YOHANES 5:4 - KITAB NU TUMPU ALLA LELE MA'IMAI'

⁴ Kalana toto minsan malaikat nu Tumpu mintatau' i talaga aijo' ka' mongkembong ueenyo. Ka' mian masakit anu momona makakiop i talaga aijo' de ueenyo mokokembongmo tionyo ma'alin mau mule' panyakit apaa na o'oa'i.]

YOHANES 5:4 ပူးပေါင်းရင်းမြစ်များ

2 TOMU-TOMUNDO' 5:10

I Elisa nonsaimo samian na posaihonnyo da mompoto'i sumo uuka hi Naaman, “Lako' na belento Tuan mindi' pimpitun i kaunyo Yordan sahingga belento Tuan ma'alinmo totu-totu'u.”

MAZMUR 119:60

Ku lia-lia'imo ka' madi'mo montanda'i na mompojalan palentah nu Belento.

AMSAL 6:4

Bolimo pe'e mamba hoyot ka' bolimo pe'e mingkain.

AMSAL 8:17

Ku kalibosi na aha anu mongka'ima'i aku, ihe na molio aku timbali mongkabot aku.

ANU MOMPOLELE POTATAE NU TUMPU 9:10

Baumo na pakalaja'an nu beleyum iwi-iwi' nu kahosonan nu butong nu beleyum. Dumo saidi' mae madi'mo ko pikilan kabai pakalaja'an Madi'mo ko ilimu' kabai kapandean bapikin i dunia nu mian anu sinilakamo. Ka' mokiijo'mo na kalambanan nu beleyum.

YEHEZKIEL 47:8

Ia notataemo mae hi belengku, “Kaunyo aiya mo ili mamba isasu kabete'an montulu lipu' aiya ka' mule' montulu Bangka'nyo nu Kaunyo Yordan ka' mompanjolongimo mamba i Ambai Mate, sahingga ambai anu mapakat nu timuson aijo' binolosannyomo nu uee anu matawas.

HOSEA 13:13

Israel daagi ko kasampatan na tumuu' panyo aha talalo hondo ponga', sahingga madi' monggunakon kasampatan aijo'. Ia sumomo bunga mea' anu sasaidi' uuka hampemo, panyo madi' mongka oho' mosabat mae aijo' i ma'alum nu tinanyo.

ZAKHARIA 13:1

Tumpu Anu Daka' na Kuasanyo notatae, “I sinaa aijo' mimpusesemo mae sa'angu' na mata nu uee da momposusi' lee' mae i Daud tiba mian anu jojoong i Yerusalem da madi'mo baladosa' ka' mule' palasombahan hi pilogot anu lewa-lewa'mo binau nu aha.

ZAKHARIA 14:8

I sinaa aijo' uee anu molino hondo mo ilimo mae lengkat i Yerusalem; sambagian na ueenyo mo ili mamba i Ambai Mate ka' sambagian mule' mamba i Ambai anu i Totonga'nyo. Uee aijo' mo ili motau-taun na kopinnyo mau i tempo'nu ehua mau i tempo' nu posinaa.

MATIUS 11:12

Salatanmo pe'e i Yohanes noleleakon sisikonnyo sampe tempo' uuka, mian anu palesayamo hi Tumpu nu pisala'i nu to mia-mian anu talalo mompagala mongkuasai.

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

LUKAS 13:24

“Bala usaha da minsoop montulu sabatan anu soki. Kalana, inau'! Da'isan na mian bala usaha minsoop, panyo madi' timbali.

LUKAS 16:16

Atulan anu binee' i Musa tiba ajalan nu to nabi-nabi, tataap o pake sampe tempo'nyo i Yohanes anu Mompalamandikan. Mulai tempo' aitu, Lele Ma'ima' mongkona mosia na Tumpu mompalentah susumo Tomundo, saja'mo i leleakon. Ka' mian mompakisakon butong da timbali minsoop mian anu palesayamo hi Tumpu.

YOHANES 5:3

I lambingnyo haha aijo' da'isan na mian masakit sika-sika male'; daagi' ko anu mapisok, daagi' ko anu pengko', daagi' ko anu kapi'. [Aha iwi-iwi' montanda'i uee nu talaga aijo', mokokembong.

YOHANES 5:5

I Tampat aijo' daagi' ko samian na mo'ane anu masakit tolumpulu'mo ka' ualu' na taun na kopinnyo.

YOHANES 5:7

Mian masakit aijo' nontaami, “Kita Tuumangku, madi' ko mian aiya anu montaka' aku mokiijo' mongkiobakon i talaga, de ueenyo mokokembongmo. Ka' hau-haunyo aku mokiijo' i talaga, mian sangga'at polo'mo i moona na makakiop.”

1 KORINTUS 6:11

To pia-piangkuka itina' hi komiu u'utu mae ko kalakuan sumo aijo'. Panyo uuka dosa' miu pinobelesinmo. Komiu tinimbalimo samata-mata anu nu Tumpu. Komiu nompo'ule'mo nompaha ima' tiba Tumpu, kalana komiu pinalesayamo hi Tumpu Yesus Kristus, ka' kalana kuasa nu Roh anu nolengkat mae hi Tumpu Allah-nto.

1 YOHANES 1:7

Panyo de kita tumuu'mo i uno nu jingka susumo Tumpu i uno nu jingka, saba' kita suele ahi' tumuu' sambukumo, mompaha dame-damemo samian ka' samian, ka' baso' i Yesus, Anak-Nyo, na mompolomasmo dosa'to iwi-iwi'.