YOHANES 6:53 - KITAB NU TUMPU ALLA LELE MA'IMAI'

⁵³ Lantas i Yesus notatae hi aha, “Palesayamo: De komiu madi' mongkaan butong Anak nu Mian ka' monginum baso'-Nyo, komiu totu-totu'u madi' tumuu'.

YOHANES 6:53 ပူးပေါင်းရင်းမြစ်များ

MATIUS 18:3

Lantas i Yesus notatae, “Palesayamo! Ola ahi' de komiu mongabali' ka' timbali susumo to ana-anak, komiu timbali minsoop mian anu palesayamo hi Tumpu.

MATIUS 5:18

O inau'! Sapinnyo langit ka' dunia daagi', sa'angu' na hulup kabai titik anu talalo ise' pe'e i uno nu atulan aijo' madi' o hapusakon, de iwi-iwi' ma'isa jadi!

MATIUS 8:20

I Yesus nontaami, “Pojek ko liangnyo, ka' tomonsi' ko petaanyo, panyo Anak nu Mian madi' ko kamale'an.”

LUKAS 13:3

Totu-totu'unyo misa'! Panyo o inau': de komiu madi' balatobat i dosa-dosa' miu, komiu suele iwi-iwi' matemo sumo aha.

LUKAS 13:5

Totu-totu'u misa'! Daagi' minsan na kutaeakon: De komiu madi' balatobat i dosa-dosa' miu, komiu suele iwi-iwi' mate sumo aha.”

YOHANES 13:8

“Boli, Tumpu,” na koonyo i Petrus hi Yesus, “Boli hondo-hondo kita Tumpu mombaso'i tengkengku!” Panyo i Yesus nontaami, “De Aku madi' mombaso'i beleyum, beleyum madi' mompahasumbu' tiba Aku.”

YOHANES 15:4

Tataap mosa'angu' tiba aku, ka' Aku mule' tataap mosa'angu' tiba komiu. Posi panga' madi' moko pimbua', beilako' de ia tataap i kau'nyo. Sumo aitumo na komiu moko ala mimbua', de saja' mosa'angu' tiba Aku.

YOHANES 3:3

I Yesus nontaami, “Palesayamo, madi' ko samian pe'e timbali minsoop anu palesayamo hi Tumpu, de madi' ia po'ule' ohampeakon.”

YOHANES 3:36

Mian anu palesaya hi Anak aijo' tionyo mohumpak kantumuu'an talakana' ka' toka sidu-sidutu'. Panyo mian anu madi' montapali Anak aijo', madi' mohumpak kantumuu'an. Ia ohukum nu Tumpu sidu-sidutu'.

YOHANES 3:5

I Yesus nontaami, “Totu-totu'u na potataeng-Ku aiya: de mian madi' ohampeakon nu uee ka' mule' nu Roh nu Tumpu, mian aijo' madi' timbali mian anu palesayamo hi Tumpu.

YOHANES 6:47

Osumbu'mo: Mian anu palesaya na ko kantumuu'an anu talakana' toka sidu-sidutu'.

YOHANES 6:51

Akumo na roti nintatau' mae lengkat i suluga' – roti anu mombee'i kantumuu'an. Mian anu mongkaan roti aiya tumuu' sidu-sidutu'. Roti anu Kubee' da bau kantumuu'an nu mian i dunia aijo'mo butong-Ku.”

YOHANES 6:55

Kalana butong-Ku totu-totu'u anu okaan, ka' baso'-Ku totu-totu'u anu o inum.

YOHANES 6:62

Pa' mosia na katimbaliannyo saidi' mae de komiu montoamo Anak nu Mian moliba'mo minsusule' i tampat pinolengkatan-Nyo mae?

1 YOHANES 5:12

Mian anu pinalesayamo hi Anak nu Tumpu, nohumpakmo kantumuu'an aijo'; ka' mian anu madi' palesaya hi Ia, ia madi' ko kantumuu'an aijo'.

ANU PINOTO'I HI YOHANES 2:17

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu toka hi to jama-jama'at! Aha anu inguntungmo i uno nu kasabalan, Ku pobee'je na mongkaan manna anu ma'isa nusumbu' nu aha, ka' toto samian mohumpakje hi beleng-Ku sambatu na batu mopute'. I batu aijo' tinulis sa'angu' na sanggo anu sala'je, anu madi' nu sumbu' nu mian mau pe'e pa' ihe, de misa' mian anu memang mohumpak.”

ANU PINOTO'I HI YOHANES 2:7

Ihe na mohongo, tionyo ahi' mompalahatikan apaa na anu nutaloakon nu Roh nu Tumpu hi to jama-jama'at! Aha anu noko alamo sinabaan ka' nontahan soba'an, Ku pobee'je mongkaan bua' nu kau' kantumuu'an anu tinumuu' i Kalaja'an Suluga' nu Tumpu.”