YOHANES 5:39 - KITAB NU TUMPU ALLA LELE MA'IMAI'

³⁹ Komiu mompakalioi Kitab nu Tumpu kalana monsangka au'aitu desumo aijo' komiu ko kantumuu'anmo anu talakana' ka' toka sidu-sidutu'. Ka' posi Kitab nu Tumpu aijo' nombee'imo katalangan mongkona Aku.

YOHANES 5:39 ပူးပေါင်းရင်းမြစ်များ

MAZMUR 1:2

panyo anu mongka'ima'i mombau Palentah nu Tumpu ka' lewa' mompotutugakon maumo sinaa kabai maumo pihi.

MAZMUR 119:11

Pangajalan nu Belento ku una'mo i uno nu kinyonyoangku da aku madi' baladosa' hi Belento.

MAZMUR 133:3

Kabai sumomo dondu'ok i Bungkutnyo nu Hermon, anu no'ilimo nokaiyong i puge'nyo nu Sion. Ikiijo'mo mae na Tumpu montudunakon balakat-Nyo, kantumuu'an sampe toka sidu-sidutu'.

MAZMUR 16:11

Pinotiju'mo mae nu Belento hi belengku na jalan anu mompanjolongi kantumuu'an; hi Belento na pohumpakanku kalame'an anu taha-tahahumo ka' kabilahian sampe toka sidu-sidutu'.

MAZMUR 21:4

Belento tinokamo hi ia nomboai balakat anu manjoo' hondo, ka' nomposongko'mo makota' mosoni' i ubaknyo.

MAZMUR 36:9

Sinukupmo na aha nongkaan anu nolabi-labimo i Laigan nu Belento tiba uee anu o'inum lengkat i kaunyo nu Belento anu sanang hondo na ingoa'anmo.

AMSAL 6:23

Sinin na pangajalan nu tu'anyo nu beleyum sumomo sulu' anu majingka; pokinde nu aha mompotingaan hi beleyum jalan nu kantumuu'an anu ma'ima'.

YESAYA 34:16

Soba lio ka' basa' i uno nu Kitab nu Tumpu; Madi' ko sa'angu' pe'e na binatang haha aijo iwi-iwi' ko anu molapus kabai anu madi' moto osoa. Kalana memang sumo aijo'mo ahi' na palentah nu Tumpu ka' posi Ia ahi' na nomposihukmo aha.

YESAYA 8:20

Taami sumo uuka, “Ohongo na pangajalan nu Tumpu! Mian nau motatae madi' sosok ipangajalan aijo' madi' ko anu nu taha'imani imihinyo mae.”

YEREMIA 8:9

To mia-mian anu toto pande-pande atina' hi belemiu saidi' mae opopo ambangmo. Aha madi'mo moko ala bapikin ka' ohakopmo. Aha madi'mo mongka'oho' montalima pokinde'-Ku; jadi kapandean apaa na anu daagi' hi aha?

DANIEL 12:2

Manjoo' na anu sinilakamo anu aijo' hi aha panyo po ule'mo opotumuu'; sambagian na molasai kantumuu'an anu sampe toka sidu-sidutu' ka' sambagian mule' na molasaimo kasansala'an ka' apa-apaa na anu okabuhuk hondo, sampe toka sidu-sidutu'.

MATIUS 22:29

I Yesus nontaami, “Komiu ilipunmo hondo, kalana komiu madi' mangalati' i Kitab nu Tumpu, mau pe'e kuasa nu Tumpu Allah.

MARKUS 10:3

Tinaaman i Yesus, “I Musa nombee'i palentah apaa hi komiu?”

MARKUS 12:10

Komiu tantu nombasa'mo ayat aiya i uno nu Kitab nu Tumpu Allah, ‘Batu anu madi' opake nu anu mombau bangunan tinimbalimo batu anu talalo opalalui.

LUKAS 16:29

I Abraham nontaami, ‘Aha ko kitab-kitabmo i Musa tiba kitab nu to nabi-nabi! Bakas aha montulutije apaa na anu tinulismo i uno nu kitab-kitab aijo'!’

LUKAS 16:31

Panyo i Abraham notatae, ‘De aha madi' mompajuli palentah i Musa ka' to nabi-nabi, tantu ahi' aha madi' palesaya mau mule', ko anu i nate po'ule' tinumuu'.’ ”

LUKAS 24:25

Lantas i Yesus notatae hi aha, “Komiu memang ponga'! Talalo bata-bata na komiu mompalesaya iwi-iwi' anu tinaloakonmo nu to nabi-nabi!

LUKAS 24:27

Lapas aijo' i Yesus nontutuhakonmo hi aha apaa na anu tinulis i uno nu ingko-ingkot Kitab nu Tumpu mongkona butong-Nyo, lengkat pe'e i Kitab-kitab i Musa ka' kitab nu to nabi-nabi.

LUKAS 24:44

Lapas aijo' Ia notataemo hi aha, “Aiyamo na hahan anu pinoto'ingkumo hi komiu tempo'nyo Aku daagi' nojajalan tiba komiu: tukoongku apa-apaa na anu tinulis mongkona Aku i uno nu Kitab-kitab i Musa, to Nabi-nabi, ka' Mazmur, tionyo timbali.”

YOHANES 1:45

I Filipus siningkabot tiba i Natanael ka' notatae hi ia, “Kami siningkabotmo mian anu sisinanggo i Musa i uno nu kitab Atulan nu Tumpu ka' anu bibinebakonmo nu to nabi-nabi. Aijo'mo Ia i Yesus anu lengkat mae i Nazaret, anak i Yusuf.”

