YOHANES 5:28 - KITAB NU TUMPU ALLA LELE MA'IMAI'

²⁸ Boli komiu bangang na mohongo han aiya, kalana tokaje na tempo'nyo saba' iwi-iwi' na mian anu natemo mohongo potatae-Nyo,

YOHANES 5:28 ပူးပေါင်းရင်းမြစ်များ

YESAYA 26:19

Mian anu palesayamo hi Belento sisinilakamo saidi' mae po ule'mo tumuu', bangke-bangke' nu aha po ule'mo tumuu'. Mian anu ilamunmo i uno nu tano' saidi' mae po ule'mo tumuu' ka' lame'mo na lewa' molo ais. Sumomo dondu'ok mompoloopmo tano', Belento mompotumuu'mo mian anu palesayamo hi Belento anu pini-pininmo na sinilaka.

DANIEL 12:2

Manjoo' na anu sinilakamo anu aijo' hi aha panyo po ule'mo opotumuu'; sambagian na molasai kantumuu'an anu sampe toka sidu-sidutu' ka' sambagian mule' na molasaimo kasansala'an ka' apa-apaa na anu okabuhuk hondo, sampe toka sidu-sidutu'.

HOSEA 13:14

Bansa aiya madi'mo Ku posalamat i kakuasa'an nu dunia nu mian anu sinilakamo. O kasilaka'an loloakonmo na panyakit anu molele! Baumo na pakalaja'an nu beleyum anu lewa-lewa' mohansuni aijo'! Aku madi'mo daagi' mongkalibosi bansa aiya.

YOHANES 3:7

Boli bangang de Ku taloakon: komiu iwi-iwi' tionyo po'ule' ohampeakon.

YOHANES 4:21

“Palesayamo,” na koonyo i Yesus hi ia, “tokaje na tempo'nyo mian monsombah Tuuma, misa'mo i bungkutnyo aiya, ka' misa' mule' i Yerusalem.

YOHANES 4:23

Panyo tokaje na tempo'nyo, ka' memang tinokamo kalana Roh-je nu Tumpu na mongkuasai sahingga to mia-mian monsombah Tuuma salaku Tumpu anu totu-totu'u susumo anu nunu kahanda'i nu Tuuma.

YOHANES 5:20

Kalana Tuuma mongkalibosi Anak, ka' mompotiju' hi Ia iwi-iwi' apaa na anu pinosi bau-Nyomo. Aitu pe'e Tuuma mompotiju'je hi Ia hahan anu lebe daka' mule', sahingga komiu bangang.

YOHANES 5:25

Palesayamo: Tokaje na tempo'nyo – aitu pe'e tinokamo na tempo'nyo – mian mate mohongo potatae nu Anak nu Tumpu. Ka' mian anu mohongo Ia tumuu'.

SISIKON NU TO RASUL-RASUL 24:15

Pokakana sumo aha, aku suele montaha'imani hi Tumpu, saba' iwi-iwi' na mian mompo'ule' tumuu' de silakamo – to mia-mian anu ma'ima', mau pe'e to mia-mian anu ma'idek!

SISIKON NU TO RASUL-RASUL 3:12

Salatan i Petrus nontoa to mia-mian aijo', ia notatae hi aha, “O, to mia-mian Israel, kadaka' to Utu-utus bangang i han aiya? Kadaka' komiu saja' montoa mae kami? Apaa komiu monsangka mian aiya timbali lumajang kalana ko kuasa hi kami kabai kalana kami mohongo-hongo hi Tumpu?

1 KORINTUS 15:22

Sumo mian iwi-iwi' tionyo silaka kalana pinokakanakonmo sumo i Adam, sumo aitu mule' iwi-iwi' po'ule' opotumuu' kalana opokakanakonmo sumo i Kristus.

FILIPI 3:21

Butongto anu madi' mahoson ka' anu timbali mohonsu aiya nubali'ije i Kristus timbali sumo butong-Nyo anu talasanggo. Ia timbali moko ala mombau aijo' kalana Ia daagi' ko kuasa mompatundu' iwi-iwi na apaa.

ANU PINOTO'I HI YOHANES 20:12

Ka' aku nontoamo to mia-mian anu sinilakamo, anu daka'mo ka' anu daagi' ise', tinuminjo i ahop nu kasuhangan aijo'. Sahingga to kita-kitab suele pinaha buka'mo. Lantas sa'angu' na kitab sangga'at binuka'mo, atina'mo Kitab nu Mian anu Tumuu'. Lapas aijo' hukuman inabu'akonmo hi mian anu sinilakamo, sitimbang tiba anu binaumo nu aha susumo anu tinulismo i uno nu kitab haha aijo'.