YOHANES 5:10 - KITAB NU TUMPU ALLA LELE MA'IMAI'

¹⁰ Kalana aijo' anu mongkuasai Yahudi notatae hi mian anu sala'je na'alin aijo'. “Sinaa aiya sinaa nu Sabat. Beleyum madi' timbalimo hangkat ampasum.”

YOHANES 5:10 ပူးပေါင်းရင်းမြစ်များ

YESAYA 58:13

Tumpu notatae, “Holomati na sinaa nu Sabat sinaa bau ponsomban Tumpu. Boli ola mongkalesang posi kapentingan nu belemiu isinaa aijo'. Lame'akon na sinaa aijo' salaku sinaa anu ma'ima'; holomati na sinaa nu Tumpu, boli mamba moyaya: boli mokalaja kabai montaloakon potatae anu madi' kokaliangannyo.

YEREMIA 17:21

Poto'i sumo uuka: ‘De belemiu madi', mongka'ima'i silaka bolipe'e mongato balang isinaa nu Sabat, kabai momboa oposoop montulu sabatan daka' haha aijo' i Yerusalem.

YEREMIA 17:27

Iwi-iwi' aijo' bisa timbali de belemiu montuluti Aku ka' montungka'akonmo samata-mata sinaa nu Sabat baumo bahagian-Ku. Boli mongato balang maumo pa' apaa montulu sabatan daka' haha aijo' i Yerusalem isinaa aijo'. De olanggaimo nu belemiu na palentah-ngKu haha aijo', saba' sabatan toto daka-daka' i Yerusalem tibamo laigan iwi-iwi' nu tomundo' Ku papuimo ingko-ingkot ka' mule' apunyo aijo' madi'mo daagi' opoko ala opatei'.’ ”

MATIUS 12:10

I kiijo' daagi' ko mian anu limanyo kapi' na sambiha'. To pia-piangkuka na mian anu kahanda' molio-lio kasala'an i Yesus, nompokilawa hi Ia, “Pa' timbali mompa'alin mian i sinaa nu Sabat?”

MARKUS 2:24

Lantas to mia-mian nu Farisi notatae hi Yesus, “Kadaka' anu saja' mombatuki Komiu molanggai hukum nu agamanto, nombaumo anu nupoliwa' nu sinaa nu Sabat?”

MARKUS 3:4

Lantas Ia nompokilawa hi aha, to mia-mian anu daagi' i kiijo', “Koonyo nu agamanto timbali mombau apaa i sinaa nu Sabat? Mombau anu ma'ima' kabai mombau anu ma'idek? Momposalamat mian kabai mompatei?” Aha ola ahi' nomohokot.

LUKAS 13:14

Kapala nu laigan pogalejaan aitu notambuha'mo, kalana i Yesus nompa'alinmo mian i sinaa nu Sabat, kalana aijo' ia notatae hi to mia-mian, “Daagi' anom na sinaa na mokalaja; toka mae i sinaa aijo' da opa'alin boli i sinaa nu Sabat!”

LUKAS 23:56

Lapas aijo' aha ninsusule'mo ka' nontoukai posadiaon ka' minya-minya' manohong da bau po minya-minya'i bangke' i Yesus. I Sinaa nu Sabat aha madi'mo nombau apa-apaa, kalana montuluti atulan nu agama.

LUKAS 6:2

To pia-piangkuka na mian nu Farisi notatae, “Kadaka' komiu molanggai atu-atulan nu agamanto, mombaumo anu o tewa' i sinaa nu Sabat?”

YOHANES 1:19

To mia-mian Yahudi anu ko kuasa i Yerusalem nompokau to ima-imam ka' to mia-mian nu Lewi namba hi Yohanes, ka' nompokilawa hi ia, “Beleyum aiya ihe?”

YOHANES 5:11

Panyo mian aijo' nontaami, “Mian anu nompa'alinmo aku u'uka na nompokau aku noki hangkat ampasku ka' lumajang.”

YOHANES 5:15

Lantas inamba na mian aijo' ka' nompoto'i hi anu mongkuasai Yahudi, tukoonyo i Yesus na nompa'alin ia.

YOHANES 5:16

Ka' kalana aijo' aha nontampu'unimo monguesani Yesus, kalana Ia nompa'alin i sinaa nu Sabat.

YOHANES 7:23

De komiu mombau anu sumo aijo' da boli molanggai atulan i Musa mongkona sunat, kadaka' komiu motambuha' hi beleng-Ku kalana nompa'alin butong nu mian songko-songko i sinaa nu Sabat?

YOHANES 9:16

To pia-pingkuka na mian nu Farisi haha aijo' notatae, “Madi' bisa mian anu nombau aiya nolengkat mae hi Tumpu, kalana Ia madi' mompajuli sinaa nu Sabat.” Panyo mian sangga'at notatae, “Iya na timbali mian anu baladosa' mombau anu okabangangi sumo aiya?” Lantas tinimbali painggagaan hi posi-posi aha.