များ

YOHANES 13:18

Apaa na anu Kutaloakon aiya misa' mongkona komiu iwi-iwi'. Kusumbu' ihe-he na anu pinile'an-Kumo. Panyo apaa na anu tinulismo i uno nu Kitab nu Tumpu tionyo timbali, aijo'mo, ‘Mian anu mongkaan hingga-hinggat tiba Aku na saidi' mae mongewa Aku.’

YOHANES 13:2

I Yesus tiba anu saja' mombatuki Ia hau-haunyo mongkaan malom. Ibilis nomposoopmo tanga'an i uno nu kinyonyoa i Yudas anak i Simon Iskariot da monguwesani Yesus.

YOHANES 13:21

Noko taloakon na i Yesus sumo aijo', Ia tinongkoliibosonmo hondo, lantas tinaloakon-Nyo, “Totu'u hondo na potataeng-Ku aiya: Sala'samian aiya hi komiu na monguwesani Aku.”

YOHANES 13:27

Lia-lia' salatan i Yudas nontalimamo roti aijo', Ibilis ninsoopmo i kinyonyoanyo. Lantas i Yesus notatae hi ia, “Donganmo bau pa' apaa na anu kahanda' nu bau.”

YOHANES 15:16

Misa' komiu na nompile'i Aku. Aku na nompile'i komiu, ka' nompokau komiu mamba da mimbua' mahampe – bua-bua' anu madi' ko kapa'idekannyo. Sahingga nubee'je i Tuuma hi komiu mau mule' apaa na anu opoita miu hi Ia de mompake sanggong-Ku.

YOHANES 15:19

De komiu dunia na tumpunyo, komiu nukalibosi nu dunia, kalana ia na tumpunyo. Panyo Aku nompile'imo komiu lengkat i dunia aiya, sahingga komiu misa'mo anu nu dunia. Mokonyo aitu dunia mongka'ideki komiu.

YOHANES 17:12

Tempo'nyo Aku daagi' tiba aha, pinotuu'kumo na aha nu kuasa nu sanggonto Tuuma – sanggo anu binee' nu kita Tuuma hi beleng-Ku. Aku nompotuu'mo aha, ka' madi' ko samian pe'e nolapus, boli mompiakon ia anu memang nukonamo na molapus; da kalana aijo' ganaapmo na anu tinulis i Kitab nu Tumpu.

YOHANES 2:2

I Yesus tiba anu saja' mombatuki Ia suele tinaang da mamba i bau-bauon aijo'.

YOHANES 20:24

I Tomas, (anu osanggohi “Hapi”), sala'samian anu sampu-sampulu' ka' ohua' na anu saja' mombatuki Yesus, madi' kino ianyo hingga-hinggat tiba sangga'at tempo'nyo i Yesus tinoka.

YOHANES 6:64

Panyo daagi' mule' ko anu aiya hi komiu na madi' palesaya.” (Sinumbu'mo i Yesus salatanmo pe'e imoonanyo ihehe na anu madi' mongka'oho' palesaya, ka' ihe na anu mongkabisa'i Ia.)

YOHANES 6:67

Lantas i Yesus nompokilawa hi sampulu' ka' ohua' na anu saja' mombatuki Ia, “Pa' komiu suele mompala'imo Aku?”

YOHANES 6:71

Anu nunu patui nu potatae i Yesus, aijo'mo i Yudas anak i Simon Iskariot. Kalana mau mule' i Yudas minsoop sala' samian anu sampulu' ka' ohua' na anu saja' mombatuki Yesus, ia na mongkabisa'i Yesus.

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

SISIKON NU TO RASUL-RASUL 1:17

I Yudas sala'samian lengkat hi kita, ka' ia pinile'anmo suele da mokalaja hingga-hinggat tiba kita.” (

SISIKON NU TO RASUL-RASUL 13:10

lantas notatae, “He, anu talalo baleko', anu talalo ma'idek! Beleyum sampo bali' nu hahan anu ma'ima'. Kadaka' beleyum madi' mongka'oho' belenti na mongidei kahanda' nu Tumpu anu momposalamat mian?

1 TIMOTIUS 3:11

Bengkele' nu aha suele tionyo ahi' mian anu tobos, misa' mian anu mongka'ima'i lewa' mombebakon sisik anu madi' totu'u. Aha tionyo monsumbu' boli mahasisikon ka' jujun i uno nu han iwi-iwi'.

TITUS 2:3

Sumo aitu mule' tionyo ahi' beleyum mompokinde'i to bou-boune anu bengkele'mo da kalakuan nu aha sosok tiba apaa na anu patut hi mian anu tumuu' samata-mata bau kapentingan nu Tumpu. Aha madi' timbali mompitana'i mian sangga'at ka' madi' timbali katagean i inumon anu moko palangu. Aha tionyo ahi' mongajanakon hahan anu ma'ima',

1 YOHANES 3:8

Panyo mian anu sabau-baunyo dosa' atina'mo na anak nu Ibilis, kalana Ibilis binaladosa' salatanmo pe'e momonanyo. Kalana han aijo' sahingga Anak nu Tumpu tinoka mae aijo'mo da monggalisi pakalaja'an nu Ibilis.