YOHANES 6:37 - KITAB NU TUMPU ALLA LELE MA'IMAI'

³⁷ Iwi-iwi' mian anu binee'mo nu Tuuma hi beleng-Ku, toka hi beleng-Ku. Madi' Aku mongkangkang mau pe'e ihe na anu toka hi beleng-Ku.

YOHANES 6:37 ပူးပေါင်းရင်းမြစ်များ

MAZMUR 102:17

de Tumpu po'ule'mo mompotinjo Sion, ka' po'ule'mo otoa na katalasanggoan-Nyo.

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

YESAYA 41:9

Beleyum ingalang-Kumo lengkat mae i pupus nu tano' ilagang-Kumo lengkat mae itampat anu toto jo'o-jo'on. Aku notatae, ‘Belentomo na posaihon-Ku; Aku sabole-boleh ahi' montalima anu pinile'an-Kumo.’

YESAYA 42:3

Balo anu nopekokmo madi' opato'akon, sulu' anu mongkokihomo madi' opoho'. Tulu-tulutan hondo na ia mompoto'i han anu totu'u,

YESAYA 55:7

Tionyo ahi' mian anu ma'idek na gau'nyo mombabali'i kantumuu'annyo, ka' mombali'i pikilannyo. Sahanyo ahi' ia minsusule' mae hi Tumpu, da mohumpak pangasihan-Nyo. Tionyo ahi' ia po ule' mae toka hi Tumpunto, kalana Tumpu mongampuni nu kinyonyoa anu ma'ima.

MATIUS 11:28

Tokamo mae hi beleng-Ku na komiu iwi-iwi' anu malawe, ka' anu mongoa'i koboatnyo nu boaon; Aku mompilaweije komiu.

MATIUS 24:24

Kalana tokaje mae na anu momposalamat padahan anu madi' totu'u, ka' to nabi-nabi anu madi' totu'u. Aha mombau palabuatan-palabuatan anu o palias, ka' hahan anu okabangangi bau pongakali, de timbali, mau mian anu palesayamo hi Tumpu suele.

YOHANES 17:11

Uuka aiya Aku toka hi kita Tuuma. Aku madi'mo daagi' jojoong i dunia; panyo aha daagi' i dunia. Kita Tuuma anu Susi'! Potuu'akon na aha nu kuasa, nu sanggonto Tuuma, aijo'mo sanggo anu binee'mo nu kita Tuuma hi beleng-Ku – da aha timbali mosa'angu', pokakana sumo kita Tuuma ka' Aku suele sa'a-sa'angu'.

YOHANES 17:2

Kita Tuuma nombee'mo kuasa mompalentah iwi-iwi' na mian hi Anak, da Ia mombee'i kantumuu'an kopian ka' toka sidu-sidutu' hi iwi-iwi' na mian anu binee'mo nu Tuuma hi Ia.

YOHANES 17:24

Kita Tuuma, Ku kahanda'i da aha anu binee'mo nu kita Tuuma hi beleng-Ku mogalum ka' Aku i tampat kajojoongan-Ku, da aha montoa kadaka'an-Ku; aijo'mo kadaka'an anu binee' nu kita Tuuma hi beleng-Ku, kalana kita Tuuma mongkalibosi Aku ma'isa pe'e dunia aiya pinotimbali.

YOHANES 17:6

Aku nomposumbu'mo kita Tuuma hi to mia-mian i dunia aiya anu binee'mo nu kita Tuuma hi beleng-Ku. Aha, kita Tuuma na tumpunyo, ka' kita Tuuma nombee'mo aha hi beleng-Ku. Aha nohongo-hongomo potatae nu kita Tuuma.

YOHANES 6:39

Ka' aiya na kahanda'-Nyo nu anu nonsai mae Aku: Da iwi-iwi' na mian anu binee'mo hi beleng-Ku, madi' ko samian pe'e na molapus; panyo da po'ule' Kupotumuu' na aha i Sinaa Kakiamatan.

YOHANES 6:65

Lantas i Yesus po'ule' notatae, “Aijo' na sababnyo Ku poto'i hi komiu, saba' madi' ko samian pe'e moko ala toka hi beleng-Ku de madi' nupobee' nu Tuuma.”

YOHANES 9:34

Tinaaman nu aha, “Apaa? Beleyum anu nobuke'mo nu dosa' salatanmo pe'e i hampe, beleyumo na mongka'oho' mompogulu' kami?” Sahingga lengkat i aitu ia tinewa'mo minsoop i laigan pogalejaan.

ROMA 5:20

Anu nombee' atulan nu agama Yahudi aijo' posi Tumpu. Panyo lebe mian makeke montapali atulan aijo', lebe mule' aha molanggai ka' baladosa' hi Tumpu. Mau mule' mian lebe mombau dosa', Tumpu lebe mule' mongkalibosi aha.

FILIPI 1:29

Kalana Tumpu nombee'imo balakat hi komiu, misa' ola da palesaya hi Kristus, panyo singkona da mongoa'i sansala kalana i Kristus.

1 TIMOTIUS 1:16

Panyo ola mule' ahi' kalana aijo' sahingga Tumpu nongkalibosimo aku, da i Kristus Yesus timbali mompotoa iwi-iwi' na kasabalannyo hi belengku, mian anu talalo baladosa' aiya. Ka' aiyamo na timbali sa'angu' na sonto' hi iwi-iwi' na mian anu saidi' mae palesaya hi Ia da mohumpak kantumuu'an anu ma'ima' ka' sampe toka sidu-sidutu'.

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

IBRANI 4:15

Imam Daka'to anu talasanggo aijo' misa' imam anu madi' moko ala mongoa'i apa-apaa na anu madi' opoko ala o oa'into. Panyo Ia sinobanmo i uno nu iwi-iwi' na han, pokakana sumo kita; ola Ia madi' nombau dosa'.

IBRANI 7:25

Mokonyo aitu sampe toka sidu-sidutu' i Yesus timbali momposalamat to mia-mian anu toka hi Tumpu, montului Ia, mokonyo aijo' Ia tumuu' sampe toka sidu-sidutu' da mompotokakon apaa na anu nu poita nu to mia-mian hi Tumpu.

1 YOHANES 2:19

Anu monsampo Bali' i Kristus aijo', atina'mo to mia-mian anu nompala'imo kita, kalana aha memang misa' to mia-mian gampanto. De aha to mia-mian gampanto, tantu aha tataap hi kita. Panyo aha nompala'imo kita, da manasa saba' madi' ko samian pe'e anu aijo' hi aha na totu-totu'u tonsoop timbali gampanto.

ANU PINOTO'I HI YOHANES 22:17

Roh nu Tumpu ka' Boting Boune aijo' notatae, “Imbo'mo!” Ihe na mian anu mohongo aiya, tionyo suele motatae, “Imbo'mo!” Ihe na anu megot, tionyo ia toka! Ka' ihe na anu mongkamilui, tionyo ia mongala uee anu mombee'i kantumuu'an aijo' madi' opai oli.