YOHANES 6:5 - KITAB NU TUMPU ALLA LELE MA'IMAI'

⁵ Salatan i Yesus nontoa titikub, Ia nontoa mian nomomuyutmo mae toka hi Ia. Sahingga Ia notatae hi Filipus, “Iyamae na timbali pongolianto anu okaan da iwi-iwi' na mian aiya timbali mongkaan?” (

YOHANES 6:5 ပူးပေါင်းရင်းမြစ်များ

NOMBILANGMO 11:13

Soba toa, aha saja' mati ense momoita ponoha'. Ka' iya mae na tionyo ahi' polioanku ponoha' da obee' hi aha mian iwi-iwi' aijo'?

MATIUS 15:33

Lantas anu saja' mombatuki Yesus nompokilawamo hi Ia, “Iyamae na kita timbali mohumpak kaanon i da'erah anu manintade aiya bau kapentingan nu mian ko da'isan aiya?”

MARKUS 6:32

Sahingga aha namba sinumake' i duangan mompatui mokiijo' i tampat anu liing.

LUKAS 9:10

To rasul-rasul i Yesus ninsusule'mo ka' nonsisikakon hi Yesus iwi-iwi' na anu binaumo nu aha. I Yesus nongendemo aha, lantas namba hingga-hinggat aha nanintade i kota Betsaida.

YOHANES 1:43

Dodododopnyo i Yesus nompatikolomo namba i Galilea. Ia siningkabot ka' i Filipus, ka' notatae hi ia, “Imbo' batuki na Aku!”

YOHANES 1:44

I Filipus mian anu nolengkat mae i Betsaida, aijo'mo jojoongan i Andreas ka' i Petrus.

YOHANES 1:45

I Filipus siningkabot tiba i Natanael ka' notatae hi ia, “Kami siningkabotmo mian anu sisinanggo i Musa i uno nu kitab Atulan nu Tumpu ka' anu bibinebakonmo nu to nabi-nabi. Aijo'mo Ia i Yesus anu lengkat mae i Nazaret, anak i Yusuf.”

YOHANES 1:46

Panyo i Natanael nontaami, “Toho' mule' anu ma'ima' molengkat mae i Nazaret?” “Imbo' posi toa,” na koonyo i Filipus.

YOHANES 1:48

“Mosia na Kita Tuuma nonsumbu' aku?” pinokilawa i Netanael hi Yesus. I Yesus nontaami, “Ma'isa pe'e i Filipus nolaga beleyum, tinoang-Kumo na beleyum i patu nu kau' ara aijo'.”

YOHANES 4:35

Komiu motatae, ‘Daagi' opat na bitu'on pompadakanmo.’ Panyo Aku motatae hi komiu: Tanggalakon na to ale-ale' singkapmo kinangkinian me montanda'i o padak!