YOHANES 6:68 - KITAB NU TUMPU ALLA LELE MA'IMAI'

⁶⁸ “Kita Tumpu,” na koonyo i Simon Petrus hi Ia, “Hi ihe na kalambanan mami? Potatae nu Kita Tumpu mombee'i kantumuu'an anu talakana' ka' toka sidu-sidutu'.

YOHANES 6:68 ပူးပေါင်းရင်းမြစ်များ

MAZMUR 73:25

Ihe na anungku kiita' i suluga', olamo ahi' samata-mata Belento? Madi' ko anu ku ka'ima'i sangga'at i dunia aiya, olamo ahi' samata-mata Belento.

MATIUS 16:16

I Simon Petrus nontaami, “Kita Tuuma aijo'mo na Tomundo anu Momposalamat, Anak nu Tumpu Anu Tuumu'.”

MARKUS 8:29

“Panyo de posi komiu, Aku aiya ihe?” pinokilawa i Yesus. Tinaaman i Petrus, “Kita Tuuma te Tomundo anu Momposalamat!”

LUKAS 9:20

“Panyo posi pikilan miu, Aku aiya ihe?” pinokilawa i Yesus. I Petrus nontaami, “Kita Tuuma, aijo'mo Tomundo anu Momposalamat anu jinanji'mo nu Tumpu.”

YOHANES 12:49

Kalana Aku madi' motatae lengkat i posi pongka'oho'-Ku; Tuuma anu nonsai mae Aku, iamo na nompalentakon hi belengku apaa na anu tionyo Ku taloakon ka' Ku potoka.

YOHANES 12:50

Ka' Kusumbu' saba' palentah-Nyo aijo' mombee'i kantumuu'an kopian ka' toka sidu-sidutu'. Jadi Aku mompotokakon sumo anu pinogulu'mo nu Tuuma hi belengku.”

YOHANES 17:8

Pinoto'ingkumo hi aha na potatae nu kita Tuuma anu binee'mo hi beleng-Ku; ka' tinalimanyomo nu aha. Sinumbu'mo nu aha taalu' Aku tinoka mae totu-totu'u lengkat hi kita Tuuma ka' aha nompalesayamo taalu' kita Tuuma na nonsai mae Aku.

YOHANES 5:24

Totu-totu'u hondo na anu Kutaloakon aiya; mian anu mongintomakon potataeng-Ku, ka' palesaya hi Ia anu nonsai mae Aku, ko kantumuu'an anu talakana' ka' toka sidu-sidutu'. Ia madi' o hukum, ia nolapasmo lengkat i kapatean ka' nohumpakmo kantumuu'an.

YOHANES 6:40

Memang aiyamo na nuka'ima'i nu Tuumang-Ku: Da iwi-iwi' na anu montoa Anak ka' palesaya hi Ia ko kantumuu'an anu talakana' toka sidu-sidutu', ka' po'ule' Kupotumuu' i Sinaa Kakiamatan.”

YOHANES 6:63

Anu nompotimbali mian tumuu' aijo'mo Roh nu Tumpu. Kahosonan nu mian madi' ko kaliangannyo. Potatae anu Ku taloakon hi komiu aiya, aijo'mo na potatae nu Roh nu Tumpu ka' potatae anu mombee'i kantumuu'an.

SISIKON NU TO RASUL-RASUL 13:26

To Utu-utus lee' i Abraham, ka' iwi-iwi' to Utu-utus anu sangga'atannyo, i aiya anu mohongo hi Tumpu! Tumpu nompakatumo hi kita lele kasalamatan aijo';

SISIKON NU TO RASUL-RASUL 4:12

Ola ahi' kalana i Yesus mian oposalamat. Kalana i songko-songko nu dunia i totonga' nu mian madi' ko samian pe'e na anu nohumpakmo kakuasa'an lengkat mae hi Tumpu da momposalamat kita.”

SISIKON NU TO RASUL-RASUL 5:20

“Lako'mo tinjo i Laigan nu Tumpu ka' poto'i hi to mia-mian mongkona kantumuu'an bu'ou aiya.”

SISIKON NU TO RASUL-RASUL 7:38

I Musamo ai-aijo' hi aha bansa Israel i padang bone', anu nowakini malaikat nota-notatae i Bungkut nu Sinai tiba mompolee'to. Iamo na nontalima lengkat hi Tumpu lele anu moko tumuu' da opotokakon hi kita.

SISIKON NU TO RASUL-RASUL 8:37

I Filipus notatae, “De Kita Tuan palesayamo totu-totu'u i kinyonyoa, Kita Tuan timbalimo o palamandikan.” “Aku palesayamo hi Yesus Kristus, aijo'mo Anak nu Tumpu Allah,” koonyo nu anu ko pangkat matangkas lengkat mae i Etiopia aijo'.]