YOHANES 5:6 - KITAB NU TUMPU ALLA LELE MA'IMAI'

⁶ I Yesus nontoa ia male-male' aijo' mae, ka' Nusumbu' ia pininmo hondo na nasakit; lantas i Yesus nompokilawa hi ia, “Beleyum mongka'oho' ma'alin?”

YOHANES 5:6 ပူးပေါင်းရင်းမြစ်များ

MAZMUR 142:3

I ahop-Nyo pinoto'ingkumo na kasusa'anku, pinoto'ingkumo na kasusa'anku iwi-iwi' hi Ia.

YESAYA 65:1

Tumpu notatae, “Aku sinadiamo montaami mian anu palesayamo hi beleng-Ku panyo aha madi' balado'a hi beleng-Ku. Aku balasadia nusingkaboti nu aha, panyo aha madi'mo molio Aku. Bansa aijo' madi'mo molaga Aku, maunyo ahi' Aku sinadiamo montaami: Aiyamo na Aku!

YEREMIA 13:27

Tinoang-Kumo na belemiu nombau hahan anu Ku ka'ideki. Tinoang-Kumo na belemiu nololoi' to pilo-pilogot sangga'at ipuge'nyo tiba i ale', sumomo ahi' samian na mo'ane anu nongka'ima'imo bengkele' nu mian sangga'at kabai sumomo ahi' ajahan tinokamo na napisunyo hi ajahan behenyo. O mian anu jojoong i Yerusalem, silakamo na belemiu! Hipianje na belemiu madi'mo mombau palabuatan iwi-iwi' anu ma'idek?”

LUKAS 18:41

“Apaa na anu nuka'ima'i Kubau hi beleyum?” “Tuan,” tinaaman nu mian mapisok aijo', “aku ka'oho' montoa.”

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

YOHANES 5:5

I Tampat aijo' daagi' ko samian na mo'ane anu masakit tolumpulu'mo ka' ualu' na taun na kopinnyo.

YOHANES 5:7

Mian masakit aijo' nontaami, “Kita Tuumangku, madi' ko mian aiya anu montaka' aku mokiijo' mongkiobakon i talaga, de ueenyo mokokembongmo. Ka' hau-haunyo aku mokiijo' i talaga, mian sangga'at polo'mo i moona na makakiop.”

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

IBRANI 4:15

Imam Daka'to anu talasanggo aijo' misa' imam anu madi' moko ala mongoa'i apa-apaa na anu madi' opoko ala o oa'into. Panyo Ia sinobanmo i uno nu iwi-iwi' na han, pokakana sumo kita; ola Ia madi' nombau dosa'.