YOHANES 5:38 - KITAB NU TUMPU ALLA LELE MA'IMAI'

³⁸ Potatae-Nyo madi' una-una' i uno nu kinyonyoaum kalana komiu madi' palesaya hi beleng-Ku anu sinai-Nyo mae.

YOHANES 5:38 ပူးပေါင်းရင်းမြစ်များ

MAZMUR 119:11

Pangajalan nu Belento ku una'mo i uno nu kinyonyoangku da aku madi' baladosa' hi Belento.

YESAYA 26:10

Maumo ahi' mian anu ma'idek na kinyonyoanyo saja' o, atun ma'i-ma'ima' panyo ia madi' ahi' monggulu'i apaa na anu sahondo-hondonyo. Maumo ahi' inegara hukum ia saja' ahi' mingkalakuan madi' adin, ka' madi' ka oho' mongakui kakuasa'an nu Tumpu.

YESAYA 49:7

Tumpu anu susi' anu Momposalamatmo Israel notataemo hi mian anu talalo hondo saja' o, alu, ka' anu oka'ideki nu to bansa-bansa ka' mule' binaumo posaihon nu to mia-mian anu balakuasa, “To tomu-tomundo' montoamo saidi' mae palabuatan-Ku; aha saidi' mae moholomatimo Aku. To mia-mian anu balakuasa saidi' mae suele montoamo ahi' lantas tolodadupumo monsombah.” Han aijo' bisa jadi' kalana Tumpu nompile'imo posaihin-Nyo; Tumpu nu Israel anu susi' madi' mongkolilimi palajanjian-Nyo.

YOHANES 1:11

Ia tinoka i posi lipu'-Nyo panyo bansa-Nyo madi' montalima Ia.

YOHANES 15:7

De komiu saja' mosa'angu' tiba Aku, ka' pangajalan-Ku maninguna' i kinyonyoaum, poita hi Tuuma mau mule' apaa na o kahanda'i miu; anu opoita miu atina' tantu obee'.

YOHANES 8:37

Memang Kusumbu' komiu aiya lee' i Abraham. Panyo komiu kahanda' mompatei Aku, kalana komiu madi' montalima pokinde'-Ku.

KOLOSE 3:16

To panga-pangajalan i Kristus anu nobuke'mo nu balakat tionyo ahi' oposoop i uno nu kinyonyoa miu. Komiu sabole-bole ahi' mompaha pogu-pogulu' ka' mompaha bebee'i pokinde' da pande. O nyanyi na mazmur ka' anu bau pompuji-puji' tiba to elo-elok nu rohani; o nyanyiakon hi Tumpu bau pontalima kase i uno nu kinyonyoa miu.

YOSUA 1:8

Kitab nu atulan aijo' tionyo ahi' saja' nu basa'akon hi mian anu pinalesayamo hi beleng-Ku. Ogulu'i na kitab aijo' sinaa ka' malom, da saja' nu bau iwi-iwi' apaa na anu tuli-tulis kiijo' i unonyo. De nu baumo na aijo' iwi-iwi' kantumuu'an nu beleyum mohumpakmo kasanangan ka' apaa na anu nulio nu beleyum ohumpakmo.

1 YOHANES 2:14

Aku nontulismo toka hi belemiu, to Ana-anak kalana komiu nonsumbu'mo Tumpu Tuuma. Aku nontulismo toka hi belemiu to Tutuuma, kalana komiu nonsumbu'mo Potatae nu Tumpu anu polo-polo'mo daagi' salatanmo pe'e i momonanyo. Aku nontulismo toka hi komiu to Oli-olitau, kalana komiu mahoson. Potatae nu Tumpu Allah itina' i uno nu kinyonyoa miu, ka' komiu nohungku'imo Anu Ma'idek.