YOHANES 5:32

Panyo daagi' ko mian sangga'at anu nombee'i katalangan mongkona Aku, ka' Kusumbu' na anu tinalangkannyo aijo' totu'u.

YOHANES 5:36

Panyo anu tinalangkan-Ku lebe daka' molingkudui anu tinalangkan i Yohanes. Apaa na anu Kubau uuka aiya, aijo'mo na kalaja anu pinokauhakon nu Tuuma hi beleng-Ku, bau pomponyata' saba' Tuuma nompokaumo mae Aku.

YOHANES 5:40

Panyo komiu madi' mongka'oho' toka hi beleng-Ku da mohumpak kantumuu'an sidu-sidutu'.

YOHANES 5:46

De komiu palesaya hi Musa. Komiu tantu palesaya hi beleng-Ku. Kalana mongkonamo Aku na tinulisnyo.

YOHANES 7:52

“Te beleyum suele lengkat mae i Galilea?” tinaaman nu aha. “Soba palesaya na Kitab nu Tumpu! Beleyum montoaje saba' madi' ko Nabi anu molengkat mae i Galilea!” [

SISIKON NU TO RASUL-RASUL 13:27

kalana to mia-mian anu jojoong i Yerusalem ka' to pola-polaya' nu aha madi' monsumbu' saba' Iamo na anu momposalamat aijo'. Aha madi' mangalati' i sinaa nu Sabat, sahingga aha nohukum i Yesus. Panyo kalana mombau anu sumo aitu, ahamo na nonsabapi sahingga apaa na anu tinaloakon nu to nabi-nabi aijo' jinadimo.

SISIKON NU TO RASUL-RASUL 17:11

To mia-mian i Berea madi' mompohowini apaa na anu i uno nu kinyonyoanyo, madi' pokakana to mia-mian i Tesalonika. Sanang hondo na kinyonyoa nu aha mohongo lele mongkona i Yesus, ka' toka nu sansina-sinaa aha monselidiki Kitab nu Tumpu, da nusumbu' nu aha pa' totu'u na pangajalan i Paulus aijo'.

SISIKON NU TO RASUL-RASUL 26:27

Anu Opopodaka' Tomundo' Agripa, pa' kita Tomundo' palesaya hi apaa na anu tinaloakonmo nu to nabi-nabi? Kututugi kita Tomundo' palesaya!”

ROMA 1:2

Lele Ma'ima' aijo' jinanji'mo nu Tumpu daagi' pe'e naipuan mae sinisikakonmo nu to nabi-nabi-Nyo ka' tinulismo i uno nu Kitab nu Tumpu.

ROMA 3:2

Tantu manjoo' na gunanyo! Momoonanyo, kalana hi mian nu Yahudi Tumpu montaha'imani da obau apaa na koonyo nu potatae nu Tumpu.

PO'ULE' INGULIT 18:15

Panyo ola mule' ahi' anu aiya hi posi bansanto na monsai samian na nabi mamba hi belemiu susumo aku aiya ka' tionyo ahi' tulu-tulutan na belemiu hi Ia.

PO'ULE' INGULIT 18:18

Anu aijo' i posi bansa nu aha na Ku sai mamba hi aha aijo'mo samian na nabi susumo beleyum. Ku poto'ije hi ia apaa na anu tionyo ahi' nu poto'i lantas nu poto'ije i bansa aijo' iwi-iwi' na anu Ku palentahkonmo.

PO'ULE' INGULIT 29:29

Daagi' ko to pia-piangkuka na han na anu pinohowini nu Tumpu Allah-nto, panyo atulan-Nyo pinoto'i-Nyomo hi kita, ka' kita tiba lee'to tionyo ahi' montuluti sampe toka sidu-sidutu'.”

PO'ULE' INGULIT 32:47

Pangajalan aijo' misa' ola potatae anu madi' ko batunyo, panyo bau kantumuu'an nu belemiu. Sabole-bole otuluti na palentah aijo' iwi-iwi' da mantan na umun nu belemiu i lipu' anu madi'mo daagi' pin kajojoonganmo nu belemiu i santoanyo Kaunyo nu Yordan.”

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

IBRANI 11:16

Panyo aha memang ahi' monginde'i sa'angu' na lipu' anu lebe ma'ima', aijo'mo lipu' anu kiita' i Suluga'. Aijo' na sababnyo Tumpu madi' ma'ambang de aha monsanggo Ia Tumpu nu aha, kalana Tumpu nomposadiamo sa'angu' na kota bau kajojoongan nu aha.

IBRANI 11:35

Kalana bala'iman, sahingga po'ule'mo i humpak nu to bou-boune na to mia-mian anu sinilakamo. Daagi' mule' ko anu i halala'mo na osakisa sampe sinilakamo, ka' madi'mo ko kahanda' opotumuu', kalana mongka'ima'imo po'ule' opotumuu' da mohumpak kantumuu'an anu lebe ma'ima'.

YOSUA 1:8

Kitab nu atulan aijo' tionyo ahi' saja' nu basa'akon hi mian anu pinalesayamo hi beleng-Ku. Ogulu'i na kitab aijo' sinaa ka' malom, da saja' nu bau iwi-iwi' apaa na anu tuli-tulis kiijo' i unonyo. De nu baumo na aijo' iwi-iwi' kantumuu'an nu beleyum mohumpakmo kasanangan ka' apaa na anu nulio nu beleyum ohumpakmo.

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.