YOHANES 5:46 - KITAB NU TUMPU ALLA LELE MA'IMAI'

⁴⁶ De komiu palesaya hi Musa. Komiu tantu palesaya hi beleng-Ku. Kalana mongkonamo Aku na tinulisnyo.

YOHANES 5:46 ပူးပေါင်းရင်းမြစ်များ

KAJADIAN 12:3

Ku balakatije na to mia-mian anu mombalakati beleyum ka' mongkutuki to mia-mian anu mongkutuki beleyum. Ka' kalana beleyum Ku balakatije na bansa iwi-iwi' i dunia.”

KAJADIAN 18:18

Te misa' o lee'nyo na saidi' mae timbali bansa anu daka' ka' balakuasa? Te misa' o kalana ia, sahingga iwi-iwi' na bansa i dunia aiya Ku balakatije?

KAJADIAN 22:18

Iwi-iwi' na bansa i dunia mongkakaseje hi belengku da Ku balakati na aha susumo Aku nombalakatimo lee' nu beleyum – kalana beleyum nontulutimo palentah-ngKu.”

KAJADIAN 28:14

Lee' nu beleyum timbalimo susumo abu' i tano' na konjoo'nyo. Aha mompaka pobolamo da'erah nu aha toka-toka iyaya mae, ka' lengkat mae hi beleyum ka' lee' nu beleyum Ku balakatimo na bansa iwi-iwi' i dunia aiya.

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

KAJADIAN 49:10

I Yehuda na montoongi tokon nu tomundo da mompalentah, lee'nyo na mompalentah sampe toka sidu-sidutu'. To bansa-bansa momboa hasin, ka' monsombah i ahopnyo kalana ia okabuhuk.

LUKAS 24:27

Lapas aijo' i Yesus nontutuhakonmo hi aha apaa na anu tinulis i uno nu ingko-ingkot Kitab nu Tumpu mongkona butong-Nyo, lengkat pe'e i Kitab-kitab i Musa ka' kitab nu to nabi-nabi.

YOHANES 1:45

I Filipus siningkabot tiba i Natanael ka' notatae hi ia, “Kami siningkabotmo mian anu sisinanggo i Musa i uno nu kitab Atulan nu Tumpu ka' anu bibinebakonmo nu to nabi-nabi. Aijo'mo Ia i Yesus anu lengkat mae i Nazaret, anak i Yusuf.”

YOHANES 5:47

Panyo de komiu madi' palesaya hi anu tinulis i Musa, mosia na komiu timbali palesaya hi anu Ku taloakon?”

SISIKON NU TO RASUL-RASUL 26:22

Panyo sampe tinoka i tempo' aiya aku jinagaan nu Tumpu Allah, sahingga aku tuminjo aiya mombee'i katalangan hi iwi-iwi' mian – anu ko pangkatnyo tiba anu madi' ko pangkatnyo. Apaa na anu tinaloakonkumo aiya madi' ko sangalasannyo aijo'mo na anu sinisikakonmo nu to nabi-nabi ka' i Musa;

ROMA 10:4

Atulan nu agama pinoko baumo i Kristus. Jadi batu-batu mian anu pinalesayamo hi Kristus, pompahasumbu'annyo tiba Tumpu mompo'ule'mo na'ima.

GALATIA 2:19

Panyo aku sinilakamo i atulan nu agama – atulan aijo' na nonsilakai – da aku tumuu' bau kapentingan nu Tumpu. Aku sinalibmo hingga-hinggat i Kristus.

GALATIA 3:10

To mia-mian anu talalomo nontaha'imani atulan nu agama, iwi-iwi' tumuu' i uno nu kutuk. Kalana i uno nu Kitab nu Tumpu tinulismo, “Mian anu madi' tulu-tulutan mompojalan iwi-iwi' anu tinulismo i uno nu Kitab Atulan nu Agama, nu kutuki nu Tumpu!”

GALATIA 3:13

Panyo i Kristus nompobebasmo kita da boli nu kona nu kutuk ola kalana atulan nu agama. Ia nombau han aijo' nompopilayamo butong-Nyo kinutukan kalana monginau' kita. Kalana i uno nu Kitab nu Tumpu tinulismo, “Kinutukanmo na mian anu sinilakamo pinokalayo' i ohi' kau'.”

GALATIA 3:24

Tiba jalan anu sumo aijo', atulan nu agama timbalimo sumo ponjagai kita sampe i Kristus toka da mombau kita mompo'ule'mo ma'ima' tiba Tumpu kalana kita palesayamo hi Kristus.

PO'ULE' INGULIT 18:15

Panyo ola mule' ahi' anu aiya hi posi bansanto na monsai samian na nabi mamba hi belemiu susumo aku aiya ka' tionyo ahi' tulu-tulutan na belemiu hi Ia.