YOHANES 6:30 - KITAB NU TUMPU ALLA LELE MA'IMAI'

³⁰ “Desumo aitu,” koonyo nu aha, “bukuti' apaa na anu timbali obee'to nu kita Tuuma da kami nontoa ka' palesaya hi kita Tuuma? Apaa na anu obaunto kita Tuuma?

YOHANES 6:30 ပူးပေါင်းရင်းမြစ်များ

1 TOMU-TOMUNDO' 13:3

Po'ule' notatae na nabi aijo', “Mezbah aiya saidi' mae ohobo'akonmo, ka' abu'nyo aita' tombulokmo. Aijo'mo na bukuti'nyo aku aiya pinokau mae nu Tumpu.”

1 TOMU-TOMUNDO' 13:5

Mezbah aijo' monti-montiik nohobo'mo ka' abu'nyo tinombulokmo nokaiyong i tano', susumo anu pinalentahkonmo nu Tumpu lantas pinoto'imo nu nabi aijo'.

NOSABATMO 4:8

Notatae na Tumpu, “De aha madi' mongka'oho' palesaya hi beleyum, kabai madi' nu akui nu aha salatan montoamo anu okabangangi momona, sahingga anu okabangangi aiya mompotimbalimo aha palesaya.

NOSABATMO 7:9

“De i tomundo mompoita belemiu mombau anu okabangangi salaku bukuti', pokau na i Harun mongala tokonnyo ka' olumbu'akon i tano' i ahop hi tomundo. Tokon aijo' mongabali'mo timbali ulo.”

YESAYA 5:19

Belemiu notatae, “Bakasmo da Tumpu anu susi' nu aha Israel mali-lia' mae mombau katantuan! Bakasmo da Nu pojadimo na anu tinanga'an-Nyomo da otoanto ka' mule' osumbu'tomo.”

MARKUS 15:32

De Ia Tomundo' nu Israel, Tomundo' anu Momposalamat, soba uuka aiya Ia mintau' mae lengkat i salib aijo' da kami montoa ka' palesaya hi Ia!” To mia-mian anu sinalib hingga-hinggat ka' i Yesus suele nompopo'ambangmo i Yesus.

MARKUS 8:11

To pia-piangkuka na mian nu Farisi tinoka hi Yesus, ka'nontampu'uni pinainggaga tiba Ia da timbali pomposala'an Ia. Aha momoita hi Yesus da mombau anu okabangangi da bau pongoosian kalu Ia tinoka lengkat mae hi Tumpu.

YOHANES 10:38

Panyo kalana Aku mombau palentah-Nyo, opalesaya apaa na anu Kubau aijo', mau mule' komiu madi' mongka'oho' palesaya hi beleng-Ku. Atina'je ka' osumbu' miu, ka' mangalati' taalu' Tuuma tataap mosa'angu' tiba Aku, ka' Aku tataap mosa'angu' tiba Tuuma.”

YOHANES 12:37

Mau mule' manjoo'mo na anu okabangangi binau i Yesus i ahop nu aha, aha madi' palesaya hi Ia.

YOHANES 2:18

To mia-mian anu mongkuasai Yahudi nonggagakon i Yesus, koonyo nu aha, “Soba pombau anu okabangangi salaku tanda hi kami, momponyata' taalu' Beleyum ko hak mombau sumo aiya.”

YOHANES 6:14

Salatan tinoa nu mian da'isan na anu okabangangi binau i Yesus, aha notataemo, “Totu'u aiyamo na Nabi anu ota-otanda'i toka i dunia!”

YOHANES 6:2

Salatan tinokamo i kiijo' da'isan na mian nombatukimo Ia, kalana aha nontoamo anu okabangangi binau-Nyo, i nompa'alin to mia-mian masakit.

YOHANES 6:36

Panyo sumo anu tinaloakon-Kumo hi beleyum, mau mule' komiu nontoamo Aku, komiu madi' palesaya.

SISIKON NU TO RASUL-RASUL 4:30

Otulungiakon-To mae da mian masakit opa'alin ka' anu okabangangi ka' hahan anu madi' toho' opia timbali kalana kakuasa'an ka' kahosonan anu nolengkat mae hi Yesus, Posaihon-To anu Susi' aijo'.”

1 KORINTUS 1:22

Mian nu Yahudi sabole-bole momoita anu okabangangi da bau tanda, ka' mian nu Yunani sabole-bole monggagakon kapandean nu dunia aiya.

IBRANI 2:4

Ka' mumle' Tumpu nompaka pototu'umo apaa na anu sinakisianmo nu mian haha aijo', aijo'mo Tumpu nombaumo iwi-iwi' nu ngahan anu okabangangi ka' hahan anu madi' ko gampanyo ka' posi pongka'oho'-Nyo na nombagi-bagiakonmo to bala-balakat nu Roh nu Tumpu.