YOHANES 6:56 - KITAB NU TUMPU ALLA LELE MA'IMAI'

⁵⁶ Mian anu mongkaan butong-Ku ka' monginum baso'-Ku tataap mosa'angu' tiba Aku, ka' Aku tiba ia.

YOHANES 6:56 ပူးပေါင်းရင်းမြစ်များ

MAZMUR 90:1

Doi i Musa, posaihon nu Tumpu. O, Tumpu, Belentomo na bau pihohungan mami molundu-lundu na tulunan mami.

MAZMUR 91:1

Mian anu mihohung' hi Anu Matangkas na Kuasanyo, ka' jojoong mingkong hi Anu Daka' na Kuasanyo,

MAZMUR 91:9

Kalana beleyum nongalamo Tumpu da tinimbali anu nonsangaja'i beleyum. Anu Matangkas na Kuasanyo ingalamo nu beleyum salaku anu monjagaimo beleyum.

MOHAANGI 3:24

Tumpu aijo'mo na halatangku. Kalana aijo', aku taha iman hondo hi ia.

YOHANES 14:20

De tokamo na sinaa aitu, osumbu'je miu taalu' Aku mosa'angu' tiba Tuuma, komiu mosa'angu' ka' Aku, ka' Aku mosa'angu' tiba komiu.

YOHANES 14:23

I Yesus nontaami, “Mian anu mongkalibosi Aku, tionyo mombatuki pangajalan-Ku. Tuumang-Ku mongkalibosije ia. Tuuma ka' Aku tokaje hi ia ka' jojoong hingga-hinggat ka' ia.

YOHANES 6:55

Kalana butong-Ku totu-totu'u anu okaan, ka' baso'-Ku totu-totu'u anu o inum.

2 KORINTUS 6:16

Apaa na tuusanannyo Laigan nu Tumpu tiba laigan nu pilogot? Kita aiya Laigan nu Tumpu, aijo'mo Tumpu anu tumuu'. Posi Tumpu na notatae, “Aku jojoongmo hi aha, ka' tumuu' hingga-hinggat tiba aha. Aku timbalimo Tumpu nu aha, ka' aha timbalimo mian anu palesayamo hi beleng-Ku.

EFESUS 3:17

Ku'amalakon kalana komiu pinalesayamo hi Kristus, i Kristus jojoongmo i uno nu kinyonyoa miu, ka' kantumuu'an miu mompintoongimo ka' nu kuasaimo nu kalibosan.

1 YOHANES 2:24

Kalana aijo', lele anu i hongomo miu salatanmo pe'e momonanyo komiu pinalesayamo tionyo ahi' o toongi miu ma'i-ma'ima' i uno nu kinyonyoa. De lele aijo' o toongimo miu ma'i-ma'ima', komiu saja'mo tumuu' mosa'angu' tiba Anak ka' tiba Tuuma.

1 YOHANES 3:24

Iwi-iwi' na mian anu tulu-tulutan i to pale-palentah nu Tumpu, tumuu' nosa'angu' tiba Tumpu, ka' Tumpu nosa'angu' tiba aha. Ka' osumbu'to saba' Tumpu tumuu' nosa'angu' tiba kita, kalana Ia nombee'imo Roh-Nyo hi kita.

1 YOHANES 4:12

Madi' ko samian pe'e na anu toho'mo nontoa Tumpu, panyo de kita mompaha kali-kalibosi, Tumpu mosa'angu'mo tiba kita, ka' kalibosan-Nyo ganaapmo i butongto.

ANU PINOTO'I HI YOHANES 3:20

Toa! Aku tuminjo i ahop nu tumban ka' mongkutetek. De daagi' ko anu mohongo potataeng-Ku, ka' montuhea'akon tumban, Aku minsoopmo monsingkaboti ia; Aku mongkaanmo hingga-hinggat tiba ia ka' ia mongkaanmo hingga-hinggat tiba aku.