YOHANES 6:32 - KITAB NU TUMPU ALLA LELE MA'IMAI'

³² Lantas i Yesus notatae hi aha, “Palesayamo: Misa' i Musa, panyo Tuumang-Kumo na anu nombee'i komiu roti anu sahondo-hondonyo lengkat mae i suluga'.

YOHANES 6:32 ပူးပေါင်းရင်းမြစ်များ

MAZMUR 78:23

Maumo sumo aijo', panyo pinalentah-Nyomo ahi' na langit, da montuhea'kon iwi-iwi' na sabatannyo.

NOSABATMO 16:4

Tumpu notataemo hi Musa, “Uuka aiya Ku tau'akonmo mae na anu okaan manjoo' hondo sumo ujan bau bagi miu iwi-iwi'. Sansina-sinaa belemiu tionyo ahi' molimu' anu okaan aijo' saimbanggan anu okaan sansinaa. Tiba jalan anu sumo aijo' Aku monguji'mo mian anu pinalesayamo hi beleng-Ku da Ku sumbu' pa' aha mohongo-hongo to pale-palentah-ng-Ku kabai madi'.

NOSABATMO 16:8

Tumpu nombee'imo belemiu ponoha' de mamalomo ka' roti daagi' subu sampe belemiu mobosu, kalana Tumpu nohongomo belemiu saja'mo motambuha' hi Ia. Sabenannyo de belemiu saja'mo motambuha' hi kami, belemiu sumomo saja'mo motambuha' hi Tumpu.”

YOHANES 1:9

Jingka totu-totu'u anu monjingkai iwi-iwi' na mian, tinokamo i dunia.

YOHANES 15:1

Koonyo i Yesus mule', “Aku kau' anggur anu totu-totu'unyo, ka' Tuumang-Ku aijo' na tumpu nu ale'.

YOHANES 6:31

Mompolee' mami mongkaan manna i padang bolaa sumo anu tinulis i uno nu Kitab nu Tumpu, ‘Ia nompokaan aha roti lengkat mae i suluga'.’ ”

YOHANES 6:33

Kalana roti anu binee' nu Tumpu aijo'mo ia anu nintatau' lengkat mae i suluga' ka' mombee'i kantumuu'an hi mian i dunia.”

YOHANES 6:35

“Akumo na roti anu mombee'i kantumuu'an,” tukoonyo i Yesus hi aha. “Mian anu toka hi beleng-Ku madi'mo mompo'ule' mo'ohop sidu-sidutu'. Ka' anu palesaya hi beleng-Ku madi'mo mompo'ule' megot sidu-sidutu'.

YOHANES 6:41

To mia-mian nu Yahudi nontampu'unimo mompisala'i Yesus, kalana Ia notatae: “Aku roti anu nintau' mae lengkat i suluga'.”

YOHANES 6:50

Panyo madi' sumo aijo' na roti anu nintatau' mae lengkat i suluga'; mian anu mongkaan roti aijo' madi' mate.

YOHANES 6:55

Kalana butong-Ku totu-totu'u anu okaan, ka' baso'-Ku totu-totu'u anu o inum.

YOHANES 6:58

Aiyamo na roti anu nintatau' mae lengkat i suluga': misa' roti sumo anu kinaan nu mompolee' miu. Kalana noko kaan roti aijo', aha i natemo. Panyo mian anu mongkaan roti aiya, tumuu' sampe toka sidu-sidutu'.”

GALATIA 4:4

Panyo tinokamo i tempo'nyo anu tinantukanmo, Tumpu nonsaimo mae Anak-Nyo namba i dunia. Anak-Nyo aijo' i hampeakon nu samian na boune ka' tinumuu'mo i uno nu kakuasa'an nu atulan nu agama.

1 YOHANES 5:20

Osumbu'to saba' Anak nu Tumpu tinokamo ka' nompopangalati'mo kita, da kita monsumbu' Tumpu anu totu'u. Kita tumuu' nosa'angu'mo tiba Tumpu anu totu'u, ka' tumuu' mosa'angu'mo tiba Anak-Nyo i Yesus Kristus. Aiyamo na Tumpu anu totu'u, ka' aiyamo na kantumuu'an anu kopian ka' sampe toka sidu-sidutu'.