YOHANES 6:11 - KITAB NU TUMPU ALLA LELE MA'IMAI'

¹¹ Lapas aijo' i Yesus nongala roti aijo' lantas nompoita talima kaseh hi Tumpu. Lapas aijo' binagi-bagiakonnyomo na roti aijo' hi mian da'isan. Lapas aijo' mule' Ia nombagi-bagiakonmo ikan aijo', sampe na'osa na aha nongkaan.

YOHANES 6:11 ပူးပေါင်းရင်းမြစ်များ

MATIUS 15:36

Lapas aijo' Ia nongala popitu' na roti ka' ikannyo, lantas Ia nompoitamo talima kase hi Tumpu. Lapas aijo', Ia nompuge-pugemo roti ka' ikan aijo' nu lima-Nyo, ka' binee'-Nyo hi anu saja' mombatuki Ia. Ka' binagi-bagiakonnyo hi mian da'isan aijo'.

LUKAS 24:30

Tempo'nyo suha-suhang mongkaan tiba aha, i Yesus nongala roti, nontalima kaseh hi Tumpu, nompuge-puge roti aijo' nu limanyo, lantas nombee' hi aha.

YOHANES 21:10

I Yesus notatae hi aha, “Soba boamae na ikan to pia-piambatu anu sala'je binuani miu.”

YOHANES 21:13

Lapas aijo' i Yesus nongohani aha, ingalanyo na roti aijo' ka' binee'nyo hi aha. Sumo aitu mule' na Ia nombee' ikan aijo'.

YOHANES 21:9

Salatan aha nilalobosmo mae lengkat i duangan, aha nontoa daagi' ko oba nu apu kiijo' mae ka' ikan aita' i bawonyo ka' roti.

YOHANES 6:23

Lapas aijo' daagi' ko to pia-piangkuka na duangan lengkat mae i kota Tiberias tinoka nadaduak koko tampat nu mian da'isan aijo' nongkaan roti salatan ilapas na Tumpu nompoita talima kaseh.

YOHANES 6:9

“I aiya daagi' ko anak mo'ane, ko rotinyo olima' ka' uambatu na ikan. Panyo apaa na alati'nyo aijo' toka hi mian anu sumo aiya na ko da'isannyo?”

SISIKON NU TO RASUL-RASUL 27:35

Noko potatae sumo aitu, i Paulus nongala roti aijo' lantas nontalima kase hi Tumpu i ahop nu aha iwi-iwi'. Lapas aijo' ia nombagi-bagimo roti aijo', lantas kinaanmo nu aha.

ROMA 14:6

Mian anu mompentingkan sinaa-sinaa anu tinantukanmo, mian aijo' mombau sumo aijo' da mompopodaka' Tumpu. Mian anu mongkaan mau mule' pa' apaa, mombau sumo aijo' da mompopodaka' Tumpu, kalana ia montalima kaseh hi Tumpu, saba' nohumpakmo kaanon aijo'. Sumo aijo' mule' tiba mian anu mongkaan ola kaanon anu tinantukanmo; mian aijo' mule' mompopodaka' Tumpu ka' montalima kaseh hi Tumpu.

1 KORINTUS 10:31

Mau mule' apaa na obau nu kita Utus – kita Utus mongkaan kabai kita Utus monginum – baumo na aijo' iwi-iwi', bau pompopodaka' Tumpu.

1 TESALONIKA 5:18

I uno nu han iwi-iwi' tionyo ahi' komiu saja' montalima kase, kalana aijo'mo na anu nu ka'ima'i nu Tumpu hi komiu, sumo mian anu tumuu' mosa'angu' tiba i Kristus Yesus.