YOHANES 5:14 - KITAB NU TUMPU ALLA LELE MA'IMAI'

¹⁴ Lapas aijo' i Yesus siningkabotmo tiba mian aijo' i uno nu Laigan nu Tumpu, ka' notatae hi ia, “Uuka aiya beleyum ma'alinmo. Bolimo po'ule' baladosa' da boli mongoa'i anu lebe ma'idek.”

YOHANES 5:14 ပူးပေါင်းရင်းမြစ်များ

2 TAWARIKH 28:22

I uno nu han anu talalomo hondo sinusa' aijo', i Ahas ola mule' ahi' nompaka baladosa'mo hi Tumpu.

NEHEMIA 9:28

Panyo salatan lipu' nu aha madi'mo ko anu nompoposia, aha po ule' mule' ahi' binaladosa'. Sahingga po ule' mule' ahi' binee' nu Belento na aha, hi sampobali' nu aha anu nononsansalamo aha. Panyo salatan aha nangalati'mo ka' mule' nompele-pele'mo hondo, aha nomoitamo tulung hi Belento da oposalamat. Sahingga kiita' mae i suluga' ihongomo nu Belento ka' saja'mo tinulungan mae nu Belento. Kalana Belento tinolopaya'mo hi aha ka' mule' talalomo ahi' nolibos.

MAZMUR 118:18

Tumpu nonsakisamo aku totu-totu'u, panyo Ia madi' nombee' aku i uno nu kapatean.

MAZMUR 18:22

Aku nontulutimo hondo palentah nu Tumpu ka' madi' moteba' hi sangga'at panyo sabole-boleh ahi' hi Tumpu-ngku.

MAZMUR 27:6

Uuka aiya aku inguntungmo na nahampate nongewa sampobali'ku anu nontikubimo mae aku; jadi aku nontaligalaimo kalana ilame'mo, ka' sinombahkonkumo na koloban bau pontalima kaseh i Lagian nu Belento; aku manyanyimo ka' mompuji'mo Tumpu.

MAZMUR 9:13

Kalana Ia monginau' mian anu nongoa'imo kasansala'an ka' madi' mongkolilimi aha anu tinolokihismo; mian anu talalo buhingison hi sangko mian mohumpak hukuman hi Ia.

YESAYA 38:20

O, Tumpu Belento nompo alinmo aku, sahingga kami nonyanyimo nyanyian bau pompuji' iLaigan nu Belento, okutiakon kasapi', i uno nu kantumuu'an mami.”

IMAMAT 13:20

da opalesa. De nana'nyo haha aijo' otoa mosi palebokmo madi'mo sumo kilit anu i duhu-duhuknyo ka' bulu i tampat aijo' suele nopute'mo, imam tionyo ahi' mompoto'i taalu' mian aijo' nahumimi'mo. Bisun aijo' montampu'unimo panyakit kilit anu monsilakai.

IMAMAT 26:27

De lapasmo na mongoa'i hukuman aijo' iwi-iwi', belemiu madi' ahi' mohongo-hongo Aku, ka' daagi' ahi' sabole-bole panggaga hi beleng-Ku,

IMAMAT 7:12

De koloban aijo' osombahkon bau pontalima kase, saba' tiba binatang aijo' tionyo ahi' okolobanakon suele na roti anu madi' ogalo'i ragi. Roti aijo' timbali opodaka' na mongkompon labu tiba lanya' zaitun, kabai roti anu ise' pinanggang anu osapui nu lanya', kabai labu na obau kukis ogalo'i nu lanya' nu zaitun.

MATIUS 12:45

Lantas ia namba ka' nomboa popitu' na roh sangga'at anu lebe ma'idek molingkudui ia. Lantas aha ninsoop i uno nu mian aijo' ka' ia jinojoong i kiijo'. Ka' ahennyo balu-balu'nyo nu mian aijo' timbali lebe ma'idek molingkudui uuka mae momona. Aijo'mo suele na timbali tiba to mia-mian tempo' uuka.”

MARKUS 2:5

Salatan i Yesus nontoa kinodaka' na palesaya nu aha, Ia notatae hi mian lupe aijo', “Anak-Ku, dosa'um ingampunanmo.”

YOHANES 5:13

Panyo mian anu na'alinmo aijo' madi' monsumbu' pa' ihe na Ia, kalana i Yesus madi'mo tinoa i totonga' nu mian da'isan aijo'.

YOHANES 5:5

I Tampat aijo' daagi' ko samian na mo'ane anu masakit tolumpulu'mo ka' ualu' na taun na kopinnyo.

YOHANES 8:11

“Madi', Kita Tuuma,” na koonyo. “Ma'ima'mo,” na koonyo i Yesus, “Aku suele madi' mohukum beleyum. Uuka aiya lako'mo ka' bolimo mombau dosa' mule'.”]

1 PETRUS 4:3

Tempo' anu i hikuhakonmo, sampemo na kinopinnyo na belemiu nombaumo anu nuka'ima'i nubau nu to mia-mian anu madi' monsumbu' Tumpu. Komiu tumuu' madi' ma'ima'. Komiu montuluti napisu, lewa' malangu, mompopodaka' bau-bauon, lewa' batawa' ka' monsombah pilogot tiba jalan mombau anu o kahenyui.