YOHANES 6:26 - KITAB NU TUMPU ALLA LELE MA'IMAI'

²⁶ I Yesus nontaami, “Totu'u, komiu molio Aku, misa' kalana komiu nonsumbu'mo alati'nyo nu anu okabangangi binaung-Ku, panyo kalana komiu nobosumo na nongkaan.

YOHANES 6:26 ပူးပေါင်းရင်းမြစ်များ

MAZMUR 78:37

Aha madi' tulu-tulutan hi Ia, ka' madi' montoongi palajanjian-Nyo.

YEHEZKIEL 33:31

Aha toka mae manjoo' hondo na mian ka' salaku mian anu palesayamo hi belengku, aha sumuhangmo mompotombihing potatae nu beleyum, panyo apaa na anu nu palentahkon nu beleyum madi' ahi' nu tuluti nu aha. Biwi nu aha montaloakon potatae mongka'ima'i panyo kinyonyoa nu aha na ola ahi' mompotutugakon mosia na mohumpak ka'untungan.

YOHANES 3:3

I Yesus nontaami, “Palesayamo, madi' ko samian pe'e timbali minsoop anu palesayamo hi Tumpu, de madi' ia po'ule' ohampeakon.”

YOHANES 3:5

I Yesus nontaami, “Totu-totu'u na potataeng-Ku aiya: de mian madi' ohampeakon nu uee ka' mule' nu Roh nu Tumpu, mian aijo' madi' timbali mian anu palesayamo hi Tumpu.

YOHANES 6:14

Salatan tinoa nu mian da'isan na anu okabangangi binau i Yesus, aha notataemo, “Totu'u aiyamo na Nabi anu ota-otanda'i toka i dunia!”

YOHANES 6:15

Nusumbu' i Yesus na aha toka mompakisa Ia da timbalimo tomundo nu aha. Aijo' na sababnyo Ia inamba nompalaiyakon butong-Nyo i bungkutnyo.

YOHANES 6:2

Salatan tinokamo i kiijo' da'isan na mian nombatukimo Ia, kalana aha nontoamo anu okabangangi binau-Nyo, i nompa'alin to mia-mian masakit.

YOHANES 6:24

Salatan mian da'isan aijo' nontoa taalu' i Yesus ka' anu saja' mombatuki Ia madi' ko anu i kiijo', aha suele sinumake' i duangan haha aijo' ka' inamba i Kapernaum molio i Yesus.

YOHANES 6:30

“Desumo aitu,” koonyo nu aha, “bukuti' apaa na anu timbali obee'to nu kita Tuuma da kami nontoa ka' palesaya hi kita Tuuma? Apaa na anu obaunto kita Tuuma?

YOHANES 6:36

Panyo sumo anu tinaloakon-Kumo hi beleyum, mau mule' komiu nontoamo Aku, komiu madi' palesaya.

YOHANES 6:47

Osumbu'mo: Mian anu palesaya na ko kantumuu'an anu talakana' toka sidu-sidutu'.

YOHANES 6:53

Lantas i Yesus notatae hi aha, “Palesayamo: De komiu madi' mongkaan butong Anak nu Mian ka' monginum baso'-Nyo, komiu totu-totu'u madi' tumuu'.

YOHANES 6:64

Panyo daagi' mule' ko anu aiya hi komiu na madi' palesaya.” (Sinumbu'mo i Yesus salatanmo pe'e imoonanyo ihehe na anu madi' mongka'oho' palesaya, ka' ihe na anu mongkabisa'i Ia.)

ROMA 16:18

Kalana to mia-mian anu mombau sumo aijo', misa' mokalaja bau kapentingan i Kristus Tumpunto, panyo ola da mompatika'osa apaa na anu nuka'ima'i i uno nu posi kinyonyoa nu aha. Pagala nusale'i nu potatae nu aha anu toto mata-matami', aha mongakali to mia-mian anu madi' ko anu nupisumbu-sumbu'.

FILIPI 2:21

Anu iwi-iwi' sangga'at ola mongkalesang kapentingan nu posi butong nu aha, misa' kapentingan i Yesus Kristus.

FILIPI 3:19

Kantumuu'an nu to mia-mian anu sumo aijo' mingahenje nu kapatean, kalana pilogot nu aha aijo'mo apaa na anu nu nuka'ima'i nu butong nu aha. Hahan anu mongambangi, aijo'mo ahi' na anu nunu kabubuulakon nu aha; kalana aha mompopikilakon ola saja' anu mompahakona tiba dunia aiya.

1 TIMOTIUS 6:5

ka' po'uwalian anu madi'mo ko kamingkotannyo. Jalan pikilan nu mian haha aijo' pinu'otmo ka' madi'mo daagi' totu'u. Aha monsangka de bala agama moko timbali kaya.