YOHANES 5:40 - KITAB NU TUMPU ALLA LELE MA'IMAI'

⁴⁰ Panyo komiu madi' mongka'oho' toka hi beleng-Ku da mohumpak kantumuu'an sidu-sidutu'.

YOHANES 5:40 ပူးပေါင်းရင်းမြစ်များ

MAZMUR 81:11

Akumo na Tumpu nu belemiu, anu nolaya'mo mae belemiu nosabat lengkat mae i Mesir. Tempo'nyo belemiu no'ohopmo kalana madi'mo ko anu okaan, binee'an-Kumo anu okaan na belemiu.

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YESAYA 50:2

Kadaka' aijo' aha mian anu palesayamo hi beleng-Ku mau samian madi' ko anu montaami mae, tempo'nyo Aku tokamo mae molaga aha? Pa' ugaat aha ola ahi' momohokot kalana monsangka Aku madi' moko ala mompobebas ka' mule' madi' moko ala momposalamat aha? Padahan mau ola Ku palentah na ambai timbali mo'oti, iwi-iwi na kaunyo timbali Ku pojadi padang tampat anu mateges, sahingga to ika-ikan matemo ka' mabusikmo.

MATIUS 22:3

Tomundo aijo' nonsai to poka-pokauhon mamba molabot to mia-mian anu i laga da toka i bau-bauon aijo'. Panyo aha anu i laga aijo' madi' mongka'oho' toka.

MATIUS 23:37

“Yerusalem, Yerusalem! To nabi-nabi pinateanmo. To posa-posaihon nu Tumpu pinahambunu'akonmo nu batu sampe i nate. Piangkukamo na Aku mongka'oho' molimu' iwi-iwi' mian nu kampungum, sumo tina nu manuk mongokobi sioknyo i aluk nu polipiknyo, panyo komiu madi' mongka'oho'!

YOHANES 1:11

Ia tinoka i posi lipu'-Nyo panyo bansa-Nyo madi' montalima Ia.

YOHANES 10:10

Anu buling toka ola da mombuling, da mompatei tiba mongidei. Panyo Aku toka da mian mohumpak kantumuu'an – tumuu' molabi-labi.

YOHANES 3:19

Ia otuntut kalana han aiya: Jingka aijo' tinokamo i dunia, panyo mian madi' mongka'ima'i jingka, ola lebe mongka'ima'i pintung kalana apaa na anu nubau nu aha ma'idek.

YOHANES 5:39

Komiu mompakalioi Kitab nu Tumpu kalana monsangka au'aitu desumo aijo' komiu ko kantumuu'anmo anu talakana' ka' toka sidu-sidutu'. Ka' posi Kitab nu Tumpu aijo' nombee'imo katalangan mongkona Aku.

YOHANES 5:41

Aku madi' molio da o puji' nu mian.

YOHANES 5:44

Mosia na komiu timbali palesaya, de komiu molio da o puji' nu bubu komiu ka' madi' bala usaha molio pompuji' anu lengkat mae hi Tumpu, anu ola-olamo Ia na Tumpu?

YOHANES 6:27

Boli mokalaja de ola da mohumpak anu okaan anu timbali mingkot ka' mawa'i. Bakalaja da pohumpakan anu okaan, anu madi' toho' mawa'i ka' anu mombee'i kantumuu'an anu talakana' ka' sampe toka sidu-sidutu'. Anu okaan aijo' nubee'je nu Anak Mian hi beleyum, kalana Ia i hangkatmo nu Tumpu, Tuuman-To.”

YOHANES 6:37

Iwi-iwi' mian anu binee'mo nu Tuuma hi beleng-Ku, toka hi beleng-Ku. Madi' Aku mongkangkang mau pe'e ihe na anu toka hi beleng-Ku.

YOHANES 6:40

Memang aiyamo na nuka'ima'i nu Tuumang-Ku: Da iwi-iwi' na anu montoa Anak ka' palesaya hi Ia ko kantumuu'an anu talakana' toka sidu-sidutu', ka' po'ule' Kupotumuu' i Sinaa Kakiamatan.”

ROMA 6:23

Kalana kapatean aijo' tambo nu dosa'; panyo tumuu' kopian ka' toka sidu-sidutu' tiba i Kristus Yesus Tumpunto, aijo'mo tajuu anu i halala'akonmo nu Tumpu.

ANU PINOTO'I HI YOHANES 22:17

Roh nu Tumpu ka' Boting Boune aijo' notatae, “Imbo'mo!” Ihe na mian anu mohongo aiya, tionyo suele motatae, “Imbo'mo!” Ihe na anu megot, tionyo ia toka! Ka' ihe na anu mongkamilui, tionyo ia mongala uee anu mombee'i kantumuu'an aijo' madi' opai oli.