YOHANES 6:14 - KITAB NU TUMPU ALLA LELE MA'IMAI'

¹⁴ Salatan tinoa nu mian da'isan na anu okabangangi binau i Yesus, aha notataemo, “Totu'u aiyamo na Nabi anu ota-otanda'i toka i dunia!”

YOHANES 6:14 ပူးပေါင်းရင်းမြစ်များ

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

MATIUS 11:3

“Kitamo Tuuma na mian anu tokamo mae, susumo koonyo nu janji' nu Tumpu, kabai tionyo kami montanda'i mian sangga'at?”

MATIUS 21:11

“Ia Nabi Yesus, lengkat mae i Nazaret i Galilea,” tinaaman nu mian da'isan anu nonsampo jalan i Yesus.

LUKAS 24:19

“Te apaa na tinimbali?” tukoo-Nyo i Yesus. “Anu tinimbali hi Yesus, mian lengkat mae i Nazaret aijo',” tinaaman nu aha. “Ia nabi. Potatae-Nyo ka' anu nubau ko kuasa-Nyo hondo – mau i pontoa nu Tumpu, maumo i pontoa nu iwi-iwi' na mian.

LUKAS 7:16

Iwi-iwi' na mian nabuhukmo ka' nontampu'uni nompuji' Tumpu Allah. Koonyo nu aha, “Samian na nabi daka' tinokamo i totonga'to! Tumpu tinokamo da momposalamat miannyo anu palesayamo!”

YOHANES 1:21

“Desumo aitu, beleyum ihe?” pinokilawa nu aha. “Pa' beleyum i Elia?” “Misa',” na koonyo i Yohanes. “Pa' beleyum Te Nabi?” pinokilawa nu aha mule'. “Misa',” na koonyo.

YOHANES 11:27

“Tumpu,” tinaaman i Marta, “Ku palesaya, i Tumpu Anak nu Tumpu, Tomundo' anu Momposalamat anu saidi' mae toka i dunia aiya.”

YOHANES 2:11

Aijo'mo na anu okabangangi momonanyo binau i Yesus. Binaunyo na aijo' i Kana i tano' nu Galilea. Tiba tanda aijo' Ia nompotoamo katalasanggoan-Nyo. Sahingga anu saja' mombatuki Ia, pinalesayamo hi Ia.

YOHANES 4:19

“Uuka aiya kusumbu' kita Tuan samian na Nabi,” na koonyo nu boune aijo'.

YOHANES 4:25

Boune aijo' notatae hi Yesus, “Kusumbu' Tomundo anu Momposalamat (anu osanggohi Kristus) tokaje mae. De Ia tokamo iwi-iwi' na apa-apaa nu poto'ije hi kita.”

YOHANES 4:42

Aha notatae hi boune aijo', “Kami palesayamo uuka aiya, misa' ola kalana apaa na anu tinaloakonmo nu beleyum hi kami, panyo kalana posi ihongomo mami na Ia, ka' nonsumbu'mo taalu' memang Ia anu Momposalamat dunia.”

YOHANES 6:2

Salatan tinokamo i kiijo' da'isan na mian nombatukimo Ia, kalana aha nontoamo anu okabangangi binau-Nyo, i nompa'alin to mia-mian masakit.

YOHANES 6:26

I Yesus nontaami, “Totu'u, komiu molio Aku, misa' kalana komiu nonsumbu'mo alati'nyo nu anu okabangangi binaung-Ku, panyo kalana komiu nobosumo na nongkaan.

YOHANES 6:30

“Desumo aitu,” koonyo nu aha, “bukuti' apaa na anu timbali obee'to nu kita Tuuma da kami nontoa ka' palesaya hi kita Tuuma? Apaa na anu obaunto kita Tuuma?

YOHANES 7:40

Da'isan na mian anu nohongo apaa na anu tinaloakonmo i Yesus, ka' i totonga' nu aha daagi'mo ko anu notatae, “Mian aiya matantumo Nabi!”

SISIKON NU TO RASUL-RASUL 7:37

Iamo suele na i Musa anu notatae hi bansa Israel, ‘Tumpu Allah mombee'je hi beleyum samian na nabi anu pinile'an lengkat hi posi komi-komiumo atina', susumo Ia nompile'imo aku.